Castellano | Euskara | Français | English
Ezagutzera eman
contacto de esta sección
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Nafarroako Gobernuak departamentuetako hizkuntza-planak jarriko ditu martxan asteazkena, 2019.eko otsailak 13
Onartu den lehenengo planak hiru urteko indarraldia du eta Herritarrekiko eta Erakundeekiko Harremanetako Departamentuari dagokio
Transcripción textual del video
Nafarroako Gobernuko departamentuak 2019-2021 aldirako Hizkuntza Planak onartzeko lanean ari dira, 103/2017 Foru Dekretua aplikatzearen ondorioz (103/2017 Foru Dekretua, azaroaren 15ekoa, euskararen erabilera arautzen duena Nafarroako administrazio publikoetan). Prozesu horretan, Herritarrekiko eta Erakundeekiko Harremanetako Departamentuak jada onartu du berea, eta gainerako departamentuek gauza bera egingo dute datozen asteetan.
Nafarroako Gobernuko departamentuak 2019-2021 aldirako Hizkuntza Planak onartzeko lanean ari dira, 103/2017 Foru Dekretua aplikatzearen ondorioz (103/2017 Foru Dekretua, azaroaren 15ekoa, euskararen erabilera arautzen duena Nafarroako administrazio publikoetan). Prozesu horretan, Herritarrekiko eta Erakundeekiko Harremanetako Departamentuak jada onartu du berea, eta gainerako departamentuek gauza bera egingo dute datozen asteetan.
2017ko azaroan onartu zen dekretu hori, herritarrek Administrazioaren aurrean euskaraz aritzeko onartuta duten eskubideari erantzuteko, Euskarari buruzko Foru Legean onartzen den moduan, eta hori Nafarroako eskualdekatze eta errealitate soziolinguistikoan ezarritako mailaketa kontuan hartuz egiteko.
Planen hasieran, departamentuaren egitura eta legezko esparrua deskribatzen dira, eta datu demografiko eta soziolinguistikoak ematen. Gero, abiapuntuko egoeraren hasierako diagnostikoa egiten da (zenbat plazatan den beharrezkoa euskaraz jakitea), langileek euskaraz jakitearen inguruko datuak biltzen dira, eta departamentuko jakinarazpen eta errekurtsoen egoera aztertzen da. Departamentu bakoitzean herritarrak euskaraz artatzeko lehentasuna duten unitate organikoak identifikatzen dira: informazio-puntuak eta erregistroa, eremu euskaldunean ezarritako zerbitzuak, zonalde batean baino gehiagotan arreta ematen duten zerbitzu nagusiak eta zerbitzu ohikoenak.
Aldi horretan bete beharreko helburuak ere ezartzen dira; besteak beste, derrigortasuna zehaztea, langileak euskaraz trebatzea, herritarrak euskaraz artatzeko neurriak hartzea, idatzizko informazioa bi hizkuntzetan egotea, hizkuntza-paisaia zehaztea (errotuluak eta elementu fisikoak), eta lizitatutako zerbitzuek arreta emateko irizpideak finkatzea.
Plana garatzeko antolaketa-egitura jasotzen da; hain zuzen ere, departamentuko lantalde bat, departamentu arteko batzorde bat eta Euskarabideako Gobernu Kontseilua izango dira koordinazio- eta garapen-erakundeak. Azkenik, hizkuntza-plana ebaluatzeko eta haren segimendua egiteko mekanismoak ezartzen dira.
Ostiralean, unitateetako bakoitzean hizkuntza-eskakizuna izan beharko duten plazak betetzeko irizpideen proposamena aurkeztuko zaio mahai sindikalari, dekretu horretan jasotakoaren arabera. Irizpide horiek Gobernu osoari aplikatuko zaizkio.
Prentsa oharra:
Albiste hau osorik izan nahi baduzu PDF artxibo batean sakatu hemen
