Nafarroako toki-ogasunek 2017. urtean guztira 207.159.063 euro jasoko dute, Foru Gobernuak gaurko bileran onartutako foru-legeko proiektu batean adierazten denaren arabera, Toki Ogasunek Nafarroako Tributuetan duten Parte-hartzeen Funtsaren zenbatekoa eta banaketa ezartzen duena transferentzia arrunten bitartez. Proiektu hori Nafarroako Parlamentura igorriko da presako prozedura bidez izapidetzeko.

Hurrengo ekitaldirako funts hori handitzea aurreikusten da aurreko ekitaldiarekin alderatuz, eta Nafarroako KPIk (kontsumoko prezioen indizea) duen bilakaeraren arabera handituko da, ekainetik ekainera kalkulatuz, eta ateratzen den portzentajeari portzentajeko bi puntu gehituz. Urte arteko KPI negatiboa izan zela kontuan hertuz (-% 0,7), toki-ogasunek izango duten gehikuntza garbia % 1,3 da, hau da, 2,3 milioi euro gehiago.

Hala, toki-erakundeetarako dauden baliabide ekonomikoak sustatzeko ildoari jarraipena ematen zaio; ildo hori abenduaren 28ko 24/2015 Foru Legeak hasi zuen, aurreko murrizketak konpentsatzeko xedearekin.

Funtsa banatzeko ildo nagusiak honako hauek dira:

-Transferentzia arruntak: 177.004.077 euro

-Iruñeko Udalari "Hiriburutza Agiri"-agatik: 24.155.895 euro

-Udalei Udalbatzako kideei ordaintzeko: 5.596.373 euro

-Nafarroako Udal eta Kontzejuen Federazioari: 403.318 euro