Ikusi egun honetako albiste gehiago
Gobernuak administrazio lanak sinpletzeko neurrien lege bat sustatu du
astelehena, 2009.eko ekainak 29
Ingurumenean eragin gutxi daukaten jardueretarako obra eta jarduera baimenak batera eskuratu ahal izango dira eta izapideak bulego bakar batek egingo ditu
Gobernuak administrazio lana sinplifikatzeko neurrien lege bat sustatu du.
(
irudia handitu
)
Nafarroako Gobernuak, gaurko bileran, Administrazioa Sinpletzeko Neurrien Foru Legea onartu du. Lege horren helburua da gaur egungo krisi egoeran garapen ekonomikoa sustatzea. Horretarako, jarduera ekonomikoak sustatzeko xedapenak ezarri dituzte, baita jarduera horiek garatzeko erraztasunak eta izapide administratiboak murrizteko eta ezabatzeko jarraibideak ere.
Neurrietako bat proiektuak “foru intereseko inbertsiotzat” hartu ahal izatea da, baldin eta Nafarroako erkidegoaren ekonomia, gizarte eta lurralde garapenean garrantzia badute. Lan horrek lehentasuna izango du eta berehala egingo dute erkidegoko administrazio publikoek. Ohiko epeak erdira jaitsiko dira.
Horrez gain, Jarduera Ekonomikoak Bideratzeko Bulegoa sortuko dute, informazio, aholkularitza, bideratze bateratu eta ebazpen zerbitzuak emango dituen “leihatila bakarra”. Gainera, Nafarroako Gobernuaren web atarian enpresei zerbitzuak on line emateko orriak jarriko dituzte (orain hiritarrek 254 zerbitzu bideratu ditzakete, bulegora joan gabe). Alde horretatik, Foru Legeak enpresekin batik bat telematika bidez komunikatzearen aldeko apustua egiten du.
Halaber, jarduera ekonomikoak abian jartzeko prozeduren izapideak eta betekizunak azaltzeko zerrendak egingo dituzte, hiritarrak, elkargo profesionalak eta erakundeak behar bezala informatzeko; protokolo horiek Nafarroako Gobernuaren atarian argitaratu eta eguneratuko dira.
Gehiago irakurri:
Ikusten ari den informazioa Nafarroako Gobernuak emandako prentsa-ohar osoaren bertsio bat da, online komunikabiderako egokitua.
- Dokumentazioa:
- Presentación proyecto de Ley Foral Simplificación Administrativa