(Edukira Joan)

Logotipo navarra.es

Castellano | Euskara | Français | English

Edukirako tresnak

Ezagutzera eman

  • Meneame
  • Delicious
  • Twitter
  • Google
  • Facebook

contacto de esta sección

Herritarren Arreta
Telefonoa: 948 012012
012*
Ordutegia:
  astelehenetik ostiralera, 8:00ak eta 19:00ak artean.
Helbide elektronikoa:
navarra@navarra.es
* Deiaren balioa: 0,34 euro, iraupena edozein dela ere.

Ikusi egun honetako albiste gehiago

Txirrindulariek gehien erabilitako Nafarroako lau errepidek arrisku-seinaleak dituzte dagoeneko ostirala, 2017.eko azaroak 17


38 kartel eta seinale jarri dira 102 kilometroetan bizikleten eta ibilgailu motordunen arteko zirkulazioan bateragarritasuna hobetzeko


bizikletak

Jarritako paneletako baten irudia. ( irudia handitu )

Nafarroako Gobernuak Barne Zuzendaritza Nagusiaren eta Herri Lanetako Zuzendaritza Nagusiaren bidez, 38 kartel jarri ditu txirrindulariek gehien erabiltzen dituzten Nafarroako lau errepidetako 8 tartetan; guztira 102 kilometro dira.

Ekimenaren helburua bide horiek bizikleta eta ibilgailu motordunen erabilerara hobeto egokitzea da. Bideak txirrindularien erabilerara egokitzeko plan baten lehen fasea da, Lehendakaritzako, Funtzio Publikoko, Barneko eta Justiziako kontseilari Maria Jose Beaumontek dagoeneko joan den ekainean aurkeztu zuena.

Kartelak eta seinaleak gaztelaniaz eta euskaraz daude, eta errepidean txirrindulariak egon daitezkeela ohartarazten du, txirrindulariekiko 1,5 metroko tartea utzi behar dela aurreratzean, abiadura murrizteko gomendioa ibilgailu motordunetarako eta eragindako errepide tartearen luzera.

 
seinalea

Txirrindulariak dauden arrisku-seinalea. ( irudia handitu )

Seinaleak 8 tartetan jarri dituzte bide hauetan: N-135, NA-2330, NA-1720 eta NA-150, guztiak Nafarroako iparraldean, Esteribar, Erro, Artzibar eta Urrotz. Tarteetako batean, Olloki eta Zubiri artean, "Ponle Freno" kanpainaren ondorioz jadanik agertzen den seinalea egokituko da. Jarduera horrek 36.017 euroko aurrekontua izan du.

Eskualdea, Erdialdea eta Erribera

Errepidearen tarte horiek egokituta, Barne Ministerioak dagoeneko beste tarte batzuk identifikatu ditu Iruñerrian eta Nafarroako erdialdean, antzeko ezaugarrietako jarduera bat egiteko. Gaur egun, Departamentuak, Nafarroako Txirrindularitza Federazioarekin lankidetzan, Erriberako errepide-tarteetan lan egiten du, txirrindulariek gehien erabiltzen dituzten errepideetan seinaleak jartzeko planaren fase guztiak burutu arte.

2016an diziplina anitzeko lan-talde bat eratu zuen, ingurune seguruagoak lortzeko txirrindularientzat eta bideen gainerako erabiltzaileentzat. Barne Zuzendaritza Nagusiko, Foruzaintzako, Probintziako Trafiko Buruzagitzako, Trafikoko Guardia Zibileko, Herri Lan Zuzendaritza Nagusiko, Nafarroako Kirolaren eta Gazteriaren Institutuko eta Nafarroako Txirrindularitza Federazioko ordezkariek osatzen dute.

Talde-lanean txirrindulariek gehien erabiltzen dituzten bideak identifikatzen dituzte, haien ezaugarriak aztertu, kalifikazio egokia edo desegokia eman bizikletaz ibiltzeko, irizpide tekniko ebaluagarriak kontuan hartuz. Kalifikazio bata ala bestea ezartzeko irizpideen artean daude eguneroko trafiko intentsitatea, ibilgailu astunen bolumena, bidearen hierarkia sarean edo bazterbideen zabalera, bidearen kontserbazio-egoeraz ahaztu gabe.


Prentsa oharra:

Albiste hau osorik izan nahi baduzu PDF artxibo batean sakatu hemen

Nafarroako Gobernua

Jar zaitez gurekin harremanetan | Erabilerraztasuna | Lege abisua | Webaren mapa