Datu-ikastaroak Nafarroako IKT sektorearen edo industriako langileen eskaerak asetzeko, enpresek proposatuta. Berariazko prestakuntza turismo, kultura eta aisialdi sektoreetarako edo energia berriztagarrien sektorerako. Merkataritza, administrazioa, 4.0., nekazaritzako elikagaien industria, ostalaritza, eraikuntza, informatika, kirol-jarduerak, mantentzea eta elektrizitatea, mekanizatua, arreta soziosanitarioa, zuzentzeko gaitasunak, ingeles edo frantses profesionala...

Diziplina hauek eta beste batzuk Nafar Lansarek irailaren 1ean hasiko duen enplegurako prestakuntza-eskaintzaren barruan daude. Guztira, 530 ikastaro izango da, eta 7.900 plaza gutxi gorabehera.

Langabeentzat nahiz landunentzat da. Zerrenda osoa Nafar Lansareren www.empleo.navarra.es eta www.formaccion.info web-orrietan etengabe eguneratzen da. Hor, izena emateko bideei buruzko informazioa ematen da. Arau orokor gisa, ikastaro batean bakarrik izena eman daiteke.

Aste honetan bertan eskaintza beste 63 ikastarorekin eguneratu da, langabeek lehentasunezko sarbidea dutela, hala ere, landunen % 40 arte sar daitezke. Izena emateko komeni da dagozkion enplegu-agentzietara joatea.

Eskaintzaren % 100 diruz lagunduko da eta zenbait modalitate ditu (zuzenekoa, teleprestakuntza edo mistoa edo prestakuntza eta enplegu programak), gutxienez 6 ordukoak dira, gehienez, 430. Kualifikatzailea izan daiteke, pertsona bat lanpostu batean prestatzeko; birziklatzeko sektore baten barruan; edo gaitzeko, beste batera moldatzeko. Horrez gain, berariazko prestakuntza ere dago langile autonomoentzat eta Gizarte Ekonomikoentzat. Nobedade gisa, Nafarroako eremu ekonomiko garrantzitsuetarako beharrezkoak diren ezagutzak lehenetsi dira, S3 estrategian ezarritakoak.

Nafar Lansarek gogoratu du garrantzitsua dela bizitzan zehar prestatzea, lana aurkitzeko prebentzio-gisa, lan-aldaketei aurre egiteko, eskualdeko lehiakortasunean laguntzeko eta garapen pertsonal, soziala eta profesionalean laguntzeko.

Nafar Lansarek biztale landunen gaitasun profesionalen garapena sustatzen du, diruz lagundutako prestakuntza-erakundeen bidez (460 ikastaro inguru), eta Iturrondo ikastetxe publikoetan, energia berriztagarrien CENIFER prestakuntza-zentroa dena, eta Hezkuntza Departamentuko LHko zentroetan.

Iturrondon (Burlata) dagoeneko 31 ikastaro antolatu dira, 530 plaza ingururekin. Nabarmentzen dira kultura- eta natura-ondareko hedabide digital eta turismo-komunikazioari buruzko kultura eta turismo sektoreetakoak, ahozko komunikazio teknikakoak, eta ikuskizun eta ekitaldi ekoizpenean espezializatzekoak, metodologia arinak aplikatuz.

Iturrondon ekitaldien antolaketa eta kudeaketa-ikastaroak ere izango dira; "InnoVendo", soluzioen berrikuntzari eta kontsulta-salmentari buruz; eta proiektuen kudeaketari buruzko beste bat.

Halaber, eskaintzak berariazko bost ikastaro barne hartzen ditu Gazteen Berme Sisteman izena emandako gazteentzat: ibilgailu elektriko edo elektromekanikoen karrozerien mantentzea, iturgintzan eta soldaduran. ekintzailetzari buruzko tailerrek eta saioek jarraitzen dute, eta hauei buruzko prestakuntzak antolatu dira: kontaktu-sarearen kudeaketa, helburu profesionalak finkatzea, coaching, mindfulness eta alfabetatze informatikoa, plano mekanikoen interpretazioa, soldadura, igeltserotza, lorezaintza edo hozte-instalazioak.

Horrez gain, Iturrondon, Nafarroan ekonomia digitalaren garapena bultzatzeko, datuen softwarean munduko enpresa liderra den Oracle teknologien hiru ikastaro emango dira. Hauek dira: "JAVA EE aplikazioen garapena", "Oracle 12c Datu Baseen Administrazioa" eta "Datuen analista Oracle Big Datarekin", 140 eta 215 ordu artean. 48 plaza eskaintzen dira. Nafarroan prestakuntza-huts bat betetzeko helburuarekin, Nafar Lansarek ordainketa ekonomiko garrantzitsua egingo du kalitate handiko gaikuntza honetan. Horrez gain, ikasleek azterketa bat egin ahalko dute Oracleren ziurtagiria lortzeko.

