Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
19 toki erakundek eta irabazi-asmorik gabeko 17 elkartek bakea, bizikidetasuna y Giza Eskubideei buruzko jardueretako laguntzak jaso dituzte ostirala, 2018.eko abuztuak 31
Terrorismoaren eta 36ko indarkeriaren biktimen errekonozimenduak, laguntza memorialistak eta kulturartekotasuna nahiz bakea, bizikidetasuna eta Giza Eskubideen balioak sustatzeko ekintzak barne hartu dira
Guztira, 19 toki erakunde eta irabazi-asmorik gabeko 17 elkarte profitatuko dira Nafarroako Gobernuak Bakea eta Bizikidetasunari buruzko jardueretarako zabaldu duen dirulaguntza-deialdiaz. 170.092,51 euroko guztizko zenbatekoa osatzen duten laguntza hauetan, aintzakotzat hartu dira, terrorismoaren eta 36ko indarkeriaren biktimen errekonozimenduzko ekitaldiak, laguntza memorialistak, kulturartekotasuna sustatzeko ekintzak eta bakea, bizikidetasuna eta Giza Eskubideen inguruko balioen sustapena.
Hauexek dira laguntzak jaso dituzten 16 toki erakundeak: Antsoain, Agoitz, Bera, Burlata, Esteribar, Etxauri, Ezkabarte, Gorza, Larraun, Lerin, Lintzoain, Olza, Iruña, Ribaforada, Uharte Arakil, Villafranca eta Tuterako udalak; Gorzako Kontzejua eta Bortzirietako Gizarte Zerbitzuetako Mankomunitatea. Dirulaguntza hauen bitartez, biktimen erreparazioa egiten, memoria bultzatzen eta bakearen kultura nahiz errespetuaren, aniztasunaren, kulturartekotasunaren eta bizikidetasunaren balioak sustatzen laguntzen duten jardueren inguruko inbertsioan eta antolaketan laguntzen duten ekimenak bultzatu nahi dira.
Diruz lagundutako proiektuen artean, biktimen erreparaziorako eta horien oroimenezko plakak eta monolitoak jartzeko ekitaldi instituzionalak daude, baita sinbolo frankistak kentzeko ekintzak, kultura-aniztasunaren balioa bultzatzeko proiektuak, kultura-arteko esku-hartze komunitariorako proiektu bat, erakusketak, memoriaren nahiz GGEE eta kulturartekotasunaren arloko sentsibilizazio jardunaldiak, kultura desberdinetako pertsona eta taldeen artean bizikidetasuna sustatzea xede duten kultur eta kirol jarduerak, etab.
Irabazi-asmorik gabeko 17 elkarteen kasuan, hauexek dira diruz lagundutako proiektuak aurkeztu dituzten erakundeak: AFFNA36, Altaffayla Fundazioa, Amapola del Camino, Aroa Elkartea, Nafarroako Gazteriaren Kontseilua, Erriberri por la Memoria, Gerónimo Ustáriz, Irujo Etxea, Juan José Gorricho Moreno Fundazioa, Memoriaren Bideak, Nueva Babel, Pueblo de las Viudas, Sanfermines 78 Gogoan, SODEPAZ, SOS Racismo Nafarroa, Teileriako Ahaztuak eta Txinparta-Fuerte de San Cristóbal.
Azkenik, hauexek dira aurkeztutako proiektuetan landutako gaietako batzuk: 36ko kolpe militarraren biktimen oroimena eta errekonozimendua, memoria dutel lekuen garrantzia aldarrikatzea (adibidez, Sartagudako Memoriaren Parkeari buruzko interpretazio proiektua), memoria eta bizikidetasunari buruzko erakusketak, jardunaldiak, prestakuntza-tailerrak, hitzaldiak, antzerki-emanaldiak eta bestelako kultura-jarduerak biltzen dituen programa zabala, edota arrazakeriaz, xenofobiaz eta Giza Eskubideen bestelako urratzeez sentsibilizatzeko jarduerak.
Prentsa oharra:
Albiste hau osorik izan nahi baduzu PDF artxibo batean sakatu hemen
