Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Sanz presidenteak bihar emango dio saria, Madrilgo Las Ventas zezen-plazan egingo duten omenaldian
Transcripción textual del video
Pablo Hermoso de Mendoza burtzikaria.
Nafarroako Gobernuak Francisco de Javier saria sortu du, Nafarroan aurrerapena eta ongizatea sustatzen direla eta “Espainiako eta nazioarteko gizartea hobetzeko” lan egiten dela aditzera ematen duten pertsona eta erakundeen lana aintzatesteko.
Aurreneko edizioan, Erakundeekiko Harremanetako kontseilari eta Gobernuaren eledun Alberto Catalan Higuerasek proposatuta, saria Pablo Hermoso de Mendoza Canton burtzikariari ematea erabaki dute. Erabakiari dagokion foru dekretuaren arabera, Pablo Hermoso de Mendozak “Nafarroaren irudi bikaina zabaltzen du kanpoan”.
Saria bihar, hilaren 15ean, emango diote, iluntzeko 20.00etan, Madrilgo Las Ventas zezen-plazan (Antonio Bienvenida aretoan) egingo dioten omenaldian. Saria emateko ekitaldiko burua Miguel Sanz presidentea izango da.
Kanpoan Nafarroaren irudi positiboa hedatzen duten pertsonen lana aintzatesteko sari berezi horrekin, Nafarroako Gobernuak Francisco de Javier (1506-1552) ohoratu nahi du. Sariari dagokion foru dekretuaren arabera, Francisco de Javier “nafar unibertsalena da, unibertsitateko irakaslea, apaiza eta misiolaria, giza kezka eta kezka espiritualaren eredu nabarmena, pertsona ausart eta eskuzabala; munduko kultura eta herriekin irekia zen eta beste zibilizazio batzuk ezagutzeko eta ulertzeko bideak egin zituen; horregatik, mundu osoko herrietan daukate gogoan eta miresten dute".
Gainera, foru dekretuaren arabera, Pablo Hermoso de Mendozