47

HELBURU OROKORRA:
Espainiako urgentziazko arreta medikoaren antolakuntza-alderdi nagusiak eta larrialdi-zerbitzua eraginkortasun- eta kalitate-irizpideekin kudeatu ahal izateko gakoak ezagutzea.
Horrelako artapenari erantzuteko erabiltzen diren egiturazko zuzkidurak eta giza zuzkidurak ezagutzea eta bi zuzkidura horiek sustatzeko eta hobetzeko elementuak erabilgarri edukitzea.

BERARIAZKO HELBURUAK:
Espainiako Urgentziazko Arreta Medikoaren (UAM) bilakaera historikoa ezagutzea.
Espainiako UAM-aren egungo egoera ezagutzea.
UAM-ak bere funtzioak gauzatzeko dituen egiturak ezagutzea.
UAM-an parte hartzen duten profesionalak ezagutzea.
Triage-sistemak ezagutzea.
Ohiko ospitalizazioen alternatibak ezagutzea. Larrialdi Medikoen Sistemen ezaugarri orokorrak eta berezitasunak ezagutzea.
Ospitaleko Urgentzia-Zerbitzuen ezaugarri orokorrak eta berezitasunak ezagutzea.
Kalitatearen, Segurtasun Klinikoaren eta Akreditazioaren alderdiak ezagutzea.
Hainbat talderi (geriatrikoa, etorkinak, hilzorian daudenak) urgentziatan eskaintzen zaion arretaren berariazko alderdiak ezagutzea.
Urgentziatako irakaskuntzaren eta ikerketaren oinarrizko alderdiak ezagutzea.

Contenidos

Urgentziazko Arreta Medikoaren antolakuntza-alderdiak. Egiturak eta langileak. Ezaugarri orokorrak eta berezitasunak. Talde bereziei arreta.

NORI ZUZENDUA:
Nafarroako Osasun Sistemaren Analak aldizkariaren paperezko ediziora harpidetuta dauden Medikuntzako Lizentziatuei.

Nafarroako Osasun Sistemaren Analak aldizkariaren harpidetza (http://recyt.fecyt.es/index.php/ASSN/announcement/view/22) ikastaroan izena eman aurretik formalizatzea. Aldizkariaren urteko harpidetzak abian den urtean aldizkariaren gehigarrietan aurkeztutako edozein “on line” ikastarotan izena doan emateko eskubidea ematen du. 


PARTE-HARTZAILE KOPURUA: 40 

METODOLOGIA
Teknologia berrien laguntzarekin eskaintzen den urrutiko trebakuntza-ikastaroa da. Autoikaskuntzarako ikastaro bat da, non, formatu elektronikoan ikaslearentzako dokumentazioa erabilgarri jartzen den ikasleen arteko eta ikasleen eta irakasle hauen arteko komunikazioa erraztuko duten tresna-multzoarekin batera.
Ikasleek 2 hilabete edukiko dituzte ikastaroa amaitzeko eta denbora horretan gehigarrian agertzen diren artikulu guztiak irakurri beharko dituzte eta 50 galderei erantzun beharko diete erantzun desberdinen artean zuzena hautatuz. Ikasleen eskuragarri 10 galderaz osatutako autoebaluaziorako galdesorta labur bat jartzen da bukaerako ebaluazio-testa egin aurretik beren ezagutzen bilakaera egiaztatu dezaten.
Tutorearen eta ikaslearen arteko kontaktua gela birtualaren baitan gauzatuko da plataformako barne mezularitza-sistemaren bitartez eta posta elektronikoaz baliatuko dira zalantza pertsonalak argitzeko. Hainbat ikaslek arazo berdinak edukiko balituzte, tutoreak zalantzak eztabaida-forora lekualdatzea erabaki dezake edota txat programatua erabiltzea komunikazio sinkronoko tresna gisa.

KOORDINAZIOA
Olga Diaz de Rada Pardo. Esther Ezquerro Rodriguez. Irakaskuntza-Zerbitzua

EBALUAZIOA:
Irakaslanen ebaluazioa:
- Ikasleen inkesta anonimoen bitartez.
Ikaslearen ebaluazioa:
- 60 galderako ebaluazio-testari erantzun beharko diete erantzun desberdinen artean zuzena hautatuz.

ZIURTAGIRIAK
Irakaslana egin izana egiaztatzen duen ziurtagiria jasotzeko baldintzak honako hauek dira: Ebaluazio-testa gainditzea; horretarako, galderen %70a zuzen erantzun beharko dute.

Irakaskuntza Atala
Irakaskuntza Pabiloia
Nafarroako Ospitale Konplexuko Barrutia
Irunlarrea kalea, 3
31008 Iruñea
Telefonoak: 848 422809 / 848 422003 / 848 422008
Faxa: 848 422009
e-maila: plan.docente.salud@cfnavarra.es