Onartuen artetik, askotariko proposamen zehatz eta espezifikoak daude, esaterako: "Euskararen gaitasun komunikatzailea sustatzea eta materialak ikasleen ikuspegi inklusibo batetik lantzea"; "autoikaskuntzako programak lantzea, beraien erabilera eta eskaintza txikiagoa den zonaldeetan bereziki"; "ETB3 ikusi ahal izatea txikienek beren adinetara egokitutako euskarazko telebista-programak ikus ahal ditzaten"; "helduen lanbide-gaitasuneko ikastaroak euskaraz"; "bere erabilera Administrazioko zerbitzuetan bermatzea"; edo "saltokiek eta enpresek zerbitzuak euskaraz eman ditzaten sustatzea", besteak beste.

Plan estrategikoaren zirriborroa urriaren 21ean aurkeztu zen, Herritarrekiko eta Erakundeekiko Harremanetako kontseilari Ana Ollok eta Euskarabideko zuzendari kudeatzaile Mikel Arregik 65 eragileren aurrean egindako bilkura batean.

Herritarrek hilabete izan dute (urriaren 21etik azaroaren 21era) bere ekarpenak Gobernu Irekiaren bidez helarazteko.

Adierazi den moduan, proposamen eta alegazioen % 65 onartu egin dira. Honako hauei lotutako proposamenak dira, gehienbat: hezkuntza, hizkuntzaren erabilera soziala eta administrazio publikoetan duen erabilera; eta, maila txikiago batean, hizkuntzaren ospeari, sektore sozio-ekonomikoari, lege-esparruari eta arauen garapenari lotutakoak.

Alegazioen % 15 inguru ez dira onartu, zehaztutako irizpideak ez betetzeagatik. Lege-arrazoiengatik jaso ezin daitezkeen proposamenak dira; edo hiru urteko epearen barnean aplika ezin daitezkeenak plana egikaritu behar den epean zehar, eskuragarri dauden baliabideekin ezin daitezkeenak egin, edo administrazio-prozeduraren barnean ezin daitezkeenak egin.

Gainera % 20 (aipatu den moduan, ez dira alegazioak) kontuan hartu dira, baina planaren testuan ez dira zuzenean sartu

Halaber, lurralde-mailako saioak egin dira Nafarroako sei herritan, eta bertan eskualdetako hautetsiek, langile teknikoek, hizkuntz mailako eragileek eta kulturalek parte hartu ahal izan dute, besteak beste. Topaketetan 80 pertsonak parte hartu dute guztira, eta Iruñean, Tafallan, Leitzan, Zangozan, Lizarran eta Tuteran egin dira.

Sektoreko bilerak ere egin dira, guztiak Iruñean, eta 44 pertsonak parte hartu dute haietan, honako arlo hauetakoak: Euskara; Hezkuntza; Zerbitzu Publikoak; Kultura, Kirola eta IKT; eta Sozioekonomia.

Plana onartzea

Planari egindako alegazioen ondoren, Nafarroako Euskara Kontseilura lehendabizi eta Nafarroako Gobernura ondoren helaraziko da. Gainera, 2017an egikaritu beharreko ekintzen kronograma bat egingo da eta ezarpenaren jarraipen bat egingo Nafarroako Euskara Kontseiluaren, Euskarabideko Gobernu Kontseiluaren bidez; hura egikaritzeko prozesuari buruzko informazioa emango da eta herritarrek parte hartu ahalko dute,.

Plana 2016ko otsailean hasi zen proiektua Nafarroako Euskara Kontseiluan onetsiz. Maiatzean eta ekainean euskarak Nafarroan bizi zuen egoerari buruz eskuragarri zeuden datuak aztertu ziren, bederatzi adituri elkarrizketa egin zitzaien eta datu soziolinguistikoen diagnostiko bat egin zen, DAFO azterketa bat (Ahuldadeak- Mehatxuak-Indarguneak-Aukerak); mahai teknikoak 8 sektoretan, eta haietan esparru publikoko nahiz eragile sozialetako 109 pertsonak parte hartu zuten.