Osasun Departamentuak hirugarren adinekoen eta haurren osasuna hobetzera bideratutako bi ekimen abiaraziko ditu maiatzean: "Adinekoen Eskola" eta "Gurasoen Eskola", hain zuzen ere; eskola horien helburua da, hurrenez hurren, zahartze osasuntsua sustatzea eta gurasoei beren seme-alaben zainketan eta hezkuntzan laguntzea, tailerren eta bestelako ekintzen bitartez.

Gaur goizean aurkeztu ditu ekimenok Fernando Dominguez Osasuneko kontseilariak, Maria Jose Perez Jarauta Nafarroako Nafarroako Osasun Publiko eta Lan-osasuneko Institutuko zuzendari kudeatzailearekin eta Marga Echauri NOPLOIren politika guztietako Osasuna Sustatzeko Atalaren buruarekin batera. Dominguezek nabarmendu du "nahiz eta bizitzako etapa guztietan den garrantzitsua osasuna, eskola berri horiek zahartzaroari eta haurtzaroari jarriko diotela arreta; zahartzaroari, gaur egun erronka handia delako gizartearentzako; eta haurtzaroari, haurrei emango diegulako etorkizuneko osasunaren lekukoa".

Antolatu dituzten tailerrak doakoak dira; aldez aurretik izena eman behar da 848 42 34 50 telefono zenbakian, 08:00etatik 15:00etara, edo Adinekoen Eskolaren webgunean eta Gurasoen Eskolaren webgunean. Aurrez aurreko bederatzi tailer egingo dira maiatzean eta ekainean; irailetik aurrera, berriz, Nafarroa osora zabalduko dituzte ekimenok. Horrez gain, online formatuan eta erdi aurrez aurreko tailerrak ere eskainiko dituzte, erabilgarritasun handiagoa izan dezaten. 2017an 350 lagunek baino gehiagok parte hartzea eta datozen urteetan kopuru hori pixkanaka handitzea espero dute.

Pazienteen Eskolak duen lan-eredu bera izango du; eskola horrek bi urte daramatza martxan, eta dagoeneko 23 tailer antolatu ditu. 400 bat lagunek hartu du parte ekintza horietan. Era horretan, pazienteen eta herritarren bizi-kalitatea hobetzen lagundu du, haien zainketa-maila eta jarraibide terapeutikoen betetze-maila hobetuz. Aurreikuspenen arabera, Gazteen Eskola eta berariaz zaintzaileei bideratutako beste eskola bat abiaraziko dituzte 2018an; era horretan, Osasunaren Eskolak hartu nahi dituen bort esparruak osatuko dira.

Adinekoen Eskola

Testuinguru horretan, "Adinekoen Eskolaren" Helburua da zahartze osasuntsua sustatzea, pertsona horiek ahalik eta gehien euts diezaieten beren gaitasunei, ahalmen funtzionalei, autonomiari eta bizi-kalitateari, mendekotasuna saihestuz. Helburu hori lortzen lagundu nahi du eskolak, hainbat jarduerarekin: auto-zainketa fisikoak, mentalak eta sozialak sustatuko dituzten hitzaldiak, tailerrak, topaketak, etab.; hori guztia, Lehen Mailako Osasun Arretako Zerbitzuekin, Oinarrizko Gizarte Zerbitzuekin eta erakunde sozialekin lankidetzan (erretiratuen klubak eta adineko pertsonen elkarteak). Gainera, Nafarroako Gobernuak laster aurkeztuko duen zahartze aktibo eta osasuntsurako estrategiaren funtsezko ekintza-ildoa da.

Bost tailer antolatu dituzte maiatzerako, ondorengo herrietan:

Nafarroako Estatistika Institutuaren datuen arabera, biztanleria osoaren % 15,7 ziren 15 urtez azpikoak Foru Komunitatean; Iruñekoa da portzentajerik handiena, % 16,5.

Gurasoen Eskolaren helburua da gurasoen babesteko eta hezteko egitekoan laguntzea, autonomiaz, segurtasunaz eta norbere buruarekiko konfiantzaz hezteko eta zaintzeko beren gaitasunak eta bitartekoak garatzea sustatuz. Foro horrek informazioa ematea eta gaur egun guraso izatearen inguruko hausnarketak sustatzea lortu nahi du, protagonisten beraien esperientziak, bizipenak eta ezagupenak oinarri hartuta.

Lehen Mailako Osasun Arretaren, Oinarrizko Gizarte Zerbitzuen eta Gurasoen Elkarteen lankidetzarekin sortu da eskola hori, askotariko hitzaldiak, tailerrak, topaketak eta bestelako ekintzak egingo ditu bere helburuak betetzeko.

Maiatzean abiaraziko den lehendabiziko tailerra da "Gurasoen hezkuntza"; zaintzeko eta hezteko baliabideak eta abildadeak garatu nahi dituzten 6 eta 12 urte arteko haurrak dituzten gurasoei zuzenduta dago. Adinekoen Eskolaren tailerrean bezala, irakasleen lantaldea esparru soziosanitarioko profesional batek eta Gurasoen Elkarteetako gurasoren batek osatzen dute.

Lau saio egingo dituzte: Gaur egun ama eta aita izatea; Hezkuntza eta Hezkuntza-estiloak I (seme-alaben onarpenaren eta autoestimuaren sustapena); Hezkuntza eta Hezkuntza-estiloak II (komunikazioa eta autonomiaren sustapena), eta Hezkuntza eta Hezkuntza-estiloak III (Autoritatea, erabakiak hartzea eta negoziazioa). Lau tailer programatu dira Iruñean, Antsoainen, Berriozaren eta Orkoienen, honako egun, ordu eta tokietan: