Gogora ekarri behar da afiliazio-maila txikiena 2014ko urtarrilean izan zela, 243.505 afiliazio. Hortaz, urriko azken datua aintzat hartzen bada, 23.852 afiliazio gehiago izan da, % 9,8.

"Langabeziaren jaitsieraren eta afiliazio-igoera"-ren kontrapuntu gisa, Laparra lehendakariordeak ohartarazi du kontratazio-kopuruak behera egin duela, "azken urteotan, urrian ohikoa den egoera". Egoera kontrajarria dirudi –langabeziaren jaitsiera eta kontratuen jaitsiera–, baina kontuan hartu behar da langabeziatik ateratzen diren pertsona guztiak ez daudela lanean kontratu baten bidez.

Zifrei dagokienez, 2016ko urrian Nafar Lansarean 32.297 kontratu erregistratu dira Nafarroako Komunitateko lantokiei dagokienez. Hau da, aurreko hilean baino 3.827 kontratu gutxiago, hileko -% 10,6ko jaitsiera. Nolanahi ere, kontratazioari buruzko balorazioa anbibalente samarra da, urteko terminoetan kontratu-kopurua igo egin baita (% 3,6), 2015eko urriarekin alderatuz, 1.110 kontratu gehiago.

Positiboki baloratu beharreko beste elementu bat ondorengoa da: 2015eko urriarekin alderatuz, kontratazio mugagabearen igoera aldi baterakoena baino handiagoa izan dela. Kontratu mugagabeen igoera urtero % 8,3 igo da; aldi baterakoak, berriz, % 3,3.

Aldaketa horiek kontratazio mugagabearen pisua egindako kontratazioaren % 5,4koa izaten jarraitzea dakarte. Nolanahi ere, kontuan hartu behar da egoera horrek ere nolabait urtaroari lotutako osagai bat duela. Uda garaiaren ondorengo kontratu mugagabeen pisua igotzea ohikoa da, behin-behinekotasun maila handiago batek markatzen duen epea.

Enplegu-agentzien arabera, eta hileko terminoetan, langabeziak behera egin du ondorengo tokietan: Donezteben (-% 3,80), Iruñean -Zabalgunea (-% 3,68), Yamaguchi (-% 3,26) eta Arrotxapea (-% 2,72)-, Lizarran (% -1,61), Altsasun (% -1,25) eta Agoitzen (-% 0,26). Igo egin da, berriz, Lodosan (% 5,56), Tuteran (% 2,68) eta Tafallan (% 1,34).

Urteko aldaketari dagokionez, bulego guztietan langabezia jaitsi egin da. Altsasun (-% 13,65), Agoitzen (-% 13), Tafallan (-% 12,27), Donezteben (-% 10,88), Tuteran (-% 9,81), Lizarran (-% 9,75), Iruñeko guztietan –Yamaguchi (-% 9,06), Zabalgunea (-% 6,47) eta Arrotxapea (-% 4,34)–. Azkenik, Lodosako agentzian langabeziak -% 3,46 egin du behera urtebetean.

Sexuaren arabera, 21.989 emakume dago lanik gabe, -% 2,43ko hileko jaitsiera batekin (547 emakume gutxiago) eta 16.707 gizon, -% 0,23ko jaitsierarekin (39 gizon gutxiago). Beraz, langabe modura erregistratutako emakume-kopuruan izandako jaitsiera deigarria da.

Nolanahi ere, urteko aldaketa genero-ikuspegirik aztertzen bada, egiaztatu daiteke langabeziaren banaketa desorekatuago bat benetan finkatzen ari dela, krisiaren urte larrienak igaro ostean: gizon langabeen kopurua urtean -% 9,8 jaisten da, eta emakumeena, -% 6,3. Gaur egun, langabeak diren emakumeen proportzioa langabezi guztiari dagokionez, % 56,8 da (% 49 2009aren amaieran).

Adin-taldeen arabera, 137 gazte langabe gutxiago dago, hau da, -% 3,37. Aldi berean, 25 eta 44 urte artean langabezia -% 1,63 jaitsi da, eta 44 urtetiko gorakoen artean, -% 0,93.

Horrenbestez, 3.925 gazte daude lanik gabe (kopuru guztiaren % 10,14); 25 eta 44 urte artekoen artean dago langabezia guztiaren % 44,23 (17.117), eta 44 urtetik gorakoen artean, % 45,62 (17.654).

Urteko aldaketari dagokionez, gazte langabeen kopurua -% 2,85 jaitsi da, tarteko taldean (25-44 urte) murriztu da gehien (-% 10,62); 45 urtetiko gorakoen artean, berriz, -% 6,12ko urteko jaitsiera izan da

Ikasketa-mailaren arabera, hamar langabetatik zazpik goi-mailako prestakuntzarik ez du (Bigarren Hezkuntzatik gora), hau da, kopuru guztiaren % 69,9; unibertsitateko prestakuntza duten pertsonen langabezia, berriz, kopuru guztiaren % 10,3 da (3.995 lagun). Unibertsitateko ikasketak dituzten langabeei dagokienez, hamarretik zazpi emakumezkoak dira (% 71,2).

Azkenik, sektore ekonomikoen arabera, aipagarria da langabeziak azken urtean behera egin duela sektore guztietan. Portzentajeei erreparatuz, Eraikuntzan -% 20,77 murriztu da (673 lagun gutxiago), atzetik datoz Nekazaritza (-% 12,50, duela urtebete baino 306 langabe gutxiago), Industria (-% 10,66 eta 639 pertsona gutxiago) eta Zerbitzuak (-% 6,61 eta 1.787 pertsona gutxiago). Nolanahi ere, urtebetean langabezia igo egin da enplegu bat ez zutenen artean (104 gehiago, % 3,15). Sektoreko jaitsiera orokor hori bereziki positiboa da, aurreko hilabeteetan ikusitako joera indartzen baitu, hau da, jaitsiera Zerbitzuen sektorera bakarrik ez dela mugatzen (langabeziaren % 65,2 batzen du).

Azpisektore ekonomikoen arabera, 2015eko urriarekin alderatuz, termino absolutuetan nabarmentzen dira: lehen sektorearen barnean, nekazaritzan eta abeltzaintzan urtean 254 langabe gutxiago dago. Industrian, elikaduraren industrian 154 langabe gutxiago dago, eta baita produktu metalikoen fabrikazioan ere, makinaria salbu (115 gutxiago). Eraikuntza-sektorean nabarmendu behar dira: eraikuntza espezializatua (urtero 365 langabe gutxiagorekin) eta eraikinen eraikuntza (279 langabe gutxiagorekin urtebetean). Azkenik, zerbitzuen sektorean txikizkako merkataritzan izandako urteko jaitsiera aipatu behar da (316 langabe gutxiago), gastronomiari lotutako jardueretan (janari eta edariak) 250 gutxiagorekin, ostatu-zerbitzuetan (143 gutxiago), eraikinen eta lorezaintzako zerbitzuetan (123 gutxiago), enpleguari lotutako jardueretan (107 gutxiago) eta osasun-jardueretan (106 gutxiago).

Horri kontrajarriz, langabeziak gora egin du ondorengo azpisektoreetan: motordun ibilgailu, atoi eta erdi-atoien fabrikazioa (66 pertsona gehiago lanik gabe), material eta ekipo elektrikoaren fabrikazioa (51) eta Administrazio Publikoa (45 gehiago).