Castellano | Euskara | Français | English
Ezagutzera eman
Ikusi egun honetako albiste gehiago
Nafarroako Larrialdietako Agentziak 253.892 euroko azken belaunaldiko ekipamendua erosi du Nafarroako suhiltzaile-parkeetarako
Nafarroako Larrialdietako Agentziak 253.892 euroko balioa duen azken belaunaldiko materiala erosi du Foru Komunitateko suhiltzaile-parkeetarako.
Zehazki, 87.654 euro inbertitu dituzte HOLMATRO tresna hidraulikoetan (Core sistemarekin), itxialditik ateratzeko, suhiltzaileek parte hartu behar izaten dituzten hainbat istriputan biktimak ateratzeko erabiltzen dena. Core konexio-sistemak olio hidraulikoa itzultzen uzten du akoplamenduaren beraren bidez mahuka koaxiala erabiliz, eta erabiltzaileari tutu malguak akoplatu eta akoplamendua kentzeko aukera ematen dio bonbaren eragite-balbula manipulatu beharrik gabe.
Halaber, 20.880 eurorekin 50 botila composite betegarri erosi dituzte banakako erabilera duten arnasketa autonomoen ekiporako, sua itzaltzerakoan eta salbamendu profesionaletan erabiltzen direnak. Botilak beira/karbono eta compositezko zuntzekin indartutako aluminioz daude eginak, 300 barreko lan-presioa dute eta 6,8 litroko (urezko) ahalmena; M18x1,5eko uztai-txorrotarekin eta puskatuko balitz ere, segurtasun-balbularekin.
17.316 euro inbertitu dira ere garezurreko komunikazio-sistemaren 30 multzotan, garezurreko mikrofonoa, bozgorailua eta konektorea dituztenak; eta bozgorailu txikia konektorearekin. Komunikazioan, transmisioaren kondukzioa garezurraren bidez egiten da, ahotsa sentitzen baitu; horrela, haize, ur edo suaren aurrean, komunikazioak babestuta geratzen dira. Gainera, sistemak komunikazioa kanpoko interferentzietatik aske geratzea bermatzen du, garezurraren goialdean sentitzen diren bibrazioak soilik jasotzen baititu.
Bestalde, 9.242,88 euro erabili dira 12 gas-detektagailu eramangarri erosteko. Ekipoa gas-detektagailuen belaunaldi berrikoa da eta bereziki, monitorizazio pertsonalean eta bapore erregai (EX), oxigeno (O2) eta karbono monoxidoaren (CO) neurketa fidagarrietan erabiltzeko diseinatu da.
Nafarroako Larrialdietako Agentziak lau pertsona garraiatzeko ontzi bat ere erosi du motore eta atoiarekin; guztira 8.643,16 euro balio izan du. Ontziaren kroskobakarrak 3,45 m ditu luzeran, 1,64 m zabaleran eta 0,20 m sakoneran; beira zuntzez indarturiko plastikoz dago egina. Karelez kanpoko motorraren potentzia 7,3 KWtik 5.300 r.p.m.rakoa da.
Halaber, 3.622,68 euro gastatu dira urpean igeri egiteko pisu baxuko 20 linterna, Ion-Litiozko bateriekin eta 200 m, 20 atm, baino gehiagoko urperatze-erresistentziarekin.
Nafarroako Larrialdietako Agentziak ibilgailuak egonkortzeko bederatzi sistema ere erosi ditu; sistemek 2 euskarri beren erregulazio-uhalekin, bi kako, aizto-kako bat eta garraio-poltsa bat dute. Guztira, 16.373 euro izan dira. Halaber, honakoak ere erosi dituzte: 2.378 eurorekin sablezko 10 zerra, ur-hautserako zazpi xurgagailu (2.436 euro) eta 9 Plataforma altueran erregulagarriak, egonkorrak eta altu dauden ibilgailuetako (kamioiak, autobusak,...) biktimak askatu ahal izateko zabaltze azkarra dutenak.
Azkenik, Nafarroako Larrialdietako Agentziak 81.392 euro erabili ditu Nafarroako suhiltzaileen jantzi eta materialak hobetu eta osatzeko. Zehazki, suaren aurkako ehuna duten 400 galtza, material bereko 300 polo, esku-hartzerako 50 jertse, 26 baso-kasko, 26 suhiltzaile-kasko, 100 baso-bota eta suhiltzaileen esku-hartzerako 40 bota erosi dituzte.
