Ekonomia, Ogasun, Industria eta Enplegu Departamentuari dagokio Nafarroako Foru Komunitateko Administrazioak honako arlo hauetan bereganatuak dituen eskumenak gauzatzea: ogasun publikoa; jarduera ekonomikoaren plangintza eta programazioa; aurrekontuen plangintza eta prestakuntza eta kontrol ekonomiko-finantzarioa; politika finantzarioa eta koordinazio ekonomikoa Estatuarekin eta gainerako administrazio publikoekin; ondarea; estatistika; Europako aferak eta haien politikaren jarraipena egitea; industria, energia eta meatzaritza; industria jarduera sustatzea; ikerketa, garapen teknologikoa eta berrikuntza, kalitatea eta lehiakortasuna bultzatzea; energiaren eta meategietako baliabideen kontrola; energia berriztagarriak sustatzea; Nafarroako enpresak nazioartera ateratzea; lan harremanak eta ekonomia soziala sustatu eta antolatzea; enplegua lortzeko politika aktiboak eta lan bitartekotza sustatzea; bai eta indarra duten xedapenek ematen dizkioten gainerako eskudantziak ere.

2. artikulua. Ekonomia, Ogasun, Industria eta Enpleguko kontseilaria.

1. Ekonomia, Ogasun, Industria eta Enpleguko kontseilariari, departamentuaren titularra den aldetik, Nafarroako Gobernuari eta haren Lehendakariari buruzko abenduaren 3ko 14/2004 Foru Legearen 41. artikuluan ezartzen diren eskudantziak dagozkio, foru dekretu honen 1. artikuluan zehazten diren eskumenen esparruari dagokionez.

2. Era berean, Departamentuko kontseilaria kide anitzeko organo hauetako buru izanen da:

-Nafarroako Estatistika Kontseilua.

-Kontratazio Publikorako Batzordea.

-Nafarroako Zerga Ogasuneko Gobernu Kontseilua.

-Nafarroako Enplegu Zerbitzuko Gobernu Kontseilua.

3. Departamentuan Kontseilariaren Kabinetea dago, kontseilariari laguntza politiko eta teknikoa emateko unitate gisa; Kabinetea Nafarroako Gobernuari eta Lehendakariari buruzko abenduaren 3ko 14/2004 Foru Legearen 19. artikuluan ezarritakoari lotu behar zaio eta kontseilariaren menpean dago zuzenean.

3. artikulua. Ekonomia, Ogasun, Industria eta Enplegu Departamentuaren antolaketa orokorra.

Ekonomia, Ogasun, Industria eta Enplegu Departamentuak, bere titularraren zuzendaritzapean, honako organo hauek izanen ditu bere egituran:

a) Politika Ekonomiko eta Enpresarialaren Zuzendaritza Nagusia.

b) Aurrekontuaren Zuzendaritza Nagusia.

c) Industriaren, Energiaren eta Berrikuntzaren Zuzendaritza Nagusia.

d) Arriskuen Prebentziorako eta Lanaren Zuzendaritza Nagusia.

e) Departamentuko Idazkaritza Tekniko Nagusia.

g) Nafarroako Zerga Ogasuna eta Nafarroako Enplegu Zerbitzua erakunde autonomoak Ekonomia, Ogasun, Industria eta Enplegu Departamentuari atxiki zaizkio, eta beren estatutuen arabera gobernatuko dira.

4. artikulua. Zuzendaritza nagusien eskudantziak.

Foru dekretu honen 2. artikuluan ezarritakoa alde batera utzi gabe, Ekonomia, Ogasun, Industria eta Enplegu Departamentuko zuzendaritza nagusiek, kontseilariaren goi-zuzendaritzapean eta foru dekretu honetan bakoitzari esleitutako esparru materialean, Nafarroako Foru Komunitateko Administrazioari buruzko abenduaren 3ko 15/2004 Foru Legearen 22. artikuluan ezarritako eskudantziak izanen dituzte eta, horietaz gainera, indarra duten xedapenek esleitzen dieten edo Ekonomia, Ogasun, Industria eta Enpleguko kontseilariak agintzen duen beste edozein.

5. artikulua. Idazkaritza Tekniko Nagusiaren eskudantziak.

Ekonomia, Ogasun, Industria eta Enplegu Departamentuko Idazkaritza Tekniko Nagusiak, foru dekretu honen 1. artikuluan zehaztu den eskumenen esparruaren barruan, Nafarroako Foru Komunitateko Administrazioari buruzko abenduaren 3ko 15/2004 Foru Legearen 23. artikuluan ezarritako eskudantziak baliatuko ditu Ekonomia, Ogasun, Industria eta Enpleguko kontseilariaren goi zuzendaritzapean, berari atxikita baitago zuzenean, bai eta idazkaritza tekniko nagusiak arautzen dituen otsailaren 21eko 29/2005 Foru Dekretuan ezarritakoak, lehia babesteko arloko espedienteen tramitazioa, indarreko xedapenek emandakoak eta Ekonomia, Ogasun, Industria eta Enpleguko kontseilariak agintzen dizkion guztiak ere, eta horretarako behar diren ebazpenak emanen ditu.

6. artikulua. Zerbitzuen eskudantziak.

Zerbitzuek, departamentuko goragoko organoen zuzendaritzapean eta foru dekretu honetan bakoitzari esleitutako esparru materialean, ondoko eginkizunak izanen dituzte: beren menpeko atalak edo unitate organikoak planifikatu, koordinatu, zuzendu eta kontrolatzea; prozedurak arindu, arrazionalizatu eta errazteko printzipioak bultzatu eta sustatzea; indarra duten xedapenek berariaz ezarritakoak eta departamentuko organo eskudunek banatzen edo eskuordetzen dizkietenak.

7. artikulua. Atalen eskudantziak.

Atalei dagozkie, departamentuko goragoko organoen zuzendaritzapean eta kasuan kasuko esparru materialean, beren mendeko bulego edo unitateen jarduerak burutu, haiei buruz txostenak eman eta hierarkian goragokoari proposatzeko eginkizunak, jarduera horiek koordinatu, zuzendu eta kontrolatzeko eginkizunak, eta departamentuko organo eskudunek agintzen dizkietenak.

II. KAPITULUA. Politika Ekonomiko eta Enpresarialaren Zuzendaritza Nagusia

1. atala. Eskumenen esparrua eta egitura

8. artikulua. Politika Ekonomiko Enpresarialaren Zuzendaritza Nagusiaren eskumen esparru materiala.

Politika Ekonomiko eta Enpresarialaren Zuzendaritza Nagusiak foru dekretu honetan ezarritako eskudantziak baliatuko ditu, gai hauetan:

–Politika ekonomiko orokorraren azterketa eta plangintza, eta haren jarraipena egitea.

–Analisi estrategikoa eta jarduketarako proposamenak egitea Nafarroako ekonomiarako eta Nafarroako Gobernuaren arlo ekonomikoko jarduketarako garrantzi handia duten gaietan.

–Ekimen ekonomiko eta programa estrategiko orokorrak edo Nafarroako ekonomiarako eta haren lehiakortasunerako interesa dutenak planifikatu, programatu, koordinatu eta sustatzea, eta haien jarraipena eta zabalkundea egitea, Foru Komunitateko sektore publikoaren partaidetzarekin.

–Nafarroako Gobernuaren eta MODERNA Fundazioaren arteko koordinazioa.

–Nafarroako Gobernuak Estatuarekin eta beste administrazio publiko batzuekin duen koordinazio ekonomikoa zuzentzea bere eskumenekoak diren esparruetan, deusetan galarazi gabe Nafarroako Gobernuko beste organo batzuek ere gai honi buruz eduki dezaketena.

–Lidergo estrategikoa Estatuarekiko eta Nafarroako Foru Komunitateko sektore publikoan ukitutako gainerako erakundeekiko harremanetan, Hitzarmen Ekonomikoari dagozkion alderdi guztietan.

–Estatistika.

–Nafarroaren kanpoko ekintza osoa koordinatzea.

–Nafarroako jarduera ekonomikoaren eta bertako herritarren nazioarteratzea sustatuko duten politika eta ekintzak.

–Nafarroako Gobernuak erabakitzen dituen Europar Batasuneko nazioarteko foro eta erakundeetan parte hartzea, baita esparru guztietan haiek dituzten politika ekonomikoen jarraipen lehenetsia egitea ere, erakundeen goi-ordezkaritza lana izan ezik.

–Kanpoko finantzaketa lortzea.

–Europako eta nazioarteko era guztietako proiektu ekonomikoak bultzatzea, lankidetzakoak eta partzuergokoak, Nafarroako Gobernuko departamentuekin eta Foru Komunitateko eragile ekonomiko eta sozialekin koordinaturik.

–Lankidetzan aritzea Nafarroako gizarte, ekonomia eta enpresa erakundeekin, Nafarroako Gobernuak nazioarteari begira erabakitzen dituen ekimen eta jardueretan parte hartzeko eta Nafarroaren irudi ekonomikoa Europar Batasunean eta nazioartean sustatu eta indartzeko.

–Nafarroako Foru Komunitateko Administrazioaren unitate organikoak koordinatzea, Europar Batasunaren erakundeekin edo nazioarteko beste erakunde batzuekin dituzten harremanetan.

–Nafarroako Foru Komunitatearen esparruan Europar Batasunaren edo nazioarteko beste erakunde batzuen ekimenak koordinatu, kontrolatu, haien jarraipena egin eta haien aplikazioa ebaluatzea.

–Enpresa jarduera sustatzea inbertsio proiektuak eta enpresen lehiakortasuna hobetzeko jarduerak babestuz.

–Nekazaritzako industrien eta nekazaritzako elikagaien industrien antolamendua eta sustapena.

–Enpresen berregituratze eta berrantolatzea babestea, krisi zein integrazio prozesuetan.

–Enpresei laguntzea jarduera ekonomikoa garatzeko beharrezko azpiegiturak eskuratzearren, hala nola lurzorua, industriaguneak edo hornidurak.

–Ekimena sustatzea Nafarroan, komunitatean sortu eta finkatzen diren enpresen kopurua handitzeko asmoz.

–Enpresei aholkatzeko zerbitzua kudeatzea, informazioa ematearren bere jarduera garatzearekin ikusteko duen edozeinen inguruan.

–Komunitateko industria sarean ustez pisu handiena duten enpresei bisitak eta segimendua egitea, haien errealitatea sistematikoki ezagutzeko eta zubi lana egiteko Administrazioarekin harremanetan jartzen direnean.

–Aldizka egiteko bilerak planifikatzea Nafarroan kokatzen diren enpresekin.

–Informazioaren Gizartea sustatzea (Nafarroako Agenda Digitala).

–Indarra duten xedapenek esleitutako gainerako eginkizunak.

9. artikulua. Politika Ekonomiko eta Enpresarialaren Zuzendaritza Nagusiaren egitura.

1. Politika Ekonomiko eta Enpresarialaren Zuzendaritza Nagusiak zerbitzu hauek ditu bere egituran:

a) Hitzarmen Ekonomikoa.

b) Politika Ekonomikoa.

c) Nazioarteko Proiekzioa.

d) Nafarroako Estatistika Institutua.

e) Enpresa Sustapena.

f) Berrindustrializazioa, Lehiakortasuna eta Proiektu Estrategikoak.

2. Nafarroako Gobernuaren Bruselako Ordezkaritza zuzendaritza nagusi honi atxiki zaio, eta honako eginkizun hauek izanen ditu:

–Europar Batasunaren aurrean Nafarroaren interesak ordezkatzea, eta horiek sustatu eta babestea, Nafarroako Foru Komunitateko Administrazioaren beste organo batzuei esleitutako eskumenak galarazi gabe.

–Espainiako Erreinuak Europar Batasunean duen ordezkaritza iraunkorrarekin eta Espainiako beste autonomia erkidego batzuen bulegoekin edo beste estatu kide batzuetako antzeko entitateekin lankidetzan aritzea, Bruselan kokatuak daudenekin.

–Nafarroako Foru Komunitateko Administrazioaren eta Batasuneko erakundeen arteko harremanak koordinatzea, Nafarroarentzat interesekoak diren proiektuen eta programen jarraipena egiteko.

–Nafarroako Foru Komunitatea atzerrian sustatzen eta proiektatzen laguntzea.

–Nafarroako Foru Komunitatearen interes sozioekonomikoen alde jardutea, Batasuneko ekintzek edo programek horiengan eragina badute.

–Batasuneko politikei eta programei buruz informatzea eta aholku ematea.

–Europar Batasuneko erakundeek erabakiak hartzeko jarraitutako prozesua jarraitzea eta erakunde horiek araudia sortzeko prozesuetan informazioa lortzea, Nafarroako Foru Komunitatearen interesei eragiten dien neurrian.

–Europar Batasuneko Eskualdeen Batzordearen lanen jarraipena.

–Nafarroako Foru Komunitateko sektore publiko eta pribatuarentzat aukerak bilatzea enpresaren eta finantzen arloan.

–Aholkularitzarako logistika zentroa den aldetik, Nafarroako Foru Komunitateko entitate publiko eta pribatuentzako aholkularitza teknikoa ematea.

–Politika Ekonomiko eta Enpresarialaren zuzendari nagusiak agindutako edo indarreko xedapenek esleitutako beste edozein zeregin.

2. atala. Hitzarmen Ekonomikoaren Zerbitzua

10. artikulua. Hitzarmen Ekonomikoaren Zerbitzuaren eginkizunak.

Hitzarmen Ekonomikoaren Zerbitzuak, zuzendaritza nagusiaren gaiei dagokienez, eginkizun hauek izanen ditu:

–Nafarroako Gobernuak, zuzendaritza nagusiaren bidez, lidergo estrategikoan eta Hitzarmen Ekonomikoaren arloan Estatuarekin gauzatzen duen koordinazio ekonomikoan laguntza teknikoa ematea.

–Foru Komunitateko sektore publikoan ukitutako gainerako organoekin lankidetzan, azterketa estrategikoak eta ikerketak egitea ekarpen ekonomikoaren osagaien eta doikuntza fiskalen kalkuluari eta balorazioari buruz, metodologiari buruz eta determinazioari buruz, eta beharrezkoa den araudia eta Hitzarmenaren Koordinazio Batzordearen eta Negoziazio Batzordearen barnean hartu beharreko erabakiak artikulatzea.

–Laguntza teknikoa ematea, ukitutako gainerako erakundeekin koordinatzea eta Koordinazio Batzordearen idazkaritza-lanak egitea Hitzarmen Ekonomikoa Estatuarekin negoziatzeko prozesuan, eta horrek esleituak dituen zereginak, Nafarroako Zerga Ogasunarekin koordinatuta.

–Foru Komunitatearen eta Estatuko Administrazioaren artean transferitu beharreko eskumenen eta/edo zerbitzuen balorazioa, ukitutako zerbitzuetako arduradunekin lankidetzan, eta abenduaren 19ko 2356/1984 Foru Dekretuan aurreikusitako Transferentzien Batzordeari laguntzea.

–Estatuarekin sinatutako Hitzarmen Ekonomikoari lotutako finantza fluxuak kudeatu eta tramitatzea, eta aldizkako jarraipena eta aurreikuspenak egitea.

–Nafarroako Foru Komunitatearen eta Estatuko Administrazioaren artean hitzarmenak, lankidetzarako akordioak, programak eta diru-edukia duten elkarrekin jarduteko planak onetsi aurreko txostenak prestatzea, Hitzarmen Ekonomikoari dagokionez.

–Nafarroako Gobernuko erakunde ezberdinek, Estatuko Administrazio Orokorrarekin elkarlanean, Nafarroari transferitutako eskumenen eta zerbitzuen balorazioari dagokienez garatu beharreko programa eta plan sektorialen aldez aurreko azterketa eta jarraipena.

–Indarra duten xedapenek esleitutako gainerako eginkizunak.

11. artikulua. Hitzarmen Ekonomikoaren Zerbitzuaren egitura.

Hitzarmen Ekonomikoaren Zerbitzuak Estatuarekiko Finantza Fluxuen Atala izanen du.

12. artikulua. Estatuarekiko Finantza Fluxuen Atalaren eginkizunak.

Estatuarekiko Finantza Fluxuen Atalak, zuzendaritza nagusiaren gaiei dagokienez, eginkizun hauek izanen ditu:

–Hitzarmen Ekonomikoaren Zerbitzuak Koordinazio Batzordean dituen idazkaritza-lanetan laguntzea.

–Estatuarekin sinatutako Hitzarmen Ekonomikoari lotutako finantza fluxuak kudeatu eta tramitatzea, eta aldizkako jarraipena eta aurreikuspenak egitea.

–Nafarroako Foru Komunitatearen eta Estatuko Administrazioaren artean hitzarmenak, lankidetzarako akordioak, programak eta diru-edukia duten elkarrekin jarduteko planak onetsi aurreko txostenak prestatzea, Hitzarmen Ekonomikoari dagokionez.

–Nafarroako Gobernuko erakunde ezberdinek, Estatuko Administrazio Orokorrarekin elkarlanean, Nafarroari transferitutako eskumenen eta zerbitzuen balorazioari dagokienez garatu beharreko programa eta plan sektorialen aldez aurreko azterketa eta jarraipena.

–Indarra duten xedapenek esleitutako gainerako eginkizunak.

2 bis atala. Politika Ekonomikoaren Zerbitzua.

13. artikulua. Politika Ekonomikoaren Zerbitzuaren eginkizunak.

Politika Ekonomikoaren Zerbitzuak, zuzendaritza nagusiaren gaiei dagokienez, eginkizun hauek izanen ditu:

–Nafarroako Gobernuaren politika ekonomikoaren arloko proposamenak egin, koordinatu, sustatu, abiarazi eta haien jarraipena egitea.

–Gobernuak tratatu beharreko gai ekonomikoetan, lehentasunak zehaztea eta gai horiei buruzko txosten-proposamenak egitea.

–Politika eta programa publikoen jarraipena, azterketa eta ebaluazioa.

–Nafarroako egitura ekonomikoari buruzko analisiak eta azterlanak egin eta zabaltzea.

–Nafarroako koiuntura ekonomikoaren analisia eta jarraipena, bai eta estatuko eta nazioarteko koiuntura ekonomikoarena ere.

–Nafarroako ekonomiarako eta haren lehiakortasunerako interesa duten ekimen ekonomikoak eta programa estrategikoak definitu, planifikatu, koordinatu eta sustatzea, eta haien jarraipena egitea, Foru Komunitateko sektore publikoaren partaidetzarekin.

–Gobernuak hartzen dituen neurri ekonomiko eta finantzarioen jarraipena, urteko aurrekontu esparrua gainditzen dutenean.

–Eskualde politikarekin eta Estatuaren nahiz Europar Batasunaren beste politika ekonomiko batzuekin koordinatzea, Nafarroako Gobernuko beste organo batzuek arlo honetan esleituta dituztenak ukatu gabe.

–Moderna fundazioarekin koordinatzeko lanetan laguntzea.

–Indarra duten xedapenek esleitutako gainerako eginkizunak.

3. atala. Nazioarteko Proiekzioaren Zerbitzua

14. artikulua. Nazioarteko Proiekzioaren Zerbitzuaren eginkizunak.

Nazioarteko Proiekzioaren Zerbitzuak, zuzendaritza nagusiaren gaiei dagokienez, eginkizun hauek izanen ditu:

-Nafarroaren kanpoko ekintza osoa koordinatzea.

-Nafarroako Nazioarteko Plana diseinatu, bultzatu, koordinatu eta haren jarraipena egitea.

-Enpresaren nazioarteratzea sustatzea.

-Kanpoko finantzaketa lortzea Foru Komunitateko Administrazioak egiten dituen edo Nafarroarentzat interesa duten proiektu eta jardueretarako.

-Nafarroaren irudi ekonomikoa sustatu eta sendotzea.

-Foru Komunitateko Administrazioko unitate organikoekin koordinatzea Espainiako eta nazioarteko erakundeekin hitzarmenak, akordioak eta protokoloak izenpetzeko, Nafarroako kanpo harremanak sendotzea helburu.

-Atzerriko inbertsioa erakartzea sustatzea.

-Indarra duten xedapenek esleitutako beste eginkizun batzuk.

15. artikulua. Nazioarteko Proiekzioaren Zerbitzuaren egitura.

Nazioarteko Proiekzioaren Zerbitzuak atal hauek ditu:

a) Nazioarteko Ekintzaren Atala.

b) Europako Programen Atala.

c) Europako Deialdien Atala.

d) Europako Funtsen Kontrolerako Atala.

16. artikulua. Nazioarteko Ekintzaren Atalaren eginkizunak.

Nazioarteko Ekintzaren Atalak, zuzendaritza nagusiaren gaiei dagokienez, eginkizun hauek izanen ditu:

-Nafarroako Nazioarteko Plana diseinatzea.

-Nafarroako Nazioarteko Planean aurreikusten diren ekintza guztien ezarpen prozesua koordinatu eta haren jarraipena egitea, eta planaren berrikuspena eta norabidea egokitzea aurrerapenak lortu ahala.

-Nafarroaren irudi ekonomikoaren zabalkundea.

-Europari eta nazioarteari buruzko sustapen, informazio eta sentsibilizazio kanpainak koordinatzea eta bertan modu aktiboan parte hartzea.

-Europar Batasuneko estatu kide berrietako eta Batasunean sartu nahi duten herrialdeetako eskualdeekin itun egonkorrak egitea, Europar Batasunak diruz lagundutako esparruetan lankidetza indartzeko eta Nafarroako enpresentzat merkatuak irekitzeko.

-Atzerrian lanbide praktikak egiten laguntzea, bai eta atzerritarrenak Nafarroan ere.

-Becas Navarra Masters programaren onuradunen jarraipena egitea eta itzultzeko laguntza ematea, Hezkuntza Departamentuarekin eta Nafarroako eragile sozioekonomikoekin koordinatuta.

