Castellano | Euskara | Français | English
Ezagutzera eman
Ikusi egun honetako albiste gehiago
Sakanako Mankomunitatean hiri-hondakin solidoak birziklatzeari buruzko erakusketa egongo da ikusgai hilabete bukaera arte astelehena, 2008.eko maiatzak 12
Etxarri-Aranatz, Irurtzun eta Altsasun egongo da ikusgai.
Etxarri-Aranatz, Irurtzun eta Altsasun "Helburua: birziklatzea" izeneko erakusketa ibiltaria egongo da ikusgai, maiatzaren 31 arte. Nafarroako Landa Garapen eta Ingurumen Departamentuari lotuta dagoen Ingurumen Baliabideen Zentroa da ekimen horren sustatzailea. Herritarrak hiri-hondakin solidoen bilketa eta kudeaketaren inguruan sentsibilizatzea da aipatu erakusketaren helburua.
Zehatzago, erakusketa zabalik egongo da gaurtik datorren maiatzak 17a arte Etxarri-Aranatzeko Kultur Etxean; maiatzaren 19tik 24 artean Irurtzungoan eta hilabete bereko 26tik 31 bitartean, berriz, Altsasuko Gure Etxean. Bisitak egiteko ordutegi bera egongo da hiru udalerrietan: 18:30etik 21:30era.
2004az geroztik Nafarroako Gobernuak Ecoembes-ekin sinatutako hitzarmenaren baitan aurreikusitako jardueren artean kokatu behar dugu erakusketa hau. 2008an Nafarroako geografia guztian zehar ibiliko da; hori horrela, Foru Komunitatean dauden hondakinen Mankomunitateen egoitza bietan nahiz zenbait udalerritan ere ikusi ahalko da.
Mankomunitate bakoitzean hondakinak modu bereiztuan biltzeko dauden sistemen inguruan herritzarren ezagutza nahiz sentsibilizazio maila areagotzea da helburu nagusia, bai eta hori behar bezala gauzatzeko herritarrei lankidetza eskatzea ere.
Horretarako, erakusketak hiru gai-multzo izango ditu, 17 panelen bidez garatuta. Lehenengo zatia hondakinei buruzkoa da: horiek sorrarazten dituzten arazoen eta arazo horien konponbideei buruzkoa. Horren bidez, hiri-hondakinen inguruko ikuspegi eguneratu bat eskaintzen da, bai eta horiek kudeatu eta pilatzeak dakartzan arazo nagusiak ere.
Erakusketa ibiltariaren bigarren zatia hiri-hondakinek Nafarroan duten kudeaketa-sistemari buruzko da. Hemen, gure bai gure Komunitatean bai dagokion Mankomunitatean hondakin horiek nola kudeatzen diren azaltzen da, bilketaren nahiz materiala berreskuratzeari buruzko emaitzak emanez.
Azken zatian, hondakinen arazoaren aurrean erabili beharreko praktika egokiak azaltzen dira; hemen, hondakinei dagokienez erakunde desberdinek bizi izan dituzten esperientzien berri ematen da, bai eta herritarrei zuzenduriko aholku praktikoak ere, hondakinekin lotutako arazoen inguruan irtenbideak aurkitzen laguntzeko. Helburu horrekin, paneletan mankomunitateetan hondakinen bilketan bizi izandako esperientziak jaso dira, bai eta Alemania bezalako herrialdeetan gaikako bilketari buruzkoak edota kontsumo arduratsu nahiz etxeetako gailako hondakin-bilketari buruzkoak ere.
Sakanako Mankomunitatean gaikako bilketaren inguruan jaso diren datuak
Erakusketako paneletan jasotzen den bezala, eta 2005eko datuen arabera, Sakanako Mankomunitateko biztanle bakoitzak 447 kilo zabor sortzen ditu urtean, hau da; 1,22 kilo egunean.
Sakanako Mankomunitateak modu honetara antolatzen du, gaur egun, gaikako bilketa-sistema: edukiontzi berdea gai organikoentzat; horia plastikozko enbase, lata eta puntu berdedun brik-entzat; urdina paperezko eta puntu berdedun kartoizko ontzi, paper, kartoi, egunkari eta aldizkarientzat; eta iglu berde bat, berriz, beira, eta kristalezko ontzi eta poteentzat.
Gainera, horren ohikoak ez diren bestelako hondakinak biltzeko beste sistema batzuk ere baditu, esaterako, pilak, altzariak, etxe-tresnak...etab, eta erabilitako olioa.
Sistema horren bidez, Sakanako Mankomunitateak 7.045 tona materia organiko eta hondakin bildu zituen 2005ean; horrez gain, 122 tona ontzi berreskuratu zituen, bai eta 1.004 tona paper eta 463 tona beira ere.
