Castellano | Euskara | Français | English

Bilatzaile erabili!

Ikusi egun honetako albiste gehiago

O-NOZren ospitaleek gaixoen baimen espresa beharko dute haien presentziaren eta kokapenaren berri emateko asteartea, 2019.eko otsailak 5

Araudi berria Datuen Babeserako Araudi Orokorrean (UE) 2016/679 eta Datu Pertsonalak eta Eskubide Digitalak Babesteari buruzko 3/2018 Lege Organikoan babesten da.

Osasunbidea-Nafarroako Osasun Zerbitzuak (O-NOZ) araudi berria onartu du, eta, hemendik aurrera, sarrerako zerbitzuek gaixoaren baimena beharko dute haren presentzia eta kokapenari buruz informazioa emateko galdetzen duen pertsona orori, senideei nahiz gainontzeko bisitei. Modu horretara, Nafarroako ospitaleetako informazio-guneek informazio hori ahalbidetuko dute baldin eta ospitaleratua izan den gaixoak horretarako baimen espresa eman badu.

Datuen Babeserako Araudi Orokorraren (UE) 2016/679 eta Datu Pertsonalak  eta Eskubide Digitalak Babesteari buruzko 3/2018 Lege Organikoaren babesean,  araudi berria Nafarroako Ospitale Guneetan (Nafarroako Virgen del Camino ospitale zaharra eta Ubarmin klinika), Tuterako Reina Sofía ospitalean, Lizarrako Garcia Orcoyen ospitalean eta San Francisco Javier zentroan aplikatuko da.

Beste osasun-zentroetan ospitaleratutako gaixoekin era berean jokatuko da, salbuespen-egoeretan izan ezik:

-Larrialdietan ospitaleratutako gaixoak: prozedura hori soilik gelara eramaten direnean aplikatuko da.

-Konorterik gabeko gaixoak

-Desagertutako pertsonak

-Hildako pertsonak

-Estatuko Segurtasun Indar eta Kidekoaren eskaerari erantzunez

Araudi berriak orain arteko prozedura aldatzen du, zeinetan ospitaleak gaixoari buruz informazio osoa ematen zuen, gaixoak berak idatzizko oharpen baten bidez kontrakorik adierazten ez bazuen behinik behin.

Prentsa oharra:

Albiste hau osorik izan nahi baduzu PDF artxibo batean sakatu hemen

Jar zaitez gurekin harremanetan | Erabilerraztasuna | Lege abisua | Webaren mapa