Gizarte-erakundeekin lan komuna egitea

Hauek dira Administrazioko eta gizarte-erakundeetako ordezkariekin Nafarroako Gizarte Ongizatearen Kontseiluaren barnean sortutako lantalde misto baten esparruan lortutako ondorio nagusiak. Ondorio horiek gaur goizean aurkeztu dituzte prentsaurrekoan Gizarteratze eta Babes Sozialeko zuzendari nagusi Gema Manúk; Nafarroako Ogasuneko zuzendari-kudeatzaile Luis Esainek; eta Cermin-eko Mª Luz Sanzek, lantaldeko gizarte-erakundeen ordezkaritzan.

Mezenasgo Soziala gaur egun Parlamentuan izapidetzen ari da fundazio nahiz babes-jardueren zerga-araubidea arautzen duen Foru Legearen aldaketa batekin. Lantaldearen ondorioak zuzenketa gisa aurkeztuko dituzte orain Nafarroako Gobernua sustengatzen duten parlamentuko lau taldeek, hau da, Geroa Bai, EH Bildu, Podemos e Izquierda-Ezkerra taldeek.

Lantalde horretan honako alor hauetako langileek parte hartu dute: Gizarteratzeko eta Babes Sozialerako Zuzendaritza Nagusia, Errealitate Sozialaren Behatokiaren eta Gizarte Politiken Plangintzaren eta Ebaluazioaren Zuzendaritza Nagusia, Pertsonen Autonomiarako eta Garapenerako Nafarroako Agentzia, Nafarroako Zerga Ogasuna eta Nafarroako Berdintasunerako Institutua. Gizarte-erakundeen ordezkariak honako hauek izan dira: Cermin, Pobreziaren aurka Borrokatzeko Nafarroako Sarea, Nafarroako GGKEren Koordinakundea eta REAS. Gainera, lantaldeak Eskubide Sozialetako Departamentuko Idazkari Nagusi Teknikoko abokatu baten laguntza jaso du.

Mezenasgo Sozialaren pizgarri fiskalak erakunde onuradunei egindako dohaintzei aplikatuko zaizkie, ez proiektu zehatzei, Eskubide Sozialetako Departamentuak edo Nafarroako Berdintasunerako Institutuak emandako nahitaezko aitortza lortu dutenak.

Erakundeek bete beharreko baldintzak honako hauek dira: irabazi-asmorik ez izatea eta interes publikoko fundazio, elkarte modura aitortuta izatea, Ministerioaren dagokion erregistroan inskribatutako GKE edo gizarte-ekimeneko kooperatibak, bai eta aurreko erakundeen federazio eta elkarteak ere.

Haien helburuak sozialak izango dira eta beraien lana egin behar dute gizarte-zerbitzuetan, garapenerako lankidetzan edo gizon eta emakumeen arteko berdintasunean. Gainera, Nafarroan jarduerak eginda izan behar dituzte azken lau urteetan, jasotako errenten eta diru-sarreren % 70 gutxienez interes orokorreko helburuetara bideratzea, eta Gardentasunaren eta Gobernu Irekiaren Foru Legearen betebeharrak betetzea.

Bestalde, administrazio-izapideak errazten dira eta ez da beharrezkoa izango erakundeek beharrezko dokumentazio aurkeztea aipatutako aitortza eskuratzeko eskaerarekin batera; dokumentazio horretan baldintzak betetzen direla egiaztatuko da informazio hori ondorioztatzen denean: administrazio publikoren baten mendeko erregistro baten inskripziotik, Nafarroako diru-laguntza publikoak jasotzetik edo Administrazioren bati dagoeneko emandako dokumentaziotik.

Ezarritako araubidea eskuratu denean, erakundeek Eskubide Sozialetako Departamentuari, hurrengo ekitaldiko lehen zortzi hilabeteetan, ondorengoa eskatu beharko diote: araubide hori mantentzen dela adierazpen arduratsu batean , hau da, baldintzak betetzen jarraitzen dutela. Departamentuak eskaerak 3 hilabeteko gehieneko epean ebatziko ditu.

Gainera, Gizarteratzeko eta Babes Sozialeko zuzendari nagusiak azpimarratu duenez, "sistema berri honek, gizarte-erakundeei dohaintzak emateagatiko kenkariak nabarmen igotzea ekartzeaz gain, iragazki politiko-administratibo oro desagerrarazten du, gizarte zibilak bere jarduera-eremuan bertan izan beharreko autonomia nahiz askatasuna kentzen zituena".

Argazki-oina: Ezkerretik eskuinera: Edurne Arzelus, REASekoa; Eliana Alemán, Pobreziaren aurka Borrokatzeko Sarekoa; Luis Esáin, Nafarroako Ogasuneko zuzendari-kudeatzailea; Gema Mañú, Gizarteratzeko eta Babes Sozialerako zuzendari nagusia; Mª Luz Sanz, Cermin-ekoa; eta Ana García Purroy, Nafarroako GGKE Koordinakundekoa.