Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Hitzaldiak, zinea, kontzertuak, ikastaroak, erakusketak, haurrentzako aisiako jarduerak eta bisita gidatuak hartuko ditu
Danok Taldeak egindako erakusketaren irudia.
(
irudia handitu
)
Nafarroako Gobernuak jarduera berriak antolatu ditu martxoaren 19tik 25era bitarteko asterako:
Bi mahai-inguru antolatu ditu: asteazkenean, Nafarroako Museoan, Javier Baldaren eskutik, eta ostiralean, Karlismoaren Museoan, Francisco Fernández García eta Iban Roldán Bergaraetxearen eskutik.
Halaber, Nafarroako Liburutegiak “Errefuxiatuak” izenburuko zikloa antolatu du, solasaldi batek, irakurketa-klubeko saio batek eta antzezlan batek osatuko dutena.
Zineak, bestetik, ondokoak ekarriko ditu Nafarroako Filmotekara: “El esclavo”, asteazkenean; “El rayo verde”, ostegunean; eta “Una tarde” / “Los últimos años del artista: Afterimage”, ostiralean.
Musikari dagokionez, Nafarroako Orkestra Sinfonikoak bi kontzertu emango ditu, ostegunean eta ostiralean.
Uharteko Arte Garaikideko Zentroak lau prestakuntza-saio eskainiko ditu: molde- eta erreprodukzio-tailerra, astelehen eta ostegunean; Habitación: Siete - Zazpi, ostiral, larunbat eta igandean; jabetza intelektualaren eskubideei buruzko aholkularitza-saioa, ostegunean; eta XYZ ¡eXpresa! ¡proYecta! ¡zigZaguea!, ostiralean.
“Meatzariak gerran” eta “Danok Taldea. 1966-1967” izenburuko erakusketek jarraitzen dute ikusgai, Lizarrako Karlismoaren Museoan eta Nafarroako Museoan, hurrenez hurren. Horiez gain, erakusketa berri bat inauguratuko da larunbatean: “Ikusgai egiten duen gaua”, Huarte Zentroan.
“Ongi etorri ipuinetara” zikloaren barruko saio batek, asteazkenean, Nafarroako Liburutegian, eta Iruñeko katedraleko klaustroaren lanak ikusteko bisita-txanda berriak, igandean, osatuko dute kultura-eskaintza.
Esteka honetan duzu kultur programazio osoa:
Albiste hau osorik izan nahi baduzu PDF artxibo batean sakatu hemen