Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Geroa Bai, EH Bildu Nafarroa, Podemos–Ahal Dugu-Orain Bai eta Izquierda-Ezkerra alderdiek aurkeztu dute Parlamentuan
Foru Gobernuak gaurko bileran onartutako akordioaren bitartez adierazi du Eskuin muturreko Taldeek edo Funtzionario Publikoek eragindako motibazio politikoko biktimen errekonozimendu eta erreparaziorako foru-legearen proposamena aintzat hartzearekin ados dagoela. Proposamena Nafarroako Parlamentuan aurkeztu dute Geroa Bai, EH Bildu Nafarroa, Podemos-Ahal Dugu-Orain Bai eta Izquierda-Ezkerra aldeek.
Ildo horretan, Foru Exekutiboak, Bake, Bizikidetza eta Giza Eskubideen Zuzendaritza Nagusiaren bitartez, urte hauetan zehar, biktima guztiak artatzeko politika publikoak ezarri ditu, bakoitza bere testuinguru historikoan, araudian eta biktimologikoan kokatuta.
Beraz, biktimek egia, justizia eta erreparazioa izateko Nazioarteko Zuzenbideak arautzen duen eskubideari eta erakunde demokratikoek duten memoria-betebeharrari erantzuteko asmoarekin, Gobernuak ondorengoa adierazi du: “beharrezkoa da erakundeek beren erantzukizuna hartzea motibazio politikoko testuinguruetan Giza Eskubideen urraketa larriak jasan dituzten pertsonak artatzerakoan”.
Horrez gain, Exekutiboaren testuan ondorengoa gehitu dute: “ezinbestekoa da lan hori egitea gizarte zuzenagoa, etikoagoa eta demokratikoagoa eraikitzeko borondatearekin, Giza Eskubideen iraganeko urraketak berriro gerta ez daitezen”.
Albiste hau osorik izan nahi baduzu PDF artxibo batean sakatu hemen