Nafarroako Gobernuak datorren igandean, abenduan 10, ospatuko den Giza Eskubideen Nazioarteko Egunean ere parte hartuko du. Bake, Bizikidetza eta Giza Eskubideen Zuzendaritza Nagusiaren bidez antolatutako jardueren eskaintzaren barruan, azaroaren 27an hasi zen, igandean Afrikako musika kontzertua izango da, Ugandako Aba Taano taldearen eskutik, Iruñeko Baluarte Batzar Jauregia eta Auditoriumean. Kontzertua 19:00etan hasiko da, eta joan nahi duenak Baluarteko leihatilan jaso beharko du gonbidapena.

Nazio Batuen Erakundeak Giza Eskubideen Aldarrikapen Unibertsala onartu zuen 1948. urtean. Aurten, NBEk aldarrikapen horren 70. urteurrena finkatu du. Data horren ospakizuna dela eta, Nafarroako Gobernuak zenbait jarduera antolatu ditu. Jarduera horiek azaroaren amaieran hasi ziren, eta abenduaren 10eko astean zehar zenbait ekitaldi izango dira, mundura irekita dagoen begirada bat igortzeko eta Giza Eskubideen alde modu konstruktiboan lan egiteko.

Afrikako Aba Taano taldea Ugandako boskote bat da, hiru baxuk, baritono batek eta mezzo batek osatzen dutena. Ugandan Bizitzak salbatzeko musika GKE txikiak abian jarritako proiektu humanitario baten ondorioz sortu zen. Aba Taano taldeko kideak gaur egun Kireka umezurztegian (Kampalaren kanpoaldean) bizi diren neska-mutilen amabitxiak eta aitabitxiak dira. Ugandako taldeak gospel abesteko modua goitik behera aldatzen du. Bere errepertorioaren artean gospel mota desberdinetako abestiak dituzte: afrikarra, Ugandakoa, Hego Afrikakoa, mezu espiritual sakon batekin, baina dinamismo handiarekin.

Boskoteko kideek, Nabbaale Harrietek (mezzo), Nkugwa Mukisa Patrickek (baritonoa), Kamoga Morrisek (baxua), Mayanja Louisek (baxua) eta Ssenteza Derrickek (baxua eta zuzendaria) nazioarteko sei sari lortu dituzte dagoeneko, eta 700 kontzertu baino gehiago egin dituzte banakako talde gisa. Publiko guztien artean oso ezaguna da dagoeneko, eta Bizitzak salbatzeko musika gobernuz kanpoko erakundearen finantza-mailako laguntzarik handiena da.