Castellano | Euskara | Français | English
Ezagutzera eman
Ikusi egun honetako albiste gehiago
Nafarroako Gurutze Gorriak haurrentzako animazio-aisialdi programa jarriko du abian Bideko Ama Birjina Ospitalean
asteartea, 2008.eko abuztuak 26
Osasun Departamentuko kontseilariak hitzarmena izenpetu du GKE horrekin, Nafarroako Osasun Zerbitzuko ospitalean dauden haurrei aisialdi zerbitzuak eskaintzeko, ospitalean egotearen ondorio psikologikoak arintzea helburu duen jarduera multzoaren esparruan
Joaquín Mencos Gurutze Gorriko presidentea eta Kutz kontseilaria hitzarmena izenpetzen, Fernando Boneta Beorlegui Ospitaleko zuzendariaren aurrean.
(
irudia handitu
)
María Kutz Peironcely Osasun Departamentuko kontseilariak eta Joaquín Ignacio Mencos Arraiza Nafarroako Gurutze Gorriko presidenteak lankidetza hitzarmena izenpetu dute, gaur goizean, eta hitzarmenari jarraiki, Osasunbidea-Nafarroako Osasun Zerbitzuko Bideko Ama Birjina Ospitaleko ama-haurren arloko laugarren solairuan dauden haurrentzako animazio-aisialdi-hezkuntza programa jarriko du abian GKEak.
Ospitaleko egonaldiaren kalitatea hobetzea du helburu programak; izan ere, ospitalean egoteak ondorioak izaten ditu haurren psikologian, eta ondorio horiek ahal bezainbeste arindu behar dira. Zentzu horretan, Bideko Ama Birjina Ospitalea giro egokia sortzen ahalegintzen da, bertan dauden haurren bizimodua normalizatze aldera. Horretarako, gurasoen eta ahaideen sostenguaz gain, sostengu akademikoa eta aisialdi sostengua ere eskaini nahi ditu. Azkeneko atal horren baitan dago gaur kontseilariak eta Gurutze Gorriak izenpetu duten akordioa.
Elkarteak, gazte boluntarioen bidez, hainbat jarduera antolatu eta eginen ditu (pintura, eskulanak, animazioa, laguntza jarduerak, bakarkako jarduerak), ama-haurren arloko laugarren solairuko ikasgelan zein geletan.
Programa indarrean egonen da urte osoan, eta astero, astelehenetik ostiralera, bina orduko hiru jarduera eginen dituzte, arratsaldez. Gainera, irailetik ekainera bitarte, hilabeteko lehenengo eta hirugarren larunbatetan, goizez, bina jarduera eginen dituzte. Udan, jarduerak egunero eginen dituzte, goizez. Programa gauzatuko duen taldea teknikari koordinatzaile batek eta 20-30 urteko boluntarioek osatuko dute (aisialdiko jardueretan eta haurrekin lan egiten eskarmentua dutenak).
- Dokumentazioa:
- Albiste osoa