-Navared sare sozioekonomikoaren dinamizazioa.

-Nafarroako Nazioarteko Planaren web-a dinamizatzea.

-Nafarroako enpresak nazioarteratzen laguntzea, esportazioan eta atzerrian ezartzen.

-Nafarroako enpresei laguntzea nazioarteko lizitazioetan parte har dezaten.

-Nafarroan ezarritako nazioarteko enpresen jardueren eta inbertsioen jarraipena egitea.

-Atzerriko inbertsioa erakartzea.

-Indarra duten xedapenek esleitutako beste eginkizun batzuk.

17. artikulua. Europako Programen Atalaren eginkizunak.

Europako Programen Atalak, zuzendaritza nagusiaren gaiei dagokienez, eginkizun hauek izanen ditu:

-Europako Gizarte Funtsa (EGIF) eta Eskualde Garapenerako Europako Funtsa (EGEF) programa operatiboak prestatu eta tramitatzea.

-Programa operatibo horien betetzearen jarraipena: kudeaketa, kontrola eta ebaluazioa.

-Programen Jarraipeneko Batzordeetan parte hartzea horiek betetzeaz arduratzen diren departamentu, unitate eta entitateekin koordinaturik.

-EGIF eta EGEF programetako diru-sarrerak kontrolatu eta kudeatzaileen artean banatzea.

-Indarra duten xedapenek esleitutako beste eginkizun batzuk.

18. artikulua. Europako Deialdien Atalaren eginkizunak.

Europako Deialdien Atalak, zuzendaritza nagusiaren gaiei dagokienez, eginkizun hauek izanen ditu:

-Europako Batasunaren deialdietara aurkeztutako Nafarroako proiektuen prestaketa, kudeaketa, koordinazioa, tramitea, kontrola eta jarraipena.

-Nafarroako Gobernuaren parte-hartzea eskualde anitzeko lankidetza erakundeetan.

-Indarra duten xedapenek esleitutako beste eginkizun batzuk.

19. artikulua. Europako Funtsen Kontrolerako Atalaren eginkizunak.

Europako Funtsen Kontrolerako Atalak, Zuzendaritza Nagusiaren gaiei dagokienez, eginkizun hauek izanen ditu:

-Nafarroako 2013ko EGEF eta EGIF programa operatiboei aitortutako gastuak egiaztatzeko lanak. Egiaztatzeko lanak, delegazioz, Kudeaketa Agintaritzek (Ogasuneko eta Administrazio Publikoetako Ministerioa eta Enpleguko eta Gizarte Segurantzako Ministerioa) tarteko erakundeari (Politika Ekonomikoaren eta Nazioartekoaren Zuzendaritza Nagusia) esleituak dira, eta Batzordearen 1828/2006 (EE) Erregelamenduaren 13. artikuluari jarraikiz egin behar dira (Funtsei buruzko 1083/2006 Erregelamendu Orokorra garatzeko arauak ematen dituen errregelamendua da aipatu 1828/2006 hori). Egiaztapenen artean, prozedura hauek egonen dira:

-Onuradunen itzulketa-eskaeraren egiaztapen administratiboak.

-Eragiketa zehatzei buruzko "in situ" egiaztapenak.

-EGEF eta EGIF programa operatiboak kudeatu eta kontrolatzeko sistemen deskripzioa, aldaketa eta eguneratzea, kontrolari dagokionez.

-Aitortutako gastuetan irregulartasunak harrapatzeko eta zuzenketa finantzarioa egiteko egokiak diren kontrol mekanismoak ezarri eta haien segimendua.

-Kudeaketa, ziurtapen eta auditoretza arloetako agintariek edo Europako Batzordeak eskaturik tarteko erakundeak egiaztapenen edukiari buruz egindako txostenak prestatzea.

-EGEF eta EGIF programa operatiboen kontrolari buruz tarteko erakundeak duen beste edozein eginkizun.

-Indarra duten xedapenek esleitutako beste eginkizun batzuk.

4. atala. Nafarroako Estatistika Institutua

20. artikulua. Nafarroako Estatistika Institutuaren eginkizunak.

Nafarroako Estatistika Institutuak, zuzendaritza nagusiaren gaiei dagokienez, eginkizun hauek izanen ditu:

-Nafarroarentzat interesa duen jarduera estatistiko publikoaren sustapena, zuzendaritza eta koordinazioa.

-Nafarroarentzat interesa duen jarduera estatistiko publikoaren printzipioen, helburuen eta gainerako alderdien zabalkundea egitea.

-Nafarroako Estatistika Planaren aurreproiektua prestatzea, Foru Komunitateko Administrazioaren Estatistika Sistemaren gainerako unitateekin eta Toki Administrazioekin elkarlanean.

-Datuen sailkapenerako eta emaitzak aurkezteko kontzeptuen, definizioen, sailkapenen, nomenklaturen eta kodeen gaineko arauak proposatzea, bai eta horiek sustatzea Nafarroako jarduera estatistikoan erabil daitezen, eta horrekin batera, koordinazio metodologikoa bultzatzea toki entitateen, beste autonomia erkidegoen, Estatuko Administrazio Orokorraren, Europar Batasunaren eta egoki diren beste erakunde batzuen jarduera estatistikoarekin.

-Estatistikako Urteko Programek agindutako estatistikako eragiketak betetzea.

-Estatistika demografiko, ekonomiko eta sozialetako sistema integratuak egitea.

-Unitate estatistikoen direktorioak prestatzea eta beharrezkoak diren zentsu eragiketak egitea lurraldeari, populazioari, etxebizitzei eta jarduera ekonomikoei buruzko informazio esparru eta parametro oinarrizkoak egunean edukitzeko.

-Estatistikaren arloko ikerketa sustatzea, bai eta estatistikan aritzen diren langileen lanbide prestakuntza eta hobekuntza ere.

-Foru Komunitateko Administrazioaren ordezkari izatea estatistika gaietan espezializaturik dauden toki, autonomia erkidego, estatu eta nazioarteko unitate eta erakundeekiko harremanetan, eta haiekiko koordinazioa eta lankidetza bultzatzea jarduera estatistikoan. Ordezkari lan hori betetzean, departamentuetako unitate espezializatuen laguntza izanen du, eta haietan eskuordetu ahal izanen du zeregina, bidezko jotzen duenean.

-Estatistika Sistemako unitateekin lankidetzan aritzea estatistikaren arloko sekretua aplikatu eta errespetatzeko.

-Nafarroari buruzko estatistiken zabalkundea bultzatzea.

-Foru Komunitateko Administrazioaren partaidetza duten hitzarmen edo akordiorako proiektu guztiei buruzko aginduzko txostena egitea, bai eta zerbitzuen kontratazioetan ere, bitartekoetan edo helburuetan jasota egon daitekeen jarduera estatistikoari dagokionez.

-Foru Komunitateko Administrazioaren unitateek egin nahi dituzten eragiketa estatistikoen proiektu guztiei buruzko txostenak egitea, horien ondorioz informazioa eskatu behar baldin badiete pertsona fisiko edo juridikoei, haien eginkizunei dagozkien administrazio harremanetatik kanpo.

-Nafarroako Estatistika Planean sartutako eragiketa estatistikoak egiteko behar diren erregistroei eragiten dieten galde-sortei, administrazio prozedurei eta aplikazio informatikoei buruzko informazioa.

-Nafarroako Estatistikari buruzko ekainaren 27ko 11/1997 Foru Legearen bidez araututako jarduera estatistikoa betetzen duten unitateek estatistikak egitean erabilitako galde-sorten eta metodoen eraginkortasuna frogatzeko ikerketak egitea.

-Nafarroako Estatistika Kontseiluak modu egokian jarduteko behar dituen baliabideak izatea.

-Beste entitate publiko edo pribatu batzuekiko hitzarmenetatik datozen jarduera estatistikoak betetzea.

-Nafarroan interes publikokoa den informazio estatistikoari buruzko datu baseak garatzea.

-Foru Komunitatean estatistikaren arloan dagoen eskaeraren beharrak eta bilakaera aztertzea.

-Indarra duten xedapenek esleitutako beste eginkizun batzuk.

21. artikulua. Nafarroako Estatistika Institutuaren egitura.

Nafarroako Estatistika Institutuak atal hauek ditu:

a) Azpiegitura Estatistikoaren Atala.

b) Ekoizpen Estatistikoaren Atala.

c) Estatistikaren Koordinazio eta Zabalkunderako Atala.

22. artikulua. Azpiegitura Estatistikoaren Atalaren eginkizunak.

Azpiegitura Estatistikoaren Atalak, zuzendaritza nagusiaren gaiei dagokienez, eginkizun hauek izanen ditu:

-Unitate estatistikoen direktorioak prestatzea, hain zuzen, lurraldeari, populazioari, etxebizitzei eta jarduera ekonomikoei buruzko informazio esparru eta parametro oinarrizkoak sortu eta egunean edukitzeko beharrezkoak direnak.

-Indarra duten xedapenek esleitutako beste eginkizun batzuk.

23. artikulua. Ekoizpen Estatistikoaren Atalaren eginkizunak.

Ekoizpen Estatistikoaren Atalak, zuzendaritza nagusiaren gaiei dagokienez, eginkizun hauek izanen ditu:

-Agintzen zaizkion eragiketa estatistikoak egitea, bai eta beste organo estatistiko batzuekiko lankidetza akordioetatik datozenak ere.

-Datu baseak sortzea, beraiek ekoitzitako informazio estatistikoarekin eta kanpokoen eragiketetatik datorrenarekin.

-Sintesiko estatistikak egitea.

-Indarra duten xedapenek esleitutako beste eginkizun batzuk.

24. artikulua. Estatistikaren Koordinazio eta Zabalkunderako Atalaren eginkizunak.

Estatistikaren Koordinazio eta Zabalkunderako Atalak, zuzendaritza nagusiaren gaiei dagokienez, eginkizun hauek izanen ditu:

-Nafarroari buruzko estatistiken zabalkundea bultzatzea.

-Informazio estatistikoaren arloan egiten zaizkion eskaerei erantzutea.

-Nafarroari buruzko informazio estatistikoa biltegiratu eta kontsultatzeko prozedura egokienak garatu eta mantentzea.

-Datuen sailkapenerako eta emaitzak aurkezteko sailkapenak, nomenklaturak eta kodeak mantentzea eta haien zabalkundea egitea, eta koordinazio metodologikoa bultzatzea.

-Indarra duten xedapenek esleitutako beste eginkizun batzuk.

5. atala. Enpresa Sustapenaren Zerbitzua

25. artikulua. Enpresa Sustapenaren Zerbitzuaren eskumenen esparrua.

Enpresa Sustapenaren Zerbitzuak foru dekretu honetan ezarritako eskudantziak izanen ditu, honako arlo hauetan:

-Enpresen inbertsio jarduera sustatzea.

-Jarduera ekonomikoen arloak sustatzea.

-Enpresa sektoreak bultzatzea.

