Nafarroako gobernuak Unibertsitate eta Hezkuntza Giza Baliabideen zuzendari orokorrari baimena ematea adostu du, sare publikoko eskola-garraioaren zerbitzua kontratatzeko, gehienez ere 9 plazako ibilgailuentzat 2017-2018 ikasturterako eta 864.000 euroko gehienezko gastuarekin (BEZ barne). 351.000 euro 2017ko iraila-abendua tarterako dira eta 513.000, berriz, 2018ko urtarrila-abuztua.

Baimendutako kontratuak luzatzeko aukera ere badago, gehienez ere 4 urteko epean. Hala, kontratuaren balio estimatua 3.141818,18 eurokoa da (3.456.00 BEZ barne), era honetan zatikatuta: 351.000 euro 2017ko aurrekontuan, 864.000 euro 2018ko aurrekontuan, 864.000 euro 2019ko aurrekontuan, 864.000 euro 2020ko aurrekontuan eta 513.000 euro 2021eko aurrekontuan.