PyrenEOS proiektuak irudi horiek baliatu nahi ditu eskaeraren araberako zerbitzuak sortzeko baliabide naturalen kudeaketa efizientera bideratuta. Horretarako, plataforma teknologiko bat garatu eta probatuko du nekazaritza, baso-kudeaketa edo baliabide hidrikoetarako pilotua den zerbitzu-sorta batekin.

Hala, lehenik eta behin, laborantzen jarraipen nahiz kudeaketan laguntza-zerbitzuak eskainiko dira, sateliteen irudiek informazio zabala emango baitute, esaterako: landareen garapena, hezetasuna edo lurraren nitrogeno-maila. Adibidez, partzela berean jakin ahalko zen zer gunek behar duen ongarria, eta datu horiek ongarri-emailearen GPSean sartuta, nitratoaren aprobetxamendu hobea erdietsiko zuten. Existitzen den egun nahiz biomasaren bolumenak ere kalkulatu ahalko ziren; izurriteengatik edo ingurumen-ezbeharrengatik basoko estalkian dauden akatsak hauteman, sute bat, esaterako; eta Nekazaritza Politika Komuneko adierazpenak egiaztatu.

Bigarrenik, baliabide hidrikoak kudeatzeari dagokionez, plataforma urtegietako ur-bolumenak kalkulatzen saiatuko da, bai eta mendietan elur nahiz izotz forman gordetakoa ere. Horrenbestez, uholdeak aurreikusteko eta haien alerten tresnak garatu ahalko ziren. Gainera, uholdeak izateko arrisku handiko guneetan atlas bat sortuko da meteorologia-baldintza ezberdinen arabera, eta ibilguetako aldaketak aintzat hartuz, adibidez, aurreko uholdeetako sedimentazioek sortutako aldaketak, hain zuzen, eta uhaldi baten garapena alda dezaketenak.

Zerbitzu horiek aipatutako satelite-irudien gordetako nahiz prozesatutako informaziotik hornituko dira. Lan horretarako, Nafarroako Gobernuko informatika-sareko Datuak Prozesatzeko bigarren Zentroko baliabideak erabiliko dira, gaur egun instalatzen ari direna. Bestalde, herritarrek informazio eskuratu ahalko dute SITNA plataformen bidez, Nafarroako Geoataria eta Idena bisorearen bidez.

2,02 milioiko aurrekontua

Aipatu den moduan, gaur goizean aurkeztutako PyrenEOS mugaz gaindiko proiektuak 2,02 milioi aurrekontua du datozen hiru urteetarako; haietatik 1,26 milioi bertan parte hartzen duten erakunde nafarrei dagokie.

Europar Batasunak kopuru guztiaren % 65 diruz lagunduko du Interreg-Poctefa programaren bidez, EGEF funtsekin finantzatzen dena.

Copernicus programarekin lortutako irudiak aprobetxatzen utziko duen plataforma teknologiko bat garatzea da helburua, zenbait zerbitzu pilotu garatuz, enpresetan eta ikerketa-zentroetan beste garapen berritzaile batzuk sustatzeko. Zerbitzu publikoetako plangintza eta jarduerako eskualde nahiz tokiko prozesuak babestu nahi dira ere, mugaz gaindiko aldaketa sozialak erraztearren.

Hasiera batean, PyrenEOSek izaera pilotuarekin bost zerbitzu bederatzi aplikazioekin testatuko ditu Nafarroan, Pirinio Atlantikoetan eta Euskal Autonomia Erkidegoan. Nolanahi ere, gero Pirinioetako lurralde guztira zabaldu ahal izatea da asmoa, eta plataforma teknologikoari buruzko gehiago garatzea.