- Autonomoentzako informazio birtualeko puntu bat abian jartzea navarraemprende.com atariaren bidez eta portalautonomos.com berreskuratuz.

- Hiriko merkataritza: ekintzaileentzako laguntzak eta merkatarientzako egoiliar-tarifak.

Planak atal honetan ondorengo neurriak aurreikusten ditu: autoenplegurako orientazioa hezkuntza, unibertsitate eta LHko esparruetan; eta sentsibilizazioko jardunaldiak eta hitzaldiak antolatzea.

- Berankortasunaren aurka borrokatzea: buzoi anonimo bat prestatzea jardunbide txarrak salatzeko hornitzaileei ordaintzeko epeetan, eta ikuskatzaileen sorrera aztertzea edo daudenak prestatzea berankortasunari aurre egiteko.

- Ezkutuko ekonomiaren eta iruzur fiskalaren aurka borrokatzea: beste neurri batzuen artean, autonomoek Ekintzailetza Planean sartutako laguntza fiskalak eskuratu ahalko dituzte, eta haien artean PFEZen edo Sozietateen % 20ko kenkaria nabarmendu behar da lehen 5 urteetan irabaziak dituztenean.

- Itxiera ekiditeko eta belaunaldi-aldaketa sustatzeko neurriak: ondorengotzarik gabeko negozio-poltsa bat sortzea, establezimenduak berritzeko laguntza, autonomoaren eskubideen defentsa-zerbitzua ezartzea, neurri fiskalak, jarduera berritzeko erraztasunak, besteak beste.

Emakume autonomoak bera lanaldia murrizteko eskubidea egikaritzeko baldintzak sortzeko haurrak zaindu behar dituenean edo bere lan-bizitza, pertsonala eta familiarra bateragarri egi behar dituenean, ondorengo neurriak daude:

- Laguntza-deialdiak ama ekintzaileen beharretara egokitzea.

- Laguntzaren eraginkortasuna hobetzea haurdun dauden emakume autonomoentzat eta amatasun-baja hartu aurretik pertsona bat kontratatzen dutena, ondorengo xedearekin: beharrezko prestakuntza ematea amatasun-bajaren ondorioz ordezkatu behar duenean bitartekotasun-kontratuaren bidez.

- Nafarroako Lan Autonomoaren Kontseiluan lantalde bat sortzea kolektibo autonomoan genero-desorekako egoerak edo erantzukizun bateratu falta hauteman eta saihesteko, Nafarroako Berdintasunerako Institutuaren laguntzarekin.

- Egoeraren azterketa eta sentsibilizazioa prebentzioa hobetzeko eta ezbehar-maila murrizteko AT/EP bidezko kotizazioa sustatuz (lan-istripua /lanbide-gaixotasuna) gaur egun % 20aren azpitik. 2019an % 24ra iristea da asmoa.

- Laneko Ezbehar Mailaren Behatoki Iraunkor bat sortzea autonomoen kasuan; eragile publiko eta pribatuek parte hartuko dute (elkarrekiko administrazio nagusiak, autonomoen elkarteak…), eta bertan, kolektiboko lan-istripuen aldagai eta arrazoi guztiak aztertuko dira eta hobekuntzak proposatuko.

Gobernuaren iritziz, ezin da langabeen artean bereizketarik izan kotizatzen duten araubidearen arabera. Nafarroan % 10era ez dira iristen jarduera eteteagatik kotizatzen duten autonomoak, eta haien % 80ra, prestazio hori behar izan dutenean beraien negozia itxi izanagatik, ukatu egin zaie. Horregatik, jarduera eteten duten autonomo gehienak babesik gabe eta babes sozialik gabe geratzen dira. Horretarako, bi neurri proposatzen dira.

- Bermatutako Errentaren LFn sartutako babes sozialeko neurriak eskuratzea baldintzak betez (416 euro sei hilabetez). Prestazio horrekin batera prestakuntza-ekintzak izango ziren eskatzailea lan-merkatuan sartzeko aukera handiagoak izan ditzan.

- Pizgarriak izatea eta laguntza-neurriak bigarren aukera baliatu eta berriz ekin nahi duten pertsonentzat, gainerako ekintzaileen baldintza beretan.

Alor honetan, laguntzak aurreikusten dira elkartegintzarako, Nafarroako Lan Autonomoaren Kontseilua dinamizatzeko, sinergiak bilatzeko elkarrekintzarako, elkarte horiek administrazioekin dituzten harremanak hobetzeko, edo ekintzaileen proiektuak navarraemprende.com webgunean jakinarazteko.

Nafarroako Lan Autonomoaren Kontseilua Plana jarraitzeaz arduratuko da.

2016ko irailean Nafarroan 47.218 afiliatu zeuden Langile Autonomoen Araubide Berezian, duela urtebete baino % 1 gehiago. Kopuru guztitik, 27.438 (% 58) pertsona fisikoak dira eta gainerakoak, sozietateak (sozietate-izaerarekin alta emandako autonomoak), Gizarte Segurantzan afiliatutako guztien % 18.

Autonomoaren Lan Planean aipatzen denez, egunero Nafarroan beraien jarduera finkatzen duten autonomo gehiago dago: hiru autonomotatik bi ia pertsona fisikoak dira, "autonomoak izenak dioen moduan"; % 64,9 bost urte baino gehiago dute bere negozioa martxan, eta ehuneko hori % 73ra igotzen da bere jarduera zuzentzen badute autonomoen kolektiboaren barnean hiru urte baino gehiagoz izanik. Horren aurrean, ekintzaile nafarren % 12,1ek bakarrik, 3.300 inguru, hasi dute beren jarduera beren kontura duela urtebete baino gutxiagotik.

Pertsona fisikoak diren autonomoetatik, 4.487 langileak zituzten beren kargura 2016ko irailean. Zehazki, besteren kontura 9.065 pertsona kontratatuta dituzte. Pertsona horiek sortutako enplegua igo egin da: 2015eko irailean 8.659 ziren eta 9.065, aurtengo irailean, hau da, termino absolutuetan 406 enplegu gehiago, ia % 5eko igoera.

Afiliazio guztia kontuan hartuta, gizonak % 67 dira eta % 33, emakumeak. Adinaren arabera, 55 urtetik gorakoak gehiago dira. Kolektibo honetako erdia batzen duten hiru jarduera ekonomiko daude: merkataritza, eraikuntza eta nekazaritza. Partaidetza txikiagoarekin, nabarmendu behar dira ere sektore hauek: industria, ostalaritza eta jarduera profesionalekin, zientifikoekin eta teknikoekin lotutakoak.

Hala, Nafarroako autonomoaren profila honako hau da: gizonezkoa, 40 eta 54 urte artekoa (55tik gorakoek presentzia handia izan arren), bere jarduera soldatapeko inor izan gabe, jarduera bakarrarekin, espainiarra, negozioan bost urte edo gehiago, eta kotizazioaren gutxieneko oinarria kotizatzen du.