Nafarroako Lehendakaria, Uxue Barkos, UGTko idazkari nagusia den Pepe Alvarezekin bildu da, Iruñera egin duen bisita dela-eta. Álvarezekin batera izan da Nafarroan sindikatuaren idazkari orokorra dena, Jesús Santos.

Bileran, Barkosek eta Alvarezek, gaurkotasuneko gai ezberdinak jorratzeaz gain, Nafarroako nahiz Estatuko egoera soziala eta ekonomikoa aztertu ahal izan dituzte. Lehendakariak jakinarazi ahal izan dio, legegintzaldi honetan, honako hauek izan direla Nafarroako Gobernuaren funtsezko ardatzak: kalitatezko enplegua sortzea, biztanleria aktiboaren enplegagarritasuna hobetzea eta lan-merkatuko egoera kaltetuenetan aurkitzen diren pertsonen laneratze eta gizarteratzea, nahiz aukera-berdintasunaren eta diskriminazio-ezaren bermea.