Arrazoi hori dela eta, Nafar Lansareko zuzendari kudeatzailea pozik agertu zen Enplegu Ministerioak "txeke-prestakuntza" izenekoa kendu izanagatik. Hamabi autonomia erkidegok bere erreparoak jarri zituzten iruzurra saihesteko bermerik ez eskaintzeagatik eta banakako orientazioa baztertzeagatik; baldintza hori ezinbestekotzat jotzen zuten esperientziarik eta prestakuntzarik gabeko gazte batek bere ibilbidea zuzen eta egoki hautatu ahal izateko.

Fernandezek pasa den astelehenean Madrilen egindako Sektoreko Konferentzian parte hartu zuen, eta bertan, Gobernu zentralak eta autonomia erkidegoek Gazte Bermearen sistema berritzea erabaki zuten. Azken hilabetean lan ez egiteko baldintza aldatu da eta hezkuntza-ekintzarik ez amaitzea azken 90 egunetan. Ordeztu egiten da eskaeraren aurreko egunean lan ez egiteagatik eta prestakuntza edota hezkuntzako ekintzarik ez egiteagatik. Horri esker, gazte asko programan sartu ahalko dira.

Gaur egun Nafarroako gazteen berme-sisteman 5.793 gazte inskribatuta daude, eta haietatik 3.334 gizonezkoak (% 57,55) eta 2.459 emakumezkoak dira (% 42,45). % 56,04 onuradunak dira eta gainerakoak ez dira, lanean ari direlako edo azken hilabetean lanean izan direlako.

Adinari dagokionez, % 70 inguru 25 urtetik beherakoak dira, eta gainerakoak, 26-30 urte artekoak. Haien prestakuntza-maila nabarmendu behar da ere; izan ere, % 30ak bigarren hezkuntza ez du amaitu. Gainerakoek lanbide-heziketa, batxilergoko tituluak, diplomatura, unibertsitateko lizentzia edo goragoko beste batzuk dituzte. Pertsonen % 4k desgaitasuna du.

2015ean 4.200 gazte inguru zeuden inskribatuta (5.793, gaur egun) eta, beraz, hazkundea % 40ra hurbildu da. 2015ean, inskribatutako pertsonen % 48,4 (2.007) kontratatu zen, eta haietatik mila batek orientazioa jaso zuten. 2016an, 8,14 puntu hobetu da, % 56,5eraino (3.274 pertsona kontratatuta, aurrez orientazioa jaso dutenekin egokituz). Gainera, kontratazio-arloan, gizon eta emakumeen arteko aldea murriztu da, 2015eko 18,7 puntutatik 2016ko 16ra (gizonen kontratuen % 58 eta emakumeen % 42).

Nafar Lansareak urtero 270.000 euro bideratzen du gazte-bermearen orientazio-lan horretarako. Gainera, kolektibo horrentzat prestakuntza-ekintzak programatzen ditu, toki-erakundeek nahiz enpresek kontratazioak egiteko laguntzak ematen ditu eta berariazko lantegi-eskolak egin ditu.

Aholkularitzako ekintzetan gazteriako zuzendariordetzako teknikariek ere parte hartu dute, bai eta erakunde horretako informazio-zentroak ere, Nafar Lansarearekin era koordinatuan lan egin duena.

Alde horretatik, gazteriako zuzendariordetzak honako erakunde hauetako ordezkariek osatutako lan-mahaia sortu du: Nafar Lansarea (Gazte Bermeko teknikariak); Nafarroako Kirolaren eta Gazteriaren Institutua; Iruña, Castejon, Corella, Huarte eta Atarrabiako udaletako gazte-arloetako eta gazte-informazio bulegoetako ordezkariak; Nafarroako Gazteria Kontseilua; Nafarroako Merkataritza Ganbera eta Secretariado Gitano fundazioa.