-Informazioaren Gizartea Sustatzeko Plana koordinatu eta haren jarraipena egitea.

-Informazioaren eta komunikazioaren teknologien erabilera sustatzea.

-Indarra duten xedapenek esleitutako gainerako eginkizunak.

26. artikulua. Enpresa Sustapenaren Zerbitzuaren egitura.

Enpresa Sustapenaren Zerbitzuak atal hauek izanen ditu:

a) Berrikuntza Sustatzeko Atala.

b) Informazioaren Gizartea eta Enpresa Sektoreak Sustatzeko Atala.

27. artikulua. Inbertsioa Sustatzeko Atalaren eskumenen esparrua.

Inbertsioa Sustatzeko Atalak, Zuzendaritza Nagusiaren gaiei dagokienez, eginkizun hauek izanen ditu:

-Enpresaburuen jarduera garatu eta sendotzea.

-Ekoizpenerako inbertsioa sustatzea.

-Indarra duten xedapenek esleitutako beste batzuk.

28. artikulua. Informazioaren Gizartea eta Enpresa Sektoreak Sustatzeko Atalaren eskumenen esparrua.

Informazioaren Gizartea eta Enpresa Sektoreak Sustatzeko Atala, Zuzendaritza Nagusiaren gaiei dagokienez, eginkizun hauek izanen ditu:

-Informazioaren Gizartea Sustatzeko Plana koordinatu eta haren jarraipena egitea.

-Informazioaren eta komunikazioaren teknologien erabilera sustatzea eta enpresa sektoreak bultzatzea.

-Indarra duten xedapenek esleitutako beste batzuk.

6. atala. Berrindustrializazioaren, Lehiakortasunaren eta Proiektu Estrategikoen Zerbitzua

29. artikulua. Berrindustrializazioaren, Lehiakortasunaren eta Proiektu Estrategikoen Zerbitzuaren eskumenen esparrua.

Berrindustrializazioaren, Lehiakortasunaren eta Proiektu Estrategikoen Zerbitzuak foru dekretu honetan ezarritako eskudantziak izanen ditu ondoko arlo hauetan:

–Enpresen lehiakortasuna hobetzen laguntzea.

–Enpresak saneatzen eta berrabiatzen laguntzea.

–Enpresen finantzaketarako bidea erraztea.

–Proiektu estrategikoak koordinatzea.

–Sozietate publikoek kudeatutako proiektuak koordinatzea.

–Enpresa politikak koordinatzea.

–Ekintzailetza bultzatzea.

–Enpresa edo lanbideko jarduerak abian jartzeko zerikusia duten gai eta prozedurak definitu, planifikatu, informazio zerbitzuak garatu, aholkatu, tramitazioa bateratu eta ebaztea, enpresa edo lanbide jarduerak abian jartzeko xedearekin administrazioa errazteko neurriei buruzko abenduaren 9ko 15/2009 Foru Legeak Jarduera Ekonomikoak Tramitatzeko Bulegoari agintzen dizkion eginkizunekin bat.

30. artikulua. Berrindustrializazioaren, Lehiakortasunaren eta Proiektu Estrategikoen Zerbitzuaren egitura.

Berrindustrializazioaren, Lehiakortasunaren eta Proiektu Estrategikoen Zerbitzuak atal hauek ditu bere egituran:

a) Enpresen Lehiakortasunaren Atala.

b) Proiektu Estrategikoen eta Enpresa Politiken Atala.

31. artikulua. Enpresen Lehiakortasunaren Atalaren eskumenen esparrua.

Enpresen Lehiakortasunaren Atalak, zuzendaritza nagusiaren gaiei dagokienez, eginkizun hauek izanen ditu:

-Lehiakortasuna hobetzea.

-Enpresen saneamendua eta berrabiada, eta haien finantzaketarako bidea erraztea.

-Indarra duten xedapenek esleitutako beste batzuk.

32. artikulua. Proiektu Estrategikoen eta Enpresa Politiken Atalaren eskumenen esparrua.

Proiektu Estrategikoen eta Enpresa Politiken Atalak, zuzendaritza nagusiaren gaiei dagokienez, eginkizun hauek izanen ditu:

–Proiektu estrategikoak koordinatzea.

–Sozietate publikoek kudeatutako proiektuak koordinatzea.

–Enpresa politikak koordinatzea.

–Moderna planaren proiektuak koordinatzea (ekintzailetza bultzatzekoak).

–Enpresa edo lanbideko jarduerak abian jartzeko zerikusia duten gai eta prozedurak definitu, planifikatu, informazio zerbitzuak garatu, aholkatu, tramitazioa bateratu eta ebaztea, enpresa edo lanbide jarduerak abian jartzeko xedearekin administrazioa errazteko neurriei buruzko abenduaren 9ko 15/2009 Foru Legeak Jarduera Ekonomikoak Tramitatzeko Bulegoari agintzen dizkion eginkizunekin bat.

–Indarra duten xedapenek esleitutako gainerako eginkizunak.

III. KAPITULUA. Aurrekontuaren Zuzendaritza Nagusia

1. atala. Eskumenen esparrua eta egitura

33. artikulua. Aurrekontuaren Zuzendaritza Nagusiaren eskumen esparru materiala.

Aurrekontuaren Zuzendaritza Nagusiak gai hauei buruz foru dekretu honetan aipatzen diren eskudantziak izanen ditu:

-Nafarroako Aurrekontu Orokorrak prestatzea, Nafarroako Gobernuak ezartzen duen bezala, eta horien jarraipena egitea eta exekuzioa bultzatzea.

-Aurrekontu egonkortasunaren helburuak betetzeko ezartzen diren neurri orokorrak edo partikularrak.

-Nafarroako Gobernuak epe ertainerako ezartzen duen programazio ekonomikoa egitea beste departamentuekin batera, eta horren jarraipena eta kontrola egitea.

-Foru Komunitateko Administrazioari dagokion finantza politikaren kudeaketa, planifikazioa eta koordinazioa.

-Nafarroako Zor Publikoaren administrazioa eta kontrola.

-Administrazioaren kontu-hartze lana eta barne-kontrola koordinatu, bultzatu eta gainbegiratzea eta dagokion finantza kontrola bere gain hartzea.

-Nafarroako Gobernuko departamentuen kontabilitatea eta ordainketen kudeaketa.

-Nafarroako Kontu Orokorrak egitea.

-Estatuarekin eta beste administrazio publikoekin koordinazio ekonomikoa edukitzea, deusetan galarazi gabe Nafarroako Gobernuko beste organo batzuek ere gai honi buruz eduki dezaketena.

-Estatuarekiko Hitzarmen Ekonomikoaren arloko gaietan laguntzea.

-Nafarroako Ondarearen ondasun eta eskubideak eskuratu, besterendu eta lagatzea.

-Nafarroako Ondarea babestu eta defendatzea.

-Nafarroako Ondarearen ondasun eta eskubideak antolatu, afektatu eta atxikitzea.

-Sektore publikoko erabilera administratiboko edo funtzionaleko ondasun higiezinen gaineko politika diseinatu, antolatu eta kudeatzea.

-Nafarroako enpresa ondare publikoa osatzen duten eskubideak erabili, kontrolatu eta kudeatzea.

-Nafarroako Gobernuko sektore publikoaren enpresen antolaketa eta kontrola, baita haietako zuzendaritza eta administrazio organoena ere, eta enpresa haien atxikipena.

-Indarra duten xedapenek esleitutako gainerako eginkizunak.

34. artikulua. Aurrekontuaren Zuzendaritza Nagusiaren egitura.

1. Aurrekontuaren Zuzendaritza Nagusiak zerbitzu hauek ditu bere egituran:

a) Aurrekontuen eta Finantza Politikaren Zerbitzua.

b) Kontabilitate Zerbitzua.

c) Kontu-hartze Orokorraren Zerbitzua.

d) Ondare Zerbitzua.

2. Zuzendaritza Nagusi honi zuzenean atxikirik egonen da Gastu Publikoaren Analisi eta Kontrolerako Atala.

2. atala. Aurrekontuen eta Finantza Politikaren Zerbitzua

35. artikulua. Aurrekontuen eta Finantza Politikaren Zerbitzuaren eginkizunak.

Aurrekontuen eta Finantza Politikaren Zerbitzuak, Zuzendaritza Nagusiaren gaiei dagokienez, eginkizun hauek izanen ditu:

-Aurrekontu eta finantza arloan Nafarroako Gobernuak izan beharreko irizpide eta jarraibideak prestatzea.

-Aurrekontu egonkortasunaren helburuak lortzeko neurrien proposamenak.

-Nafarroako Aurrekontu Orokorren proiektua egitea.

-Departamentu guztiek beren aurrekontuei dagokienez oro har dituztenak.

-Epe ertaineko programazio ekonomikorako proposamena prestatzea, Nafarroako Gobernuak ezarritako irizpideekin bat; proposamen horren jarraipena eta kontrola.

-Estatuarekiko Hitzarmen Ekonomikoaren arloko gaietan laguntzea.

-Oro har, Foru Komunitateko finantza politika, haren Administrazioari dagokiona, bai bere finantzaketari dagokionez bai beste entitate batzuen gaineko bere eskumenez baliatzeari dagokionez.

-Estatuko eta Europar Batasuneko ekonomia eta finantza arloko politikekin koordinatzea.

-Nafarroako Foru Komunitateak aseguru pribaturako bitartekaritzaren arloan dituen eskumenez baliatzea.

-Foru Komunitateak aurrezki kutxen, kreditu kooperatiben eta gizarte aurreikuspeneko mutualitateen arloan dituen eskumenez baliatzea.

-Foru Komunitateko Administrazioaren funts likidoen kudeaketa.

-Indarra duten xedapenek esleitutako beste eginkizun batzuk.

36. artikulua. Aurrekontuen eta Finantza Politikaren Zerbitzuaren egitura.

Aurrekontuen eta Finantza Politikaren Zerbitzuak atal hauek ditu:

a) Aurrekontuen Atala.

b) Diruzaintza Atala.

c) Finantza Politikarako Atala.

37. artikulua. Aurrekontuen Atalaren eginkizunak.

Aurrekontuen Atalak, zuzendaritza nagusiaren gaiei dagokienez, eginkizun hauek izanen ditu:

-Koordinazio lanak betetzea Nafarroako Aurrekontu Orokorren aurreproiektuak prestatzean, bai eta Foru Komunitateko Administrazioaren sozietate eta fundazio publikoen ustiapen eta kapital aurrekontuenak eta jarduketa programen, inbertsioen eta finantzaketarenak ere.

-Foru Komunitateko Administrazioaren organo eta entitateei dagokien aurrekontu egitura zehaztea.

-Aurrekontuen aurreproiektuak egiteko jarraibide teknikoak eta prozeduraren diseinua prestatzea.

-Indarreko arauek Nafarroako Gobernuari eta Ekonomia, Ogasun, Industria eta Enpleguko kontseilariari esleitzen dizkieten aurrekontuetako aldaketen azterlana, tramitazioa eta kontrola.

