Castellano | Euskara | Français | English
Ezagutzera eman
Ikusi egun honetako albiste gehiago
CEIN sozietate publikoa Erregio Garapeneko Agentzien Espainiako Elkartearen kide fundatzailea ostirala, 2007.eko urriak 5
Nafarroako Enpresa eta Berrikuntzarako Europako Zentroa (CEIN) sozietate publikoak, Nafarroako Gobernuaren Berrikuntza, Enpresa eta Enplegu Departamentuari atxikita dagoenak, aste honetan Madrilen sinatu du Erregio Garapeneko Agentzien Espainiako Elkartea sortzeko akta. Aipatutako Elkartea eratu da erregioen garapen ekonomikoa sustatu eta enpresa txiki eta ertainei laguntzen dieten autonomia-administrazioetako erakunde publikoen arteko lankidetza sustatzeko.
Eskualde Garapeneko Espainiako Agentzietako arduradunak.
(
irudia handitu
)
Testua Carmen Leza CEINeko zuzendari-kudeatzaileak sinatu du, sozietate publiko hori hautatu baita Foru Komunitatea elkarte berri horretan ordezkatzeko, Nafarroako Gobernuaren menpeko erakunde gisa. Helburu nagusia erregioen garapen ekonomikoa sustatzea da, berrikuntza, pyme eta ekintzaileei laguntzeko programen eta jardueren bitartez, enpresaren arazo guztiak barne hartuta.
Erregio Garapeneko Agentzien Espainiako Elkarteak lan egingo du elkartekideek esperientziak trukatzeko, sinergiak sortzeko, ekimen berrietan lankidetzan aritzeko eta, oro har, lana hobetzeko eta ekonomiaren bilakaerak eta enpresa-sarearen premia berriek planteatzen dituzten erronkei aurre egiteko. Elkartearen lanaren zati bat lan-talde espezifikoen bidez garatuko da. Nafarroaren kasuan, eta aztertzen diren gaien arabera, Nafarroako Garapen Sozietateak (SODENA) eta Nafarroako Berrikuntza Agentziak (ANAIN) ere parte hartuko dute.
Datozen bi urtetan, Elkarteko presidentea Miguel Ángel Serrano Andaluziako Berrikuntza eta Garapen Agentziako zuzendari nagusia izango da. Hain zuzen ere, Agentzia hori Andaluziako Berrikuntza, Zientzia eta Enpresa Kontseilaritzari atxikitako erakundea da.
CEINez gain, Erregio Garapeneko Agentzien Espainiako Elkarteko kideak dira erakunde hauek: Gaztela eta Leongo Inbertsio eta Zerbitzuen Agentzia; Errioxako Ekonomia Garapeneko Agentzia; Kanarietako Ikerketa, Berrikuntza eta Informazioaren Gizarteko Agentzia; Andaluziako Berrikuntza eta Garapen Agentzia; Centre d´innovació i Desenvolupament Empresarial; Enpresa Sustapeneko Zuzendaritza Nagusia (Extremadura); Enpresa Sustapeneko eta Merkataritzako Zuzendaritza Nagusia (Gaztela-Mantxa); eta Aragoiko Sustapen Institutua.
Horretaz gain, honako hauek ere osatzen dute Elkartea: Asturiasko Printzerriko Ekonomia Garapeneko Institutua; Institut d´innovació Empresarial de les Illes Baleares; Ekonomia Sustapeneko Galiziako Institutua; Madrilgo Garapen Institutua; Valentziako Industria Txiki eta Ertainaren Institutua; Murtzia Eskualdeko Sustapen Institutua; Proyecto Melilla, S.A.; Kantabriako Erregio Garapeneko Sozietatea, S.A.; eta Industria Sustapeneko eta Birmoldaketako Elkartea.
Erregio Garapeneko Agentziak, zifrei dagokienez
Gaur egun, Erregio Garapeneko Agentzien Espainiako Elkartea osatzen duten erakundeek 1.600 langile baino gehiago eta 1.300 milioi eurotik gorako aurrekontua dute.
Halaber, 2006. urtean, 900 milioi euroko pizgarriak onetsi zituzten, Espainia osoan enpresa-inbertsioko 20.500 proiektu garatzeko. Horiek 43.000 lanpostu sortu zituzten. Horretaz gain, honako hauek ere onetsi zituzten: 680 milioi euroko pizgarriak enpresetan lehiakortasuna hobetzeko 19.000 proiektutarako; eta 16 milioi euro enpresak nazioartean zabaltzeko 1.000 proiektutarako. Sustapen lan horri esker, 10.000 milioi eurotik gorako enpresa-inbertsioa sustatu da.
Modu berean, Erregio Garapeneko Agentziek kultura ekintzailearen alde egiten dute lan. Oro har, agentzia horiei esker, 20.000 pertsona baino gehiago enpresa-kudeaketan trebatu dira, 15.000 pertsonari baino gehiagori aholkularitza eskaini zaie euren enpresa-planak hobetzeko, eta 2.500 enpresa berri sortu dira.
