Castellano | Euskara | Français | English

Bilatzaile erabili!

Ikusi egun honetako albiste gehiago

Behin behineko kontratazioetarako Lanbide Heziketako 13 zerrenda ireki dira gaur

astelehena, 2018.eko uztailak 16

Izena emateko epea uztailaren 23ra arte egongo da irekita

Lanbide Heziketako 13 espezialitatetan izena emateko epea ireki du gaur Hezkuntza departamentuak. Aldi baterako kontratazioetarako zerrendak osatuko dira izena ematen dutenekin.

Zehazki ireki diren zerrendak honakoak dira: Esku-hartze soziokomunitarioa (euskaraz); Komunitateari zerbitzuak (euskaraz); Industria analisia eta kimika (gazteleraz); Irudi pertsonalerako aholkularitza eta prozesuak (gazteleraz); Ile-apaindegia (gazteleraz); Sistema elektroniko eta automatikoak (gazteleraz); Merkataritza prozesuak (euskaraz); Patroigintza eta jantzigintza (gazteleraz); Zura eta altzari prozesuak eta produktuak (gazteleraz); Aroztegi eta altzari ekoizpen eta instalazioa (gazteleraz); Erizaintza prozesuak (gazteleraz); Eraikuntza proiektuen bulegoa (gazteleraz); Mekanizatuak eta makinen mantenua (gazteleraz).

Zerrenda espezifikoez oraintsu onartutako 51/2018 Foru Aginduak dioenari jarraituz, eskariak aurkezteko epea astebetez egongo da zabalik, gaurtik eta uztailaren 23ra, bitartean (14:00ak arte). Era berean, gehiegizko eskariak egonez gero, Departamentuak itxi egin ahal izango ditu aldez aurretik izen-emateak.

Kontratazio zerrendetara gehitzeko interesa dutenek bide elektronikoa erabili beharko dute, aplikazio bidez.

Deialdi honetatik sortzen diren zerrendak abuztuaren bigarren hamabostaldian egingo diren leku-aukera prozesuak antolatzeko izango dira.

Prentsa oharra:

Albiste hau osorik izan nahi baduzu PDF artxibo batean sakatu hemen

Jar zaitez gurekin harremanetan | Erabilerraztasuna | Lege abisua | Webaren mapa