-Nafarroako Aurrekontu Orokorren eta aurrekontuen arloko xedapenen betetzeari jarraipena egin eta bultzada ematea.

-Nafarroako Gobernuak eta Nafarroako Parlamentuak aurrekontuen arloan dituzten harremanen inguruko azterlanak eta txostenak.

-Nafarroako Gobernuak ezarritako epe ertaineko programazio ekonomikoaren jarraipena eta kontrola.

-Estatuarekiko Hitzarmen Ekonomikoaren arloko gaietan laguntzea.

-Indarra duten xedapenek esleitutako beste eginkizun batzuk.

38. artikulua. Diruzaintza Atalaren eginkizunak.

Diruzaintza Atalak, zuzendaritza nagusiaren gaiei dagokienez, eginkizun hauek izanen ditu:

-Foru Komunitateko Administrazioaren ordainketa guztiak kontrolatzea eta gauzatzea, indarreko arauetan ezarritako edo etorkizunean ezarriko diren sistemen bidez, salbu eta "justifikatu beharreko funts libratu" gisa tramitatzen direnen materializazioa.

-Enpresa publiko, sozietate eta fundazio publikoen funts likidoen kudeaketaren arloan, Ekonomia, Ogasun, Industria eta Enplegu Departamentuak ematen ahal dituen jarraibide eta arauak egitea.

-Foru Komunitateko Administrazioaren diruzaintzako aurrekontuak prestatu eta haien jarraipena egitea.

-Foru Komunitatearen izenean finantza entitateetan irekitako kontuen kontrola eta jarraipena, bai eta Foru Komunitateko Administrazioaren kudeaketa zentroei eta erakunde autonomoei baimendutakoena ere eta, beraz, haien kobrantzen eta ordainketen fluxuena ere.

-Foru Komunitateko Administrazioari aurkeztutako berme mota guztiak, diruzkoak ez direnak, administratu eta zaintzea.

-Indarra duten xedapenek esleitutako beste eginkizun batzuk.

39. artikulua. Finantza Politikarako Atalaren eginkizunak.

Finantza Politikarako Atalak, zuzendaritza nagusiaren gaiei dagokienez, eginkizun hauek izanen ditu:

-Nafarroako Foru Komunitateko Administrazioaren eta enpresa, sozietate eta fundazio publikoen zorpetze politika eta finantzaketarako beste alternatiba batzuk prestatu eta aztertzea.

-Nafarroako Zor Publikoa eta beste mailegu batzuk administratzea.

-Foru Komunitateak aurrezki kutxen, kreditu kooperatiben eta gizarte aurreikuspeneko mutualitateen arloan dituen eskumenez baliatzea.

-Estatuko eta Europar Batasuneko finantza arloko politikekin koordinatzea.

-Nafarroako Foru Komunitateak aseguru pribaturako bitartekaritzaren arloan dituen eskumenez baliatzea.

-Indarra duten xedapenek esleitutako beste eginkizun batzuk.

3. atala. Kontabilitate Zerbitzua

40. artikulua. Kontabilitate Zerbitzuaren eginkizunak.

Kontabilitate Zerbitzuak, zuzendaritza nagusiaren gaiei dagokienez, eginkizun hauek izanen ditu:

-Foru Komunitateko Administrazioaren eta haren erakunde autonomoen kontabilitate publikoa antolatzea.

-Foru Komunitateko Administrazioan eta haren erakunde autonomoetan kontabilitateko arauak eta prozedurak egitea, bai eta eragiketak gauzatzen dituzten unitateek ondorio guztiekin aplikatzen dituztela kontrolatzea.

-Foru Komunitateko Administrazioaren eta haren erakunde autonomoen jarduera ekonomiko eta finantzarioari eta haren emaitzei buruzko informazio sistema definitzea.

-Sektore publikoa osatzen duten entitateen jarduerari eta emaitzei buruzko informazio ofiziala egin eta argitaratzea.

-Helburuen betetzeari buruzko informazioa lortzeko erabili beharreko prozedura eta sistemak ezartzea.

-Aurrekontu Egonkortasuna noraino betetzen den zehaztu eta aztertzea.

-Nafarroako Gobernuko kontabilitate zentroen arteko koordinazio funtzionala, kontabilitatearen eta ordainketa politikaren arloan.

-Indarra duten xedapenek esleitutako beste eginkizun batzuk.

41. artikulua. Kontabilitate Zerbitzuaren egitura.

Kontabilitate Zerbitzuak atal hauek ditu:

a) Kontabilitate Orokorraren eta Aurrekontuetakoaren Atala.

b) Kudeaketa eta Kontrol Sistemen Atala.

42. artikulua. Kontabilitate Orokorraren eta Aurrekontuetakoaren Atalaren eginkizunak.

Kontabilitate Orokorraren eta Aurrekontuetakoaren Atalak, Zuzendaritza Nagusiaren gaiei dagokienez, eginkizun hauek izanen ditu:

-Foru Komunitateko Administrazioaren eta haren erakunde autonomoen kontuen planak egitea.

-Foru Komunitateko Administrazioaren eta haren erakunde autonomoen unitateek betetzen dituzten kontabilitate eragiketetan erabili beharreko kontabilitateko prozedurak, liburuak, erregistroak eta dokumentuak ezartzea.

-Nafarroako Aurrekontu Orokorrak betetzeko eragiketetatik eta beste ondare eragiketa batzuetatik datozen kontabilitateko idatzoharrak kontrolatzea eta, beharrezkoa denean, gauzatzea.

-Kontabilitate Orokorra eta Aurrekontuetakoa antolatu, ikuskatu eta bultzatzea, Kontabilitate Publikoaren Plan Orokorraren printzipioekin bat.

-Aurrekontu Orokorren betearazteari eta Nafarroako Ogasun Publikoko ondareari eta ekonomiari buruzko egoera orriak aldian-aldian azaltzea.

-Foru Komunitateko Administrazioaren eta haren erakunde autonomoen jarduera ekonomiko eta finantzarioari buruzko informazioaren kalitate kontrola.

-Nafarroako Kontu Orokorrak eta ekonomiari nahiz ondareari buruzko gainerako agiri guztiak prestatzea.

-Indarra duten xedapenek esleitutako beste eginkizun batzuk.

43. artikulua. Kudeaketa eta Kontrol Sistemen Atalaren eginkizunak.

Kudeaketa eta Kontrol Sistemen Atalak, Zuzendaritza Nagusiaren gaiei dagokienez, eginkizun hauek izanen ditu:

-Foru Komunitateko Sektore Publikoa osatzen duten entitateen kontrola eta segimendua, Zuzendaritza Nagusiaren eginkizunei dagokienez indarreko arauetan ezarritako eremuetan.

-Nafarroako Aurrekontu Orokorretan eta Nafarroako Kontu Orokorretan dagoen informazioa homogeneizatzea.

-Jarduera ekonomiko eta finantzarioaren emaitzei buruzko informazio sistemen kudeaketa.

-Foru Komunitateko sektore publikoaren entitateen inbentario zentralizatua kudeatzea eta Zerga eta Finantza Politikarako Kontseiluaren jarraibideen arabera koordinatzea.

-Kudeaketa ekonomikoaren sistemak diseinatzen eta ezartzen laguntzea.

-Indarra duten xedapenek esleitutako beste eginkizun batzuk.

4. atala. Kontu-hartze Orokorraren Zerbitzua

44. artikulua. Kontu-hartze Orokorraren Zerbitzuaren eginkizunak.

Kontu-hartze Orokorraren Zerbitzuak, zuzendaritza nagusiaren gaiei dagokienez, eginkizun hauek izanen ditu:

-Kontu-hartze Orokorra, Nafarroako Ogasun Publikoa arautzen duen foru legean jasotako moduan.

-Barne kontrolaren arloko arau eta prozedurak garatzeko proposamenak egitea.

-Barne kontrolaren eremuan ezartzen den urteko plangintzarako proposamena egitea eta hura betetzea.

-Foru Komunitateko Administrazioaren, haren erakunde autonomoen eta Nafarroako Ondarea arautzen duen Foru Legeak aipatzen dituen entitate eta sozietateen finantza kontrola.

-Aurrekontu egonkortasunaren helburuaren segimendua egitea.

-Indarra duten xedapenek esleitutako beste eginkizun batzuk.

45. artikulua. Kontu-hartze Orokorraren Zerbitzuaren egitura.

Kontu-hartze Orokorraren Zerbitzuak honako atal hauek ditu:

a) Kontu-hartze Atala.

b) Auditoretza Atala.

c) Egiturazko Funtsen Finantza Kontrolaren Atala.

d) NBEUF-LGENF Diru-laguntzen Finantza Kontrolerako Atala.

46. artikulua. Kontu-hartze Atalaren eginkizunak.

1. Kontu-hartze Atalak, zuzendaritza nagusiaren gaiei dagokienez, eginkizun hauek izanen ditu:

-Egintza, agiri eta espedienteen gaineko kontu-hartzea, haietatik Foru Komunitateko Administrazioari dagozkion eduki ekonomikoko eskubide eta betebeharrak edo funts edo baloreen mugimendua etor daitekeenean.

-Departamentuetako Kontu-hartzailetza Delegatuen jarduketak koordinatzea.

-Kontu-hartzailetza betetzeko behar diren arauak eta irizpideak egiten laguntzea.

-Barne kontrolaren eremuan ezartzen den urteko plangintza prestatzen parte hartzea.

-Indarra duten xedapenek esleitutako beste eginkizun batzuk.

2. Kontu-hartze Ataleko buruak kontu-hartzaile nagusiaren delegazio iraunkorra beteko du kontu-hartzailetzari dagokion gaietan.

47. artikulua. Auditoretza Atalaren eginkizunak.

Auditoretza Atalak, zuzendaritza nagusiaren gaiei dagokienez, eginkizun hauek izanen ditu:

-Foru Komunitateko Administrazioaren, haren erakunde autonomoen eta Nafarroako Ogasun Publikoa arautzen duen Foru Legeak aipatzen dituen entitate eta sozietateen finantza kontrola, Europar Batasuneko laguntzen finantza kontrolaren eginkizunak alde batera utzita.

-Koordinazioa eta lankidetza Comptos Ganberarekin fiskalizazio eta kontrol gaietan.

-Nafarroako Gobernuak agintzen dizkion barne nahiz kanpoko auditoretza lanak egin edo zuzentzea.

-Comptos Ganberak Foru Komunitateko Ogasunaren kontuen fiskalizazioaz eta baliabideen kudeaketaz egiten dituen txostenetan adierazten dituen ondorio, gomendio eta irizpideak aplikatzeko baldintzen eta kontrolaren jarraipena.

-Finantza kontrolaren eginkizuna betetzeko behar diren arauak eta irizpideak egitea.

-Finantza Kontrolerako Urteko Plana egitea.

-Indarra duten xedapenek esleitutako beste eginkizun batzuk.

48. artikulua. Egitura Funtsen Finantza Kontrolerako Atalaren eginkizunak.

