Hala, konferentzia instituzionala hilaren 3an egingo da, goizez, eta bertan administrazio publikoek sustatutako esperientziak azalduko dira. Gainera, ia kontsumorik ez duten eraikinekin konpromisoko adierazpen bat sinatuko dela aurreikusten da, eta hirietan CO2 isurtzeak murriztea.

Jarduera sozialei dagokienez, antolakuntzak aldi berean hitzaldi batzuk prestatu ditu, irekiak, hilaren 2rako eta arratsaldez; hilaren 4an eta 5ean, berriz, goiz eta arratsaldez egingo dira. Haiek guztiek ordu erdi iraungo dutela aurreikusten da.

Dibulgazioko ekintza horien esparruan, irailean Eskola Iraunkorren Sareari atxikitako ikastetxe nahiz institutuetako arduradunekin prestakuntza-tailer batzuk egin ziren, Hezkuntza Departamentuak sustatuta. Jarraian, ikastetxe horietan unitate didaktiko batzuk egin ziren, eta konferentzian zehar ikasleek egindako lanak erakutsiko dira.

Azkenik, Konferentziaren barnean ere Nafarroako eta Donostiako eraikin pasiboetara bisitak egingo dira. Lehenengoen artean, Iruñeko Lezkairuko auzoan eraikitzen ari diren 29 etxebizitza daude eta landetxe bat (amaituta dago), Iberon. Donostian, 150 gela izango dituen hotel baten obrak bisitatuko dira, eta San Roke auzoko birgaitze bat.

Gogora ekarri behar da datorren urtean Eskubide Sozialetako Departamentuak babestutako 234 etxebizitza publiko eraikitzea sustatuko duela alokairu sozialerako, eta haietatik 48 gazteentzat izango direla eta beste 48, babespeko apartamentuetarako. Gainera, sustatzaile pribatuek alokairu sozialerako beste 50 etxebizitza eraiki ditzaten nahi da. Alor horretan, Nafarroako Gobernuak, 12,7 milioirekin, babestutako 4.000 etxebizitzaren errentamendua diruz lagunduko duela aurreikusten da, eta Nasuvinsak kudeatutako alokairuko poltsan 200 higiezin berri sartzea.

Babes ofizialeko 400 etxebizitzen eraikuntza sustatu nahi da, halaber, eta haietatik 300 diru-sarrera txikiko familientzat izango ziren; tasatutako prezioen 150 etxebizitza ere sustatu nahi da, erdiak baliabide gutxieneko pertsonentzat.

Datorren urterako beste helburuetako bat 6.500 etxebizitzaren birgaitzea sustatzea da. Izan ere, era honetako jarduketetarako diru-laguntzetarako eta subsidioetarako zenbatekoa 25,76 milioiraino igoko da, 2016ko aurrekontuan zegoen hasierako kreditua baino % 0,82 gehiago, eta gaur arte finkatutako gastua baino % 21,7 gehiago.

Azkenik, higiezinen bitartekotzan 200 espediente kudeatuko direla kalkulatzen da helburu honekin: etxegabetzeak ez egotea, 2.000 higiezinen bizigarritasun-baldintzak kontrolatzea eta etxebizitza arloko informazio-sistemak modernizatzea.