2018ko Landarte programako 15 herriak eta proiektuak

Artaxoa

Abuztuan eta irailean Artaxoako herritarrek Olatz Beobide antzerkigilearen laguntza izanen dute auzolanean prestatzen ari diren Artajona Rocks ikuskizun musikalaren gidoia lantzeko. Herriko ondare arkeologikoa eta historia izanen dira musikal honen ardatz nagusiak.

Uztailean Felix Zaratiegui artistak eta Eslabako lagunen elkarteak elkarlana eginen dute oinez dabilen pertsona baten eskultura bat altxatzeko. Lankidetzako obra honekin batera arte lantegiak izanen dira, argazkigintzari, marrazketari eta bideo-muntaiari buruzkoak.

Uztailean, Aurizberrik Panoramak programaren lehen edizioa eginen du. Literaturan murgiltzeko esperientzien proiektua izanen da eta herriko bizilagunek eginen dute herriko liburutegian, Nafarroako Gobernuko Liburutegien Zerbitzuaren laguntzaz. Leire Urbeltz izanen da artistak egoiliarra.

Abuztuaren bukaeran eta irailaren hasieran, Eugiko neska-mutilek jazz-proiektua landuko dute Broken Brothers Brass Band taldearekin batera. New Orleanseko musika izanen da sorkuntza tailer edo auzolan honen inspirazio-iturri

Uztailean, abuztuan eta irailean argazkia eta eskultura eramanen izanen dira herri honetako sorkuntza-tailerreko protagonistak. Manu Topic-ek gidatuko du landa eremuetako bizimoduari buruzko hausnarketa eskainiko duen proiektu hau.

Ekainean, Rubén Domínguez argazkilari nafarrarekin, herri honetako bizilagunak argazkiak iluntasunean egiteko artean trebatuko dira. Tailer praktiko batzuen bidez, irudiaren profesional honek gaueko zeruaren argia atzemateko gakoak erakutsiko ditu.

Martin Etxauri Sainz de Murieta artistak eta Iguzkitzako herritarrek instalazio birtual bat sortuko dute, gune digital bat, non Azketako herri zaharra aurkituko duten erraldoi tankerako batzuekin, erraldoi horiek herriko gazteen belaunaldia irudikatzen dutelarik.

Herri honetan gauzatuko den eskultura proiektua Alberto Odériz arkitekto eta hirigile nafarrarena da, zein, hiru astez herri honetako bizilagunekin izanen baita bere arte proposamena garatzeko. Eskultura megalitikotik abiatuta, Oderizek objektuen esanahia eta zentzua ikertuko ditu auzolanean.

Abuztuan, Aser Longas artistaren gidaritzapean, herritarrek eskultura bat egiten lagunduko diote eskultore horri. Gero Queiles ibaiaren begiratokian paratuko dute. Eskultura proiektu honek herriaren balio arkeologikoa nabarmentzen du.

Abuztuan zehar, herri honetako jendea lankidetzako muralismoa egiten ikasiko du, Javier Landak gidaturik. Auzolanean, herriko bi lekutan mural bana eginen dute, Santiago Ramón y Cajalen obran oinarriturik, zeina bertako herritarrik ospetsuena baita, Petilla Aragoin jaio baitzen 1852an. Marrazkien gaia izanen da nobel saridun horrek egin zuen lana, neuronen pintore eta argazkilari etnografiko gisa.

Uztailean eta abuztuan, herri honek soinuaren bidezko memoria landuko du proiektu batean, Xabier Erkizia soinu artista, kazetari eta ekoizlearekin. Memoriaren soinu mapa sortuko dute eta iruditik eta argazkitik ihes egiten saiatuko dira, Sartagudako jendeen belarrietatik hautemandako itzalak adi entzuteko asmoz.

Abuztuaren erdialdetik urriaren hasiera arte, Sesmak artearen eta landatartasunaren programan (Landarte) hartuko du parte berriz ere eta, gainera, jarraipena emanen dio bere lehen esperientziari, espartzuaren artisautzaren tradizioa berreskuratzeko proiektu batekin; horretan, berriz ere, Nafarroako Gobernuko Museoen Zerbitzuarekin eta Marijose Recalde artistarekin arituko da lankidetzan.

Ekainean, Amaia Molinet artista plastikoak eta herritarrek, kamerak eskuan dituztela, argazki-ibilaldia eginen dute herrian eta inguruetan. Aldez aurretik ibilbidea planifikatuko dute, eta guztien artean puntu garrantzitsuak eta esperientzia honetarako interesgarriak diren puntuak marraztuko dituzte mapa batean.

Ekainean herri honek ondare ibilbide bat sortuko du Azken Muga kultura ekimeneko artistekin batera. Esperientzia honen amaiera izanen da herriko Alkora taldeak emanen duen musika- eta dantza-ikuskizun bat, bideo mapping batekin girotua. Etxanoko San Pedro elizan izanen da ikuskizun hori. Herritarrek eta artistek egindako lanaren irudiak proiektatuko dira han.

Abuztuaren amaieran eta/edo irailean, herri honek 2018ko Landarten parte hartuko du berriro ere, Verónica Werckmeinster artistarekin batera. Iazko esperientzia errepikatuko dute herritarrek, lankidetzako mural bat eginen baitute, oraingoan herriko Biltokiko hormetan.