Castellano | Euskara | Français | English
Ezagutzera eman
Ikusi egun honetako albiste gehiago
‘Cultur’ Programari amaiera emateko, jarduerak eginen dituzte Nafarroako turismo intereseko zortzi lekutan
asteazkena, 2008.eko abuztuak 27
Cultur Programa, Nafarroako Gobernuak Kultura eta Turismo Departamentuaren bidez Foru Komunitateko turismo intereseko lekuetan antolatzen duen Programa, asteburu honetan amaituko da. Erriberri, Lizarra, Etxauri, Erronkari, Orreaga, Lizaso, Uxue eta Irantzuko Monasterioan eginen dituzte asteburu honetako kultur jarduerak, hain zuzen.
Bihar, osteguna (abuztuaren 28a), Erriberriko San Frantzisko komentuko klaustroan, aita Xavier Álvarez de Eulateren pintura erakusketa egonen da ikusgai, eta San Frantzisko elizan, berriz, 20:00etan, Ilberri Hirukoteak kontzertua eskainiko du.
Etzi, ostirala (abuztuaren 29a), 19:00etan, Erriberriko Ardoaren Museoan, dasta ikastaroa eginen dute; Lizarrako "Fray Diego" Kultur Etxean, 20:30ean, New Mood Hirukoteak kontzertua eskainiko du; eta "Bakoren Doinuak" zikloaren baitan, Assai Bikoteak ganbera musikako kontzertua eskainiko du, Etxauriko Otazu Ardandegietan, 20:00etan.
Larunbatean (abuztuaren 30a), Erronkarin, "Gaiarrerekin Topaketak" ikuskizunaren baitan, 13:00etan eta 18:30ean, Daniel Gutiérrez pianistak eta David Echeverría tenoreak kontzertua eskainiko dute.
Igandean (abuztuaren 31), 13:00etan, Ensemble Hilauru taldeak ganbera musikako kontzertua eskainiko du Orreagako Kolegio-Elizan; Lizason, Orgi hariztian, 12:30ean eta 18:30ean, Iruñeko Boskote Klasikoak kontzertua eskainiko du; Aranguren Ibarreko Abesbatzak, 12:30ean, kontzertua eskainiko du Uxueko Andre Maria elizan; eta Ilberri Hirukoteak ganbera musikako kontzertua eskainiko du, Irantzuko Monasterioan, 12:30ean.
Gainera, abuztuaren 31ra bitarte bezperak eskainiko dituzte Leireko eta La Olivako Monasterioetan, honako ordutegi hauetan: Leireko Monasterioan, astelehenetik igandera, 19:00etan, eta ostegunetan, 19:30ean; eta La Olivako Monasterioan, astelehenetik larunbatera, 18:30ean, eta igandeetan, 18:25ean. Era berean, abuztuaren 31ra arte, honako erakusketa hauek egonen dira ikusgai: Teresa Sabaté, Agoitzeko Kultur Etxean; Alberto Berástegui, Erriberriko Errege Jauregian; Joaquín Ilundáin, Bertizko Jaurerrian; eta Jesús Rivero, Vianako Kultur Etxean.
