Galderak eta erantzunak: Enpresa jardueren koordinazioa
1. Zein dira langile autonomoaren betebeharrak?
Beharturik dago besteengan sortzen dituen arriskuen gaineko argibideak ematera. Informazioa idatziz emanen da arriskuak larriak edo oso larriak direnean.
Lantoki batean dagoen langile autonomoa beharturik dago:
- Kontuan hartzera enpresaburuarengandik jasotako informazioa, hura baita lantokiaren titularra.
- Lantokiko titularrak emandako jarraibideak betetzera.
- Zure kargura langilerik baduzu, laneko arriskuen prebentzioari dagokionez, enpresaburu bilakatzen zara. Besteak beste, zure betebeharrak izanen dira plantillari prestakuntza eta informazioa ematea laneko arriskuen inguruan eta horiei aurrea hartzeko neurrien edo jardueren inguruan. Orobat, kontsulta egin beharko diezu laneko segurtasunari eta osasunari eragiten dieten aferei buruz eta haien parte-hartzea ahalbidetu beharko duzu. (Laneko Arriskuen Prebentzioari buruzko Legearen 18. eta 19. art.). Bere osasun egoera aldian-aldian zaintzen dela bermatuko die, lanak dituen berariazko arriskuen arabera. (Laneko Arriskuen Prebentzioari buruzko Legearen 22. artikulua).
2. Eta zein dira zure eskubideak?
- Eskubidea duzu zurekin lanean ari diren gainerako pertsonek sortzen dituzten arriskuei buruzko informazioa jasotzeko.
- Eskubidea duzu informazioa eta prestakuntza jasotzeko, makinak, laneko ekipoak, materialak edo lanabesak, bezeroak ematen dizkizunak, segurtasunez erabiltzeari begira.
3. Noiz trukatu behar da informazioa?
- Jarduerak hasi aurretik.
- Edozein aldaketa egiten denean, arrisku berriak eragin ditzakeena.
- Larrialdi egoera gertatzen denean.
4. Nola trukatu behar da informazio hau?
- Komeni da laneko arriskuei eta segurtasunari buruzko informazioa aurrez aurre ematea.
- Komeni da jasotako informazioa irakurtzea eta zalantzak dagokion pertsonarekin argitzea.