Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
“Gelagri Ibérica SL”-ren Milagroko enpresa-proiektua foru-intereseko inbertsiotzat jo dute asteazkena, 2018.eko urriak 3
Barazkien tratamenduaz arduratzen den enpresa honek zuzeneko 30 lanpostu sortzea aurreikusten du
Nafarroako Gobernuak gaurko bileran “Gelagri Ibérica SL” enpresak sustatu duen proiektua foru-intereseko inbertsiotzat jotzea erabaki du. Proiektuaren bidez Milagron dituen barazkien tratamendurako instalazioak zabaltzea du xede, eta zuzeneko 30 lanpostu sortzea aurreikusten du.
“Triskalia"-ren —Bretainiako nekazaritza eta nekazaritzako elikagaien kooperatiba— enpresakidea da. Kooperatibak negozio-ildoak ditu arlo hauetan: nekazaritza, abeltzaintza, transformazioa eta banaketa. “Gelagri Ibérica”-k bi fabrika ditu Frantzian eta beste bi Espainian (Milagron eta Santaellan, Kordoban). Hain zuzen, Milagroko plantan 65.000 tona barazki transformatzen dira, hainbat motakoak: lekak, tomateak, ilarrak, kuiak, batatak, patatak orburuak, etab.
19,4 milioi euroko inbertsioa egitea aurreikusi da. Diru hori nagusiki lursail berriak erosteko, instalazio elektrikoak eta hozteko instalazioak zabaltzeko eta ontziratze-zona zabaltzeko erabiliko da.
Proiektu honen bidez, instalazioek gaur egun duten produkzio-ahalmena handiagotu nahi da, % 30an ontziratzeari dagokionez eta % 125an biltegiratzeari dagokionez. Horrekin batera energia-eraginkortasuna eta baliabideen erabilera hobetu nahi dira, eta komertzializaziori dagokionez biltegiratze-kostuak murriztu. Gainera, proiektu hau S3 Espezializazio Adimendunaren Estrategian oinarritu da elikadura-katea egituratzean, eta elikadura osasungarriaren, energia fosilen kontsumo-murrizketaren eta enpresaren batez besteko tamaina handitzearen alde apustu egiten du.
Gogoratu behar da Nafarroako ekonomia-, gizarte- edo lurralde-garapenerako bereziki garrantzitsuak diren proiektuak foru-intereseko inbertsiotzat har ditzakeela Gobernuak. Nafarroako herri-administrazio guztiekin egin beharreko izapideetan ekimen horiek lehentasunezko eta premiazko tratamendua izaten dute, eta, adibidez, jardueraren ezarpen, hirigintza-plangintza eta egikaritze-, irekiera- edo funtzionamendu-lizentzietarako aurreikusitako ohiko izapideak egiteko epea erdira murrizten da.
Prentsa oharra:
Albiste hau osorik izan nahi baduzu PDF artxibo batean sakatu hemen
