Castellano | Euskara | Français | English
Ikusi egun honetako albiste gehiago
Pasa den uztailean, 2.153 odol-emate erregistratu ziren Foru Erkidegoan, eta 2007ko hileko batez bestekoa, berriz, 2.477 izan zen
Medarde doktorea odol-emaile batekin hitz egiten.
(
irudia handitu
)
Uztaila eta abuztuan odol-emate kopurua jaitsi egin ohi da. Izan ere, udan biztanleriaren ohiturak aldatzen dira –oporrak, ordutegi aldaketak, aisiarako denbora gehiago- eta horren ondorioz odol-emateak jaitsi egiten dira. Hala ere, ospitaleek odolaren behar bera izaten dute ebakuntza kirurgikoen programak mantendu egiten direlako eta, gainera, larrialdien eraginez sortzen diren beharrak handitu egin daitezke auto-istripuen areagotzea dela eta.
Odol-produktuen erreserben jaitsiera larriak osasun zentroetan lan egiten duten profesionalen kezka sortu du, eta hori dela eta, hainbat erkidegotan kanpaina bereziak jarri dituzte abian udan odol-emateak sustatzeko. Ildo horretatik, Odol-emaileen Federazio Nazionalak "Olinpiada Gorria" izeneko ekimena antolatzen du uda guztietan biztanleriaren parte-hartzea bultzatzeko asmoz.
Urtaro honetan, transfusio zentroek etengabe jasotzen dituzte deiak beste erkidegoetatik euren erreserbak osatzeko laguntza eske, eta Nafarroak bidalketa horietan parte hartzen du, Nafarroako ospitaleetan dauden gaixoen osasun-laguntza bermatuz. Gauzak horrela, uda honetan Nafarroatik hainbat odol-bidalketa egin dira Madrilgo eta Aragoiko erkidegoetako transfusio zentroetara.
Nafarroaren egoera
"Nafarroaren egoera hobea da", adierazi du Antonio Medarde Agustín doktoreak, Nafarroako Odol-Transfusio Zentroko Laguntza-Zerbitzuko buruak. "Autonomia-erkidego guztietatik odol-emate kopuru handiena izateak eta Iruña eta bere arroko biztanle askok oporrak uztaila eta abuztuan zehar antolatzeak udari aurre egiten laguntzen digu".