Egitura Funtsen Finantza Kontrolerako Atalak, Zuzendaritza Nagusiaren gaiei dagokienez, eginkizun hauek izanen ditu:

-Finantzaketan egitura funtsen partaidetza duten ekintzei dagokienez, kontrol jarduketak planifikatu eta betetzea.

-Gauzatutako jarduketei buruzko txostenak prestatzea.

-Txostenetan jasotako gomendioen segimendua egitea.

-Erakunde nazionalei eta Europar Batasunekoei kontrol jarduketei buruzko informazioa ematea.

-Egindako jarduketetatik datozen itzulketa espedienteen segimendua.

-Indarra duten xedapenek esleitutako beste eginkizun batzuk.

49. artikulua. NBEUF-LGENF Diru-laguntzen Finantza Kontrolerako Atalaren eginkizunak.

NBEUF-LGENF Diru-laguntzen Finantza Kontrolerako Atalak, Zuzendaritza Nagusiaren gaiei dagokienez, eginkizun hauek izanen ditu:

-NBEUF-LGENF diru-laguntzei dagokienez, kontrol jarduketak planifikatu eta betetzea.

-Gauzatutako jarduketei buruzko txostenak prestatzea.

-Txostenetan jasotako gomendioen segimendua egitea.

-Erakunde nazionalei eta Europar Batasunekoei kontrol jarduketei buruzko informazioa ematea.

-Egindako jarduketetatik datozen itzulketa espedienteen segimendua.

-Indarra duten xedapenek esleitutako beste eginkizun batzuk.

5. atala. Ondare Zerbitzua

50. artikulua. Ondare Zerbitzuaren eginkizunak.

Ondare zerbitzuak, Zuzendaritza Nagusiaren gaiei dagokienez, eginkizun hauek izanen ditu:

-Foru Komunitatearen ondare-ondasunak eta ondare-etekinak eskuratu, besterendu, kudeatu eta zaintzea.

-Sozietate eta enpresetako partaide den aldetik, Foru Komunitateari dagozkion eskubideak kudeatu eta kontrolatzea.

-Foru Komunitateko Administrazioaren higiezinen politikarako planak erredaktatu, kudeatu eta gainbegiratzea.

-Foru Komunitateko Administrazioak emandako berme eta abalak tramitatu, kontrolatu eta jarraipena egitea, administrazio honetako beste organo eta departamentu batzuen eskumenak galarazi gabe.

-Hornidura kontratuen kudeaketa indarreko arauetan ezarritako moduan.

-Erosketa-zentrala den aldetik izenpetzen dituen kontratuen kudeaketa.

-Kontratazio Publikoaren Batzordeko Idazkaritzari dagozkionak.

-Kontratazio publikoaren arloko koordinazio, aholkularitza eta kontrola eta garapenerako proposamena.

-Foru Komunitateko Administrazioaren eta haren erakunde autonomoen ondare erantzukizunaren asegurua eta kalteen asegurua kontratatzea.

-Indarra duten xedapenek esleitutako beste eginkizun batzuk.

51. artikulua. Ondare Zerbitzuaren egitura.

Ondare Zerbitzuak atal hauek ditu:

a) Ondarearen Kudeaketa Juridikoaren Atala.

b) Ondarearen Kudeaketa Teknikoaren Atala.

c) Kontratazioaren, Aseguruen eta Afera Ekonomikoen Atala.

52. artikulua. Ondarearen Kudeaketa Juridikoaren Atalaren eginkizunak.

Ondarearen Kudeaketa Juridikoaren Atalak, Zuzendaritza Nagusiaren gaiei dagokienez, eginkizun hauek izanen ditu:

-Ondasunak kostu bidez eskuratzea, errentan hartzea, besterentzea eta kargatzea, bai eta haien afektazioa, desafektazioa, atxikipena, desatxikipena, destino aldaketa eta besterengarritasunaren adierazpena, Nafarroako Ondarea arautzen duen Foru Legean ezartzen den moduan.

-Foru Komunitateko jabari pribatuko ondasun eta eskubideen kudeaketa eta administrazioa, hauen erabilera edo ustiapena ez bazaie beste organo edo pertsona batzuei esleitu, bai eta eskubide eta ondasun horien erabilera edo ustiapena lagatzeko proposamena ere.

-Foru Komunitateko Ondarearen partetzat hartzen diren ondasun eta eskubide ororen ikerketa, eta haien mugaketa eta zedarritzea; haien babesa, defentsa eta erreibindikazioa, bai eta haien inguruko zehapen ahalmenak eta erantzukizunak eskatzekoak ere.

-Foru komunitateko Ondasun eta Eskubideen Inbentarioa egin eta eguneratzea, bai eta horien balorazioa, egoera fisiko eta juridikoa araztea eta kasuan kasuko erregistro publikoetan inskribatzea.

-Nafarroako Foru Komunitateko Ondareko ondasun eta eskubideak ordezkatu edo gauzatzen dituzten dokumentu, eskritura eta balore-titulu guztiak edukitzea eta gordetzea.

-Foru Komunitatearen partaidetza zuzena nahiz zeharkakoa duten sozietate eta enpresen gaineko eskubideak kudeatzea eta baliatzea eta kontrolatzea, sozietate publikoak izan ala ez.

-Nafarroako Gobernuko sektore publikoaren enpresen antolaketa eta kontrola, baita haietako zuzendaritza eta administrazio organoena ere, eta enpresa haien atxikipena.

-Foru Komunitateko Administrazioak eman eta formalizatutako abalak eta haien bermeak tramitatu, kontrolatu eta jarraipena egitea, bai eta komisioak ere, Foru Komunitateko Administrazioaren beste organo eta departamentu batzuen eskumenak galarazi gabe.

-Indarra duten xedapenek esleitutako beste eginkizun batzuk.

53. artikulua. Ondarearen Kudeaketa Teknikoaren Atalaren eginkizunak.

Ondarearen Kudeaketa Teknikoaren Atalak, Zuzendaritza Nagusiaren gaiei dagokienez, eginkizun hauek izanen ditu:

-Eraikin administratiboak optimizatzeko planak prestatu eta haien segimendua egitea.

-Foru Komunitateko ondasun higiezinen ondarea handitu, zaharberritu eta kontserbatzea, kasuan kasuko proiektuak gauzatuz, eta beharrezkoak diren lanen ikuskapen eta jarraipena egitea.

-Proiektuen ikuskapen bulego bati dagozkion eginkizunak eta, oro har, gai horiekin lotuta indarreko xedapenek agindutako eginkizunak.

-Foru Komunitatearen ondasun eta eskubideei eragiten dien hirigintza planeamenduaren segimendua eta haren ordezkaritza Konpentsazio Batzordeetan.

-Aholkularitza teknikoa, Foru Komunitateko Administrazioaren ondasun higiezinen ondarea kudeatzeko eta higiezinen merkatuaren prospekziorako, higiezinen erosketa eta errentamendu eskaerei erantzuteko.

-Indarra duten xedapenek esleitutako beste eginkizun batzuk.

54. artikulua. Kontratazioaren, Aseguruen eta Afera Ekonomikoen Atalaren eginkizunak.

1. Kontratazioaren, Aseguruen eta Afera Ekonomikoen Atalak, Zuzendaritza Nagusiaren gaiei dagokienez, eginkizun hauek izanen ditu:

-Ondare Zerbitzuari dagozkion arloetako arauen proiektuak prestatzea eta, beste departamentu batzuekin lankidetzan arituz, kontratazio administratiboaren arlokoak ere.

-Kontratuak kudeatu eta zentralizatzeko proposamenak egitea.

-Kontratazio Publikoaren Batzordeko Idazkaritzaren eginkizunak.

-Kontratuen Erregistroaz arduratzea.

-Kontratazioen legezkotasuna begiratu eta behar diren neurriak hartzea, ahalik eta koordinazio, ekonomia eta eraginkortasunik handiena lortzeko Foru Komunitateko Administrazioak izenpetzen dituen kontratuetan, eta bereziki hornidurakoetan.

-Hornidura kontratazioen espedienteak tramitatzea, haien esleipena Ekonomia, Ogasun, Industria eta Enplegu Departamentuaren eskumena bada.

-Plangintza, aholkularitza eta kontrola Nafarroako Foru Komunitateko Administrazioaren eta haren erakunde autonomoen elektrizitate horniduraren eta kontsumoaren arloan.

-Nafarroako Foru Komunitateko Administrazioan eta haren erakunde autonomoetan energia zerbitzuen kontratazioa eta energia aurrezteko jarduketak prestatzea bultzatzea.

-Foru Komunitateko Administrazioaren eta haren erakunde autonomoen ondare-erantzukizuneko asegurua eta kalte asegurua kontratatzeko espedienteak tramitatzea (Osasunbidea-Nafarroako Osasun Zerbitzuarena eta haren menpeko zentroena, lehenengo aseguruari dagokionez) tramitatzea.

-Ekonomia, Ogasun, Industria eta Enplegu Departamentuak tramitatzen dituen kontratazio espedienteetan aholku juridikoak ematea.

-Ondare-erantzukizuneko espedienteak tramitatzea, horien ebazpena Ekonomia, Ogasun, Industria eta Enplegu Departamentuari badagokio.

-Hornidura kontratu zentralizatuak izenpetzea Kontratu Publikoei buruzko ekainaren 9ko 6/2006 Foru Legearen 36. artikuluaren 3. idatz-zatian ezarritakoan oinarrituta.

-Erosketa-zentralaren kontratuak tramitatzea.

-Aurrekontua egin, kudeatu eta kontrolatzea.

-Kontabilizazio orokorra eta aurrekontuena.

-Giza baliabideen antolaketa eta kudeaketa.

-Ondarea osatzen duten ondasunen ustiapenetik datorren kudeaketa ekonomikoa.

-Indarra duten xedapenek esleitutako beste eginkizun batzuk.

6. atala. Gastu Publikoaren Analisi eta Kontrolerako Atala

55. artikulua. Gastu Publikoaren Analisi eta Kontrolerako Atalaren eginkizunak.

Gastu Publikoaren Analisi eta Kontrolerako Atalak, Zuzendaritza Nagusiaren gaiei dagokienez, eginkizun hauek izanen ditu:

-Eraginkortasunaren analisia aurrekontu eta ekonomia arloetako urteko adierazle eta helburuetan.

-Aurrekontuak sinplifikatzeko eta haien gardentasunerako prozeduren analisia.

-Administrazioaren eragimen ekonomikorako eta gastu publikoaren optimizaziorako politiken analisi jarraitua.

-Epe motzerako aginte taula osatu eta haren segimendua egitea.

-Aurrekontua eta ondarea kudeatzeko tresna berrien analisia.

-Zuzendari nagusiak bere eskumenen esparruan esleitzen dizkion gainerako eginkizunak.

IV. KAPITULUA. Industriaren, Energiaren eta Berrikuntzaren Zuzendaritza Nagusia

1. atala. Eskumenen esparrua eta egitura

56. artikulua. Industriaren, Energiaren eta Berrikuntzaren Zuzendaritza Nagusiaren eskumenen esparru materiala.

