Castellano | Euskara | Français | English
Ikusi egun honetako albiste gehiago
Udaberriko Bira, Kultura eta Turismo Departamentuak berrehun biztanletik milara bitarteko udal eta kontzejuen laguntzarekin antolatzen duen antzerki, musika, zinema eta folklore programa, Mañeru, Bargota, Lezaun, Ledea, Uztarroze, Aberin, Taxoare eta Arrera iritsiko da asteburu honetan.
Bihar, ostirala, ekainaren 20a, 22:00etan, Mañeruko enparantzan, La búsqueda del diario secreto filma izanen da ikusgai, eta 18:00etan, Bargotako pilotalekuan, Nosoloteatro taldeak La Cenicienta aurkeztuko du.
Larunbatean, ekainaren 21ean, Pedro III.a ilusionistak Cocktail de ilusiones aurkeztuko du, Lezaungo plazan, 19:00etan. Ordu berean, En la Lona taldeak Entre bastidores lana antzeztuko du Ledeako pilotalekuan. Nosoloteatro taldeak, berriz, La Cenicienta antzeztuko du Uztarrozeko Kultur Etxean, 20:30ean. Ordu berean, Keltiar Aldea folk taldeak kontzertua eskainiko du Aberingo udaletxeko aretoan, eta Taxoareko pilotalekuan, berriz, Mi monstruo y yo filma eskainiko dute, 22:00etan.
Azkenik, igandean, ekainaren 22an, 18:00etan, Nosoloteatro taldeak La Cenicienta antzeztuko du, Arreko erabilera anitzeko aretoan.