Nafarroako Gobernuak akordio bat hartu du gaurko bilkuran. Horren bidez, Foru Komunitateko Administrazioko eta haren mendeko erakundeetako langileen 2017ko ordainsariek % 1eko igoera izango dute. Foru Gobernuarentzat 11,7 milioi euroko kostua ekarriko du.

Igoera hori abuztuko nominan aplikatuko zaie langile guztiei eta urtarrilaren 1etik atzeraeragina izango da.

Gogoratuko denez, Lehendakaritzako, Funtzio Publikoko, Barneko eta Justiziako kontseilari María José Beaumontek sindikatuekin negoziatzeko eraman zuen joan den ekainaren 28an gaur onetsi den akordioa (Estatuko Aldizkari Ofizialean egun berean argitaratutakoa), 2017rako Estatuko Aurrekontu Orokorren Legean barne hartzen den soldata-igoera hau aplikatu ahal izateko.