Castellano | Euskara | Français | English
Kontserbatzea eta zaharberritzea
Ezagutzera eman
Gordetzen duen ondarea, Historiaurretik XXI. mende arteko obrak, arduraz zaintzen eta zaharberritzen du Nafarroako Museoak. Horretarako, hainbat materialez eginiko pieza ugari bakarka kontserbatu behar ditu.
Prebentzio lana egiten da, gehienbat, baina leku ematen zaie, orobat, sendatzeko tratamentuei eta zaharberritzekoei. Ondoko hauen inguruan antolatua dago jarduera:
Prebentziozko-kontserbazioa
Prebentziozko-kontserbazioa Bitrina baten garbiketa.
Prebentziozko-kontserbazioa esku-hartze jarraitua eta integrala da, kultur ondasun guztiei eragiten diena. Bere jarduera esparruak zenbait alderdi hartzen ditu: ingurumen-baldintzak (tenperatura, hezetasun erlatiboa eta kutsadura), argiaren intentsitatea eta kalitatea, izurriteen kontrola, piezen erakusketa, biltegiratzea, mantentze-lanak (garbitu, aldian-aldian berrikusi) edo manipulatzea.
Sendatzeko kontserbazioa
Sendatzeko kontserbazioa. Marko baten urrea finkatzea
Batzuetan, nahitaezkoa da obrak zuzenean tratatzea, patologiak ezabatzeko eta materialak finkatzeko.
Zaharberritzea
Burdin Aroko zeramikazko inbutu baten zaharberritzea
Zaharberritzeko irizpide jakin batzuk erabiltzen ditugu, beren adierazgarritasuna berreskuratzeko, galdu baldin badute. Gisa honetako lanak egiten dira, eragindako edo izandako aldaketa eta higadurengatik ondasunak bere esanahiaren edo eginkizunaren parte bat galdu badu. Betiere jatorrizko materialarekiko errespetuan oinarritzen dira.