Bestalde, Iruñean industriarako oinarrizko eragiketetan 360 pertsona prestatuta, Nafar Lansarek Tutera, Altsasu, Lizarra eta Lodosara eramango du prestakuntza-ekintza hau. halaber, hiru ikastaro programatuko dira berriro Iruñean, Iturrondon. Oraingoz ehun plaza daude.

Ikastaroak gutxi gorabehera 15 eguneko iraupena du, 69 ordu orga jasotzailea, plataforma jasotzailea eta garabi-zubia erabiltzen jakiteko eta lanen kalitatea eta arriskuak azaltzeko dira. Nafar Lansarek enpresek eskatuta diseinatu du ikastaroa, Nafarroako aldi baterako kontratuen zerrendako lehena langilearena delako; laugarren kontratu finkoei dagokienez.

Hemendik gutxira 12 ikastaro hasiko dira CENIFERen PMP proiektuen kudeaketari, PLC´S, Catia, Lean, sektorerako ingelesa edo Excel aurreratuari buruz. Gutxienez, 220 plaza. Eta beste 14 Altsasu, Lizarra, Lodosa, Doneztebe, Tutera eta Iruñeko Lanbide Heziketako zentroetan: mekanizatua, mantentzea, administrazio-kudeaketa, nazioarteko merkataritza, automatizazioa, ostalaritza, ile-apainketa eta abar.

2017. urte osoan Nafar Lansarek 16.000 plaza inguru eskaintzea aurreikusitako dago, enplegurako prestakuntza-ikastaroetan, 2016ko 10.700 plazen aldean. Landunentzako eskaintzarako inbertsioa ia bikoiztu da. Tokia lehentasunez Iruñean eta eskualdean dute, baina baita hauetan ere: Agoitz, Altsasu, Lizarra, Tafalla, Tutera, Lodosa, Doneztebe, Azkoien, San Adrian edo Cintruenigo.

Eskaintza honi gehitu behar zaizkio Lantegi Eskolena eta Programa Integratuena, orientazio eta enplegu zerbitzuak barne hartzen dituena. Programa integratuetan gaur egun 10 PIFE eskaintzen dira: ostalaritza, merkataritza, nekazaritzako elikagaigintza edo fabrikazio mekanikoa. Horien berri www.empleo.navarra.es web-orrian ematen da. Oinarrizko gaitasunen prestakuntzari buruzkoak eta alderdi pertsonalak indartzekoak ere badaude.

Nafar Lansareren prestakuntza eskaintzak enpresa eta ETEetarako zuzenean bideratutako baliabideak barne hartzen ditu. Langile berriak kontratatzeko aurreikuspenaren aurrean, kontratatzeko konpromisoa duten prestakuntza-laguntzen bidez, Nafar Lansarek langabezia-egoeran edo kolokako enplegua duten ikasleen prestakuntza finantzatzen laguntzen du. Eta enpresek edo elkarteek, prestatutako pertsonen % 60 gutxienez kontratatzeko konpromisoa hartzen dute. Abuztuaren 31tik eta irailaren 14 bitartean, beste eskaera-epe bat irekiko da.

Nafar Lansareren lan-ildo berri bat dira "Proiektu bereziak". Erakundea Zerbitzuaren ohiko programetan, prestatutako langileak hartzeko edo langileak prestatzeko mekanismoak aurkitzen ez dituzten enpresa edo sektoreei erantzuten saiatzen da. Halaber, nabarmendu behar da enpresetako zuzendaritza-taldeen gaitasunen garapena.

Etorkizuneko Enplegu Planaren barruan, Gobernuak eta eragile sozioekonomikoek prestakuntzaren segmentazio handiagoa egitea erabaki dute, sektore eta taldeen behar jakinetara egokituta. Beste erronka batzuk dira ia ikasketarik ez dituzten langabeak prestatzea eta prestakuntza eremuetara hurbiltzea. Azkenik, Nafar Lansarek barneko kudeaketa-neurrietan aurrera egin du, administrazioaren kargak murrizteko eta arinagoak izateko: urte anitzeko diru-laguntzen lerroak (modulukako laguntzak) eta deialdiak sinplifikatzea.