Laneko osasuna eta ongizatea hobetzea enpresarien, langileen eta herri administrazioaren ardura da, osasuna babesteko eskubidearen bermatzaile gisa.
Lan Osasuneko planak diseinatzea eta abian jartzea Herri Administrazioko arduradunen lana da, eta kontuan izan behar dira tarteka egin behar diren jarduerak, lanean ezbehar-tasa etengabe murrizte aldera, gure inguruneko herrialdeetako lan-istripuen indizeetara hurbiltzeko.
Ondorioz, lanean segurtasuneko eta osasuneko politika orokorrak ezartzeko premia ikusita, plana sortu da, gure ekintzen eraginkortasuna ziurtatzeko asmoarekin eta gizarteak kalte profesionalak saihesteko eta langileen bizi-kalitatea hobetzeko ezartzen dituen indarrak eta baliabideak kudeatzearren.