Gobernuak bat egin du, gaur goizean, atzo salatu zuten Blanca Esther Marquésen heriotzaren, indarkeria matxistak eragindakoaren, gaitzespenarekin. Hala, Gobernuko zenbait kidek eta goi-karguek parte hartu dute biktima omentzeko eta oroitzeko antolatutako ekitaldietan.

Hala, Eskubide Sozialetako lehendakariorde Miguel Laparrak Departamentuko langileek (Blanca Esther Marquésen lankideak) deitutako elkarretaratzean parte hartu du, Iruñean departamentuko egoitzaren aurrean egin dena. Harekin batera izan dira, Mª José Beaumont eta Isabel Elizalde kontseilariak; Eskubide Sozialetako zuzendaritza-taldeko Gema Mañú, Inés Francés eta Paz Fernández; eta INAIko zuzendari kudeatzaile Mertxe Leranoz.

Bestalde, Ogasuneko eta Finantza Politikako kontseilari Mikel Aramburuk eta Gobernuko Eledun Maria Solanak arrazoi beragatik Nafarroako Parlamentuak gaur eguerdian deitutako ekitaldia babestu dute, parlamentuko ateen aurrean egin dena.