EmanZipa eta DaVid programetan partekatutako baldintzak

Hauexek dira EmanZipa zein DaVid programetarako bete beharreko baldintzak: 3.000 euroko gutxieneko diru-sarrerak izatea, Nafarroan erroldatuta egotea, etxebizitza baten jabea ez izatea (zenbait salbuespen ezarri dira; esaterako, etxebizitza desegokiena) eta azken bost urteotan etxebizitzarik eskualdatu ez izana (90.000 eurotik beherako diru-sarrerak eragin dituztenak salbu), etxebizitza baten jabea ez izatea (90.000 eurotik beherako ondasunak eta eskubideak izatea izan ezik), errentatzailearekiko ahaidetasunik ez izatea (odolkidetasunaren edo ezkontza-ahaidetasunaren bigarren mailaraino), etxebizitzaren gehienezko alokairua hileko 650 eurokoa izatea eta kenkaria urtero berritzea, ematea ala ukatzea baldintzak betetzen jarraitzearen arabera erabakiko baita.

Horrekin batera, programa bakoitzak baldintza espezifikoak ditu.

EmanZipak etxebizitzarako sarbidea izateko eskubide subjektiboa errentamenduan gauzatzea proposatzen du, eta urte bakoitzeko abenduaren 31n 23 eta 30 urte bitarteko adina duten gazte emantzipatuei edo emantzipatu nahian dabilatzanei zuzenduta dago.

Halaber, programa honetarako sarbidea era telematikoan baino ezin izango da eskatu, eta ez da beharrezkoa izango Nasuvinsak kudeaturiko etxebizitza babestuaren eskatzaileen erroldan aldez aurretik izena emanda egotea. Laguntza honen gehienezko iraupena hiru urtekoa da, baina ez dute ondoz ondoko urteak izan behar. Errentariak 20.000 euroko gehienezko diru-sarrerak izan behar ditu (zerga oinarriaren zati orokorra gehi salbuetsitako errentak), edo 30.000 eurokoak, bi kide edo gehiagoko familia-unitateen kasuan. Gainera, etxebizitza partekatu ahalko da, eta kasu honetan, dagokion zatia emango da, errentamendu kontratuan dauden titularren kopuruaren arabera. Laguntzaren zenbatekoa alokairuaren % 50a da; gehienez, 250 euro hilean.

DaVid programan sartzeko betekizun espezifiko eta baldintzei dagokienez, kontuan izan behar da programa honek etxebizitzarako sarbidea izateko eskubide subjektiboa errentamenduan gauzatzea proposatzen duela, eta errenta maila jakin baterainoko diru-sarrerak dituzten pertsonei eta familiei zuzenduta dagoela. Halaber, era telematikoan edo presentzialean eskatzen ahal da Nasuvinsaren bulegoetan (San Jorge Etorbidea 8, Iruñea), aldez aurreko hitzordua eskatuz, eta nahitaezkoa izanen da Nasuvinsak kudeaturiko etxebizitza babestuaren eskatzaileen erroldan aldez aurretik izena emanda egotea.

Gutxienez, urte bateko antzinatasuna behar da urte bakoitzeko urtarrilaren 1ean. 2019rako, aldiz, bi urteko gutxieneko antzinatasuna eta adingabeak kargupean izatea eskatuko da 2019ko urtarrilaren 1eko dataz egindako izen-emateetan. Familiaren gehienezko diru-sarrera haztatuak SARA (Errenta Egokiaren araberako Erosteko Nahikotasuna, 2017an 8.120 euroko balioa zuena) halako 1,7 izango dira.

Bestalde, DaViden iraupena mugagabea da, urtero ematen baita, ezarritako baldintzak betetzen jarraitzen den neurrian.

Etxebizitzarako eskubide subjektiboaren kontrola

Bi laguntza programa hauetaz profitatzeko, errenta aldez aurretik ordainduta egotea eskatuko da, eta banku-ziurtagiriaren bitartez egiaztatu beharko da.

DaVid programaren ordainketa hilero egitea aurreikusi da, eta EmanZiparena hiru hilez behiz egingo da, urtarrilean, apirilean, uztailean eta urrian.

Hala ere, DaVid edo EmanZipa laguntza bakarra emango da etxebizitza bakoitzeko. Bi programa hauek ez dira bateragarriak etxebizitza babestua alokatzeko dirulaguntzekin edota errentamendua ordaintzeko aparteko edo larrialdiko laguntzekin.

EmanZipa eskatzeko, laguntzarako email honetaz balia daiteke: emanzipa@navarra.es, eta era telematikoan egin beharko da. Horretarako, ziurtagiri digitala eskatu behar da, edo IFZ+PIN identifikazio sistema erabili, eta eskaera www.vivienda.navarra.es webgunean egin behar da.

PIN doan eta erraz lor daiteke hemen klik eginez eta Nafarroako Zerga Ogasunak etxera bidaliko du.

Halaber, ez da dokumentaziorik eraman behar. Hala ere, gomendagarria da alokatzeko kontratua eskura izatea horko datu batzuk adierazteko, bereziki honako hauek (baita datu pertsonalak, ekonomikoak eta familiari buruzkoak ere, kasuen arabera): alokatutako etxebizitzaren helbidea eta logela kopurua, errentatzailearen IFZa eta izena, kontratuaren hasierako data, ordaindutako hileko errenta eta errentariaren eta errentatzailearen banku-kontuaren zenbakia

Azkenik, programa honetan parte hartzeko eskaera aurkeztu ondoren, tramitatu eta onartu arte itxaron behar da, eta horri buruzko jakinarazpena posta elektronikoaren bitartez bidaliko da. Eskaera onartu ondoren, ordainketen banku-ziurtagiriak modu telematikoan aurkeztu beharko dira. Nahitaezkoa da banku-ziurtagirietan eskaeraren titularrari dagokion errentaren ordainketa islatzea.

DaVid programarako sarbidea eskatzeko, laguntzarako email honetaz balia daiteke: davidvivienda@navarra.es. Gainera, NASUVINSAren bulegoetan tramitatzu behar da, 948 012012 telefonoan aldez aurreko hitzordua eskatuz.

Era telematikoan ere egin daite, baina horretarako, ziurtagiri digitala eskatu behar da, edo IFZ+PIN identifikazio sistema erabili, eta eskaera www.vivienda.navarra.es webgunean egin behar da.

EmanZiparen kasuan bezalaxe, ez da dokumentaziorik eraman behar, baina gomendagarria da alokatzeko kontratua eskura izatea EmanZiparako ere behar diren datuak bete ahal izateko.

Azkenik, www.vivienda.navarra.es webguneak urtarrilean bildutako bisita kopurua nabarmendu nahi izan da, % 65 gehitu baita (55.050 bisitatatik 90.607 bisitatara). Erabiltzaile berrien artean, % 70 emakumeak ziren, % 74 ordenagailu batetik sartu da, % 23,9 mugikor batetik eta % 2,36 tableta batetik. Gainera, webgunean eskaera baten alta egiteko batez besteko denbora bost minutu eta hogeita hamabost segundotakoa da, eta sarreren kopurua dexente jaisten da asteburuetan eta gora egiten du astegunetan.