Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Bederatzi enpresa-ekimen sortu dira Nafarroako Gobernuaren “Osasun arloko start up-en akademiatik" asteartea, 2017.eko otsailak 14
Lau hilabetez, 11 ekintzailek hartu dute parte negozio berri baterako proposamenak taxutzeko eta garatzeko jarduera honetan
Gaur goizean CEINen egindako ekitaldian parte hartu duten agintariak eta ekintzaileak.
(
irudia handitu
)
Osasun sektorearekin lotutako hainbat esparrutako bederatzi enpresa-proiektu. Horixe da Nafarroako Gobernuak Nafarroako Enpresen eta Berrikuntzaren Europako Zentroa (CEIN) sozietate publikoaren bitartez sustatutako "Osasun arloko start upen akademiaren" emaitza.
Diziplina anitzetako 11 ekintzailek bultzatu dituzte bederatzi ekimen horiek; ekintzaileok Akademian parte hartu dute osasunaren esparruko erronkak negozio berri baterako proposamen berritzaileak diseinatuta deskubritzeko eta aurrera ateratzeko.
Gaur goizean eman zaio amaiera "Osasun arloko start upen Akademiari"; amaierako ekitaldi horretan parte hartu dute Luis Gabilondo Osasuneko zuzendari nagusiak, Pilar Irigoien Sodenako zuzendari-kudeatzaile eta CEINeko kontseilari ordezkariak, eta Ana Vicente Ekonomia Garapenerako Departamentuko I+G+b Zerbitzuko zuzendariak. Jardunaldi horretan, proiektu berrien sustatzaileek beren ekimenen berri eman dute, eta etorkizunerako zer aurreikuspen dituzten azaldu dute.
Gainera, CEINeko Berrikuntza-haztegietako enpresa batzuek ere beren jardueraren berri eman dute; honako hauek, hain zuzen ere: Innoup Farma, Making Genetics, Pharmamodelling, Bionanoplus, Movalsys, The Zebrafish Lab, Eversens eta TedCas. Guztiak dira osasunaren sektorekoak.
Bestalde, "Osasunari aplikatutako soluzio teknologikoen lehiaketako" irabazlea aurkeztu dute, "Neuro-errehabilitazioaren ebaluazioa" izeneko proiektua. Nora Millor, Sophie Gorostiaga eta Marisol Gomez dira proiektuaren sustatzaileak, eta istripu zerebrobaskularra izan duten pazienteen errekuperazio-maila kuantifikatzeko aplikazio baten garapena proposatzen du, neuro-errehabilitazioaren arloan erabakiak hartzen laguntzeko helburuz.
Osasun arloko start upen Akademia
Lau hilabetez (iazko urritik urtarrilera), Akademiak beharrezko baliabideak ere tresnak eman dizkie parte hartu duten ekintzaileei, osasunaren esparruan enpresa-proiektu berriak taxutzeko, sortzeko eta abian jartzeko.
Horretarako, "eginez ikasi" metodologia erabilita, beren gaitasun ekintzaileen garapena eta enpresa-proiektu berri bat merkaturatzeko kontuan hartu beharreko alderdi guztiak landu dituzte (baliozko proposamena, negozio-eredua, salmentak, digitalizazioa, etab.).
Gainera, osasunaren berariazko arloetan oinarritutako saioak izan dituzte parte-hartzaileek; hala nola sektoreko joerak eta prospektiba, kontratazio publikoa eta design thinking delakoa.
Osasun arloko start upen Akademia" MEDTECH Navarra ekimenaren ekintzetako bat da; iaz garatu zen ekimen horren lehenengo edizioa, Foru Komunitatean osasunaren esparruan aplika daitezkeen enpresa-ekimen berriak sor ditzaketen aukerak identifikatzeko helburuz. Aurten, 2017an, bigarren edizioa jarriko da abian, jardunaldian iragarri dutenaren arabera.
"Osasun arloko start upen Akademiako" proiektuak
M.Health.click: mHealth proiektuen garapena. Proiektuak laguntzen ditu solaskide bakar eta espezializatu batekin, sortzen diren beharrak asetzeko eta arrakastaz garatzeko. Sustatzaileak: Elena Aramburu eta Iñaki Larraya.
Yuniti 360: Osasunean oinarritutako errealitate birtual murgiltzailea. Fobien tratamendua. Sustatzailea: Ivan de Obesso.
Equiten: Zaldi-terapian espezializatutako zentroa, haur zein helduei psikologiaren eta okupazioaren mailan laguntza ematen diena ingurune goxo, lasai eta natural batean, lantaldearen profesionaltasunari eta animaliarekiko errespetuzko lanari lehentasuna emanez. Sustatzailea: Belen Jaurrieta.
Luxuki Pharmadesign: Botiken entsegu aurre-klinikoetarako aholkularitza. Proiektuetarako diru-laguntzen eta funtsen eskabideak Biotech-en. Sustatzailea: Aquilino Lantero.
Bakterio-kontrako estaldurak: Kobrearen bakterio-kontrako propietateen aprobetxamendua osasun-arkitekturarako (kobrezko laminazko estaldurak osasunean). Sustatzailea: Paula Aillon.
IMPlab: Osasun-produktuaren garapenari aplikatutako open sourcen oinarritutako proiektuak. Sustatzailea: Javier Latasa.
Tikal Superfoods: Zapore oneko superelikagaien nahasketa naturalak, fitness segmentuari bideratuta. Sustatzaileak: Iñigo Ollo eta Javier Galve.
Gorputz-terapiak: Lan-prebentziorako proiektuak eta trebakuntza, posturen terapiaren bitartez. Sustatzailea: Arantxa Perez Perez.
Gestar: Jaiotza inguruko eta familiako psikologiaren inguruan ikertzeko eta esku-hartzeko zentroa Nafarroan. Gurasoei laguntasuna ematen die sorkuntzatik lehenengo urteetaraino, aurre egin beharreko zailtasunetan lagunduz eta orientatuz. Sustatzailea: Patricia Roncallo Andrade, Haezi EHUko familia-ikerkuntzarako taldearen lankidetzarekin.
Prentsa oharra:
Albiste hau osorik izan nahi baduzu PDF artxibo batean sakatu hemen