Industriaren, Energiaren eta Berrikuntzaren Zuzendaritza Nagusiak foru dekretu honetan ezarritako eskudantziak izanen ditu, honako arlo hauetan:

-Nafarroako Plan Teknologikoa koordinatu eta haren jarraipena egitea.

-Ikerketaren, garapen teknologikoaren eta berrikuntzaren sustapena.

-Zentro teknologikoak koordinatzea eta baliabideak optimizatzea.

-Energia berriztagarriak eta energia aurreztea eta energia eragimena.

-Plangintza energetikoa. Energia ekoitzi, garraiatu eta banatzeko azpiegiturak eta instalazioak.

-Meatzaritzako segurtasuna antolatzea.

-Segurtasuneko erregelamenduei lotutako entitateak, instalazioak eta produktuak kontrolatu eta ikuskatzea.

-Enpresen erregistroa.

-Profesionalei industriako segurtasunaren arloko egiaztagiriak ematea.

-Ibilgailuen azterketa teknikoa eta aldizkako azterketak.

-Kontrol metrologikoa.

-Indarra duten xedapenek esleitutako beste eginkizun batzuk.

57. artikulua. Industriaren, Energiaren eta Berrikuntzaren Zuzendaritza Nagusiaren egitura.

Industriaren, Energiaren eta Berrikuntzaren Zuzendaritza Nagusiak zerbitzu hauek izanen ditu:

a) Berrikuntzarako eta Ezagutzaren Transferentziarako Zerbitzua.

b) Energiaren, Meatzaritzaren eta Industria Segurtasunaren Zerbitzua.

c) Laguntza Juridiko eta Administratiboaren Zerbitzua.

2. atala. Berrikuntzarako eta Ezagutzaren Transferentziarako Zerbitzua

58. artikulua. Berrikuntzarako eta Ezagutzaren Transferentziarako Zerbitzuaren eskumenen esparrua.

Berrikuntzarako eta Ezagutzaren Transferentziarako Zerbitzuak foru dekretu honetan ezarritako eskudantziak izanen ditu, honako arlo hauetan:

-Nafarroako Plan Teknologikoa koordinatu eta haren jarraipena egitea.

-Ikerketaren, garapen teknologikoaren eta berrikuntzaren sustapena.

-Zentro teknologikoak koordinatzea eta baliabideak optimizatzea.

-Indarra duten xedapenek esleitutako beste eginkizun batzuk.

59. artikulua. Berrikuntzarako eta Ezagutzaren Transferentziarako Zerbitzuaren egitura.

Berrikuntzaren eta Ezagutza Transferitzearen Zerbitzuaren egituran atal hauek daude:

a) Berrikuntza Sustatzeko Atala.

b) Teknologiaren eta Ezagutzaren Transferentziaren Atala.

60. artikulua. Berrikuntza Sustatzeko Atalaren eskumenen esparrua.

Berrikuntza Sustatzeko Atalak, Zuzendaritza Nagusiaren gaiei dagokienez, eginkizun hauek izanen ditu:

-Ikerketaren, garapen teknologikoaren eta berrikuntzaren sustapena.

-Indarra duten xedapenek esleitutako beste batzuk.

61. artikulua. Teknologiaren eta Ezagutzaren Transferentziaren Atalak izanen dituen eskumenen esparrua.

Teknologiaren eta Ezagutzaren Transferentziaren Atalak, zuzendaritza nagusiaren gaiei dagokienez, eginkizun hauek izanen ditu:

-Zentro teknologikoak bultzatu eta koordinatzea.

-Ezagutzaren enpresek zentro teknologikoek, patenteek eta markek sortutako ezagutza baliatu eta transferitzea.

-Indarra duten xedapenek esleitutako beste batzuk.

3. atala. Energiaren, Meatzaritzaren eta Industria Segurtasunaren Zerbitzua

62. artikulua. Energiaren, Meatzaritzaren eta Industria Segurtasunaren Zerbitzuaren eskumenen esparrua.

Energiaren, Meatzaritzaren, eta Industria Segurtasunaren Zerbitzuak foru dekretu honetan ezarritako eskudantziak izanen ditu, honako arlo hauetan:

-Energia berriztagarriak eta energia aurreztea eta energia eragimena.

-Plangintza energetikoa. Energia ekoitzi, garraiatu eta banatzeko azpiegiturak eta instalazioak.

-Meatzaritzako segurtasuna antolatzea.

-Segurtasuneko erregelamenduei lotutako entitateak, instalazioak eta produktuak kontrolatu eta ikuskatzea.

-Enpresen erregistroa.

-Profesionalei industriako segurtasunaren arloko egiaztagiriak ematea.

-Ibilgailuen azterketa teknikoa eta aldizkako azterketak.

-Kontrol metrologikoa.

-Indarra duten xedapenek esleitutako beste eginkizun batzuk.

63. artikulua. Energiaren, Meatzaritzaren eta Industria Segurtasunaren Zerbitzuaren egitura.

Energiaren, Meatzaritzaren eta Industria Segurtasunaren Zerbitzuak atal hauek izanen ditu:

a) Energiaren eta Meategien Atala.

b) Enpresen Erregistroaren Atala.

c) Industria Segurtasunaren Atala.

64. artikulua. Energiaren eta Meategien Atalaren eskumenen esparrua.

Energiaren eta Meategien Atalak, zuzendaritza nagusiaren gaiei dagokienez, eginkizun hauek izanen ditu:

-Energia berriztagarriak eta energiaren aurreztea eta energiaren eragimena sustatzea.

-Plangintza energetikoa.

-Energia ekoitzi, garraiatu eta banatzeko azpiegiturak eta instalazioak.

-Meatzaritzako segurtasuna antolatzea.

-Indarra duten xedapenek esleitutako beste batzuk.

65. artikulua. Enpresen Erregistroaren Atalaren eskumenen esparrua.

Enpresen Erregistroaren Atalak, zuzendaritza nagusiaren gaiei dagokienez, eginkizun hauek izanen ditu:

-Enpresen erregistro eta kontrola, kontrol erakunde baimenduak, profesionalen akreditazioa.

-Indarra duten xedapenek esleitutako beste batzuk.

66. artikulua. Industria Segurtasunaren Atalaren eskumenen esparrua.

Industria Segurtasunaren Atalak, zuzendaritza nagusiaren gaiei dagokienez, eginkizun hauek izanen ditu:

-Segurtasuneko erregelamenduei loturiko instalazio eta gaien, jasogailuen eta garabien kontrola.

-Ibilgailuen azterketa teknikoa eta aldizkako azterketak.

-Kontrol metrologikoa.

-Indarra duten xedapenek esleitutako beste batzuk.

4. atala. Laguntza Juridiko eta Administratiboaren Zerbitzua

67. artikulua. Laguntza Juridiko eta Administratiboaren Zerbitzuak dituen eskumenen esparru materiala.

Laguntza Juridiko eta Administratiboaren Zerbitzuak foru dekretu honetan ezarritako eskudantziak izanen ditu ondoko arloei dagokienez industriaren, enpresaren eta enpleguaren esparruetan:

-Laguntza juridiko eta administratiboa.

-Aurrekontuen eta kontabilitate kudeaketaren arloan eskumena duten unitateekin elkarlanean aritzea, aurrekontua prestatu, kontrolatu eta hari jarraipena egiteko jarduerak bidera daitezen.

-Funtzio publikoaren arloan eskumena duten unitateekin elkarlanean aritzea, plantilla prestatu, kontrolatu eta hari jarraipena egiteko jarduerak bidera daitezen.

-Gobernu Irekiaren eta Teknologia Berrien Zuzendaritza Nagusiko unitate eskudunekin elkarlanean aritzea proiektuak garatzeko antolamendu eta kudeaketa sistemak hobetzeko asmoz.

-Politika Ekonomiko eta Enpresarialaren Zuzendaritza Nagusiarekin elkarlanean aritzea bere eskumeneko espedienteetan eta eskatzen zaizkion aferetan.

-Indarra duten xedapenek esleitutako beste eginkizun batzuk.

68. artikulua. Laguntza Juridiko eta Administratiboaren Zerbitzuaren egitura.

Laguntza Juridiko eta Administratiboaren Zerbitzuak atal hauek ditu bere egituran:

a) Laguntza Juridikoaren Atala.

b) Modernizazioa Bultzatzeko Atala.

69. artikulua. Laguntza Juridikoaren Atalaren esparrua eta eginkizunak.

Laguntza Juridikoaren Atalak, zuzendaritza nagusiaren gaiei dagokienez, eginkizun hauek izanen ditu:

-Errekurtso administratiboak ebazteko txostena eta proposamena.

-Espedienteak prestatzea eta berrikustea, organo jurisdikzionalei igortzeko.

-Nafarroako Foru Komunitateari eskatzen ahal zaizkion kalte-ordainak tramitatzea eta horien gaineko ebazpen-proposamena egitea.

-Xedapen orokorrak aztertu eta prestatzea.

-Nafarroako, Estatuko eta Europar Batasuneko araudia biltzea.

-Zehapen espedienteak tramitatzea.

-Nahitaezko desjabetzeko espedienteak tramitatzea.

-Eskatzen zaizkion txosten juridikoak egitea.

-Indarra duten xedapenek esleitutako beste eginkizun batzuk.

70. artikulua. Modernizazioa Bultzatzeko Atalaren esparrua eta eginkizunak.

Modernizazioa Bultzatzeko Atalak, Zuzendaritza Nagusiaren gaiei dagokienez, eginkizun hauek izanen ditu:

-Antolakuntza eta kudeaketa sistemak hobetzeko proiektuak koordinatzea.

-Eguneko gai zerrendak eta jakinarazpen administratiboak tramitatzea.

-Plantilla prestatu, kontrolatu eta hari jarraipena egiteko jarduerak bideratzea.

-Herritar, enpresa eta entitateentzako informazio eta erregistro jarduerak koordinatzea.

-Indarra duten xedapenek esleitutako beste eginkizun batzuk.

V. KAPITULUA. Arriskuen Prebentziorako eta Lanaren Zuzendaritza Nagusia

1. atala. Eskumenen esparrua eta egitura

71. artikulua. Arriskuen Prebentziorako eta Lanaren Zuzendaritza Nagusiaren eskumenen esparru materiala.

Arriskuen Prebentziorako eta Lanaren Zuzendaritza Nagusiak foru dekretu honetan ezarritako eskudantziak izanen ditu, honako arlo hauetan:

-Lan harremanak.

-Laneko arriskuen prebentzioa.

-Ekonomia soziala eta lan autonomoa.

-Indarra duten xedapenek esleitutako beste eginkizun batzuk.

72. artikulua. Arriskuen Prebentziorako eta Lanaren Zuzendaritza Nagusiaren egitura.

Arriskuen Prebentziorako eta Lanaren Zuzendaritza Nagusiak Lan Zerbitzua du bere egituran.

2. atala. Lan Zerbitzua

73. artikulua. Lan Zerbitzuaren eskumenen esparrua.

