Castellano | Euskara | Français | English
Ezagutzera eman
Ikusi egun honetako albiste gehiago
Etxeetan elektrizitatea aurrezteko eta modu eraginkorrean erabiltzeko koadernoa argitaratu du Berrikuntza, Enpresa eta Enplegu Departamentuak
asteazkena, 2008.eko urtarrilak 2
Guztizko energia kontsumoaren %30 familiei dagokie
Herritarrei etxetresnak erosten eta elektrizitatea aurreztu eta modu eraginkorrean erabiltzen laguntzeko neurriak biltzen dituen koadernoa argitaratu du Berrikuntza, Enpresa eta Enplegu Departamentuak. Europarako Energia Adimendunerako programaren bidez finantzatu du.
Guztizko energia kontsumoaren %30 familiei dagokie, eta %18 etxeetan kontsumitzen da. Hortaz, mundu iraunkorrago baten aldeko konpromisoa ahalbidetuko duen informazioa zabaltzea beharrezkoa da. Helburu horrekin, Nafarroako etxeetako elektrizitate kontsumoaren gaur egungo egoera deskribatu dute liburuxkan, eta etxetresnak eta elektrizitatea kontsumitzen duten aparatuak erosteko zein egunero modu errentagarriagoan erabiltzeko har daitezkeen neurrien berri eman dute bertan. Garrantzizkoenak bildu ditugu hemen.
Hozkailuak eta izozkailuak
- Hozkailua da elektrizitate gehien kontsumitzen duen etxetresna, etengabe erabiltzen baitugu. Eros itzazu A+ eta AA++ etiketa energetikoa duten hozkailuak, energia eta dirua aurrezten dutenak.
- Hozkailuaren atzealdean airea ibil dadin ahalbidetu behar da, eta bero iturrietatik urrun kokatu behar da.
- Garbitu ezazu gutxienez ere urtean behin aparatuaren atzealdea.
- Zabal ezazu atea ahalik eta gutxien, eta itxi ezazu berehala, energia alferrik kontsumitzea saihesteko.
- Kendu ezazu izotza, 3 mm-ko lodiera izan baino lehen. Energiaren %30 aurreztu dezakezu.
- Egiazta ezazu ateetako gomak egoera onean daudela eta hozkailua ongi ixtea ahalbidetzen dutela.
- Ez ezazu inoiz sartu elikagai berorik hozkailuan. Kanpoan hoztu daitezen uzten baduzu, energia aurreztuko duzu.
- Hozkailuan jar ezazu termostatoa 5º C-an, eta izozkailuan, berriz, -18º C-an.
- Dokumentazioa:
- Albiste osoa