Lan Zerbitzuak foru dekretu honetan ezarritako eskudantziak izanen ditu, honako arlo hauetan:

-Lan harremanak.

-Laneko arriskuen prebentzioa.

-Ekonomia soziala eta lan autonomoa.

-Indarra duten xedapenek esleitutako beste batzuk.

74. artikulua. Lan Zerbitzuaren egitura.

Lan Zerbitzuak honako atal hauek izanen ditu:

a) Lan Harremanen eta Arriskuen Prebentzioaren Atala.

b) Koordinazioaren eta Laguntza Teknikoaren Atala.

c) Ekonomia Sozialaren, Lan Autonomoaren eta Lan Erregistro Publikoen Atala.

75. artikulua. Lan Harremanen eta Arriskuen Prebentzioaren Atalaren eskumenen esparrua.

Lan Harremanen eta Arriskuen Prebentzioaren Atalak, zuzendaritza nagusiaren gaiei dagokienez, eginkizun hauek izanen ditu:

-Lantokiak irekitzearen, eraikuntza obretako segurtasun eta osasun planen eta amiantoarekin zerikusia duten lan planen inguruko eginkizunak.

-Laneko arriskuen prebentzioan aritzen diren entitateak baimentzea, eta eraikuntzaren sektorean baimendutako enpresak eta amiantoaren arriskua duten enpresak erregistratzea.

-Zehapen espedienteak.

-Lan arloko eztabaidetan bitartekotza eta arbitraje lana egitea, eta lan prozedurak, taldekoak zein banakakoak, lan arloko jurisdikzioan tramitatu aurreko adiskidetzea.

-Grebak eta ugazaben itxierak.

-Enplegu erregulazioa, taldeen lan harremanak eteteko edo amaitzeko baimenak eman ahal izateko.

-Adingabeen lanarekin lotutako baimenak eta laneko jaiegunak zehaztea.

-Indarra duten xedapenek esleitutako gainerako eginkizunak.

76. artikulua. Koordinazioaren eta Laguntza Teknikoaren Atalaren eskumenen esparrua.

Koordinazioaren eta Laguntza Teknikoaren Atalak, zuzendaritza nagusiaren gaiei dagokienez, eginkizun hauek izanen ditu:

-Lan merkatuaren bilakaeraren jarraipena eta Enplegu Planaren ebaluazioa.

-Enpresen gizarte erantzukizuna sustatzea.

-Zeharkako jarduketak eta proiektuak garatzea.

-Zuzendaritza nagusiko gainerako unitateei laguntza teknikoa ematea.

-Indarra duten xedapenek esleitutako gainerako eginkizunak.

77. artikulua. Ekonomia Sozialaren, Lan Autonomoaren eta Lan Erregistro Publikoen Atalaren eskumenen esparrua.

Ekonomia Sozialaren, Lan Autonomoaren eta Lan Erregistro Publikoen Atalak, zuzendaritza nagusiaren gaiei dagokienez, eginkizun hauek izanen ditu:

-Ekonomia soziala sustatzea.

-Lan kooperatiba eta sozietateak.

-Langile autonomoak.

-Hitzarmen kolektiboen, hauteskunde sindikalen, lanbide erakundeen, enpresa elkarteen eta aldi baterako laneko enpresen erregistro publikoak eta agindutako beste batzuk.

-Indarra duten xedapenek esleitutako gainerako eginkizunak.

VI. KAPITULUA. Departamentuko Idazkaritza Tekniko Nagusia

78. artikulua. Idazkaritza Tekniko Nagusiaren egitura.

Idazkaritza Tekniko Nagusiak atal hauek ditu:

a) Araubide Juridikoaren Atala.

b) Araubide administratiboaren Atala.

79. artikulua. Araubide Juridikoaren Atalaren eginkizunak.

Araubide Juridikoaren Atalak, Idazkaritza Tekniko Nagusiaren gaiei dagokienez, eginkizun hauek izanen ditu:

-Aginduzko txosten juridikoak egitea beharrezko duten espedienteetan, bai eta idazkari tekniko nagusiak agintzen dion beste edozein ere.

-Aholkularitza juridikoa ematea Departamentuko kontseilariari, zuzendari nagusiei eta zerbitzuko zuzendariei.

-Departamentuetan tramitatzen diren errekurtsoei buruzko txostenak egitea.

-Departamentuari dagozkion gaiei buruzko araudia bildu eta mantentzea.

-Departamentuaren gaietan, jurisprudentziaren, doktrinaren eta interes juridikoko informazioen segimendua, bilketa eta zabalkundea egitea.

-Giza baliabideen eta lanerako baldintza materialen arloko arauzko xedapenetan jasota dauden neurriak hartzea, hala nola, laneko arriskuen prebentzioa, ekintza zuzentzaileen koordinazioa, emergentzia planak eta segurtasunaren hobekuntzak.

-Aurrekontuen kudeaketa egokirako behar diren neurriak hartzea.

-Indarra duten xedapenek esleitutako gainerako eginkizunak.

80. artikulua. Araubide Administratiboaren Atalaren eginkizunak.

Araubide Administratiboaren Atalak, idazkaritza tekniko nagusiaren gaiei dagokienez, eginkizun hauek izanen ditu:

-Nafarroako Kontseiluaren irizpena behar duten departamentuaren aferen kasuan, haien gaineko espedienteak gainbegiratu eta igortzea.

-Departamentuko organoek onetsitako foru aginduak eta ebazpenak erregistratu, artxibatu eta gordetzea.

-Departamentuko erregistro eta artxibo administratiboak antolatu eta koordinatzeko irizpideak ezartzea, gainerako unitate organikoen laguntzaz.

-Departamentuaren jarduerei buruzko informazio orokorra herritarrei emateko lanak koordinatu eta bultzatzea ikuspuntu korporatibotik, gaur egun eskura dauden bideak eta etorkizunean sor daitezkeenak erabiliz, gai horretan eskumena duen unitatearekin koordinaturik eta hark ezarritako gidalerroei jarraikiz.

-Giza baliabideen arloko kontsultei erantzuna ematea, zehazki, Departamentuko funtzionarioen opor, lizentzia eta baimenei buruz, departamentuan funtzio publikoaren arloan eskumena duen unitatearekin koordinatuta.

-Bere eskumeneko gaietan, Gobernu Irekiaren eta Teknologia Berrien Zuzendaritza Nagusiarekin koordinatzeko eginkizunak bere gain hartzea.

-Akordioak eta hitzarmenak dagokien erregistroan inskribatzeko kudeaketa lanak eta tramiteak betetzea.

-Herritarrek egindako kexa eta iradokizunak kudeatu eta tramitatzea, arlo honetan eskumenak esleituak dituzten beste departamentu batzuekin koordinatuta.

-Indarra duten xedapenek esleitutako gainerako eginkizunak.

VII. KAPITULUA. Nafarroako Foru Auzitegi Ekonomiko-administratiboa

81. artikulua. Eskumenak.

Nafarroako Foru Auzitegi Ekonomiko eta Administratiboak uztailaren 2ko 178/2001 Foru Dekretuaren eranskinaren 20. artikuluan esleitzen zaizkion eskumenak baliatuko ditu, eta auzitegi horretako buruak Foru Komunitateko Administrazioaren zerbitzuko zuzendariaren maila izanen du; auzitegiko kideak eta idazkaria, berriz, Foru Komunitateko Administrazioaren atalburuaren parekoak izanen dira.

Lehenbiziko Xedapen Gehigarria. Eskumenak banatzeko betebehar orokorrak.

Indarra duten arauek organo bati ematen dizkioten eskumenak hierarkian menpeko diren beste organo batzuen artean banatzen ahal dira, Nafarroako Aldizkari Ofizialean argitaratuko den xedapen orokor baten bitartez, eskumenak esleitzeko arauetan finkatutako baldintzak bete beharra galarazi gabe.

Ekonomia, Ogasun, Industria eta Enpleguko kontseilariak eraginik gabe uzten ahalko du xedapen gehigarri honetan aipatzen den eskumenen banaketa, foru agindu baten bidez. Foru agindu hori Nafarroako Aldizkari Ofizialean argitaratu beharko da.

Bigarren Xedapen Gehigarria. Izendapenak.

Honako izendapen hauek berresten dira, egin ziren baldintza berberetan:

-Politika Ekonomikoaren eta Nazioartekoaren zuzendari nagusiarena. Hemendik aurrera, Politika Ekonomiko eta Enpresarialaren zuzendari nagusia izanen da.

-Industriaren, Enpresaren eta Berrikuntzaren zuzendari nagusiarena. Hemendik aurrera, Industriaren, Energiaren eta Berrikuntzaren zuzendari nagusia izanen da.

-Proiektu Estrategikoen Ataleko buruarena. Hemendik aurrera, Administrazio Publikoaren Proiektu Estrategikoen Ataleko burua izanen da.

-Nazioarteko Merkatuaren Ataleko buruarena. Hemendik aurrera, Europako Funtsen Kontrolerako Ataleko burua izanen da.

Hirugarren Xedapen Gehigarria. Dedikazio araubidean aldaketarik ez.

Administrazio Publikoaren Proiektu Estrategikoen Ataleko eta Europako Funtsen Kontrolerako Ataleko burutzek gaur egun Proiektu Estrategikoen Ataleko eta Nazioarteko Merkatuaren Ataleko burutzek duten dedikazio motari eutsiko diote.

Laugarren Xedapen Gehigarria. Administrazio unitateen jarraipena.

Atalak baino maila txikiagokoak diren unitate organikoek jarraitu eginen dute, izenari eta eginkizunei eutsita.

Xedapen Indargabetzaile Bakarra. Arauak indargabetzea.

Indarrik gabe gelditzen dira foru dekretu honen edukiari aurka egiten dioten maila bereko edo apalagoko xedapen guztiak eta, bereziki, uztailaren 25eko 66/2012 Foru Dekretua, hots, Ekonomia, Ogasun, Industria eta Enplegu Departamentuaren egitura organikoa ezarri zuena.

Azken Xedapenetan Lehena. Aurrekontu aldaketak.

Ahalmena ematen zaio Ekonomia, Ogasun, Industria eta Enpleguko kontseilariari foru dekretu honetan ezarritakoa betetzeko beharrezkoak diren aurrekontu aldaketak egin ditzan.

Azken Xedapenetan Bigarrena. Langileak banatzea.

Ahalmena ematen zaio Lehendakaritza, Justizia eta Barne kontseilariari beharrezko giza baliabideak esleitu eta bana ditzan foru dekretu honetan ezarritakoa betetzeko.

Azken Xedapenetan Hirugarrena. Garatzeko ahalmenak.

Ekonomia, Ogasun, Industria eta Enpleguko kontseilariari ahalmena ematen zaio foru dekretu honetan ezarritakoa garatzeko behar diren xedapenak eman ditzan.

Azken Xedapenetako Laugarrena. Indarra hartzea.

Foru dekretu honek Nafarroako Aldizkari Ofizialean argitaratzen den egunean hartuko du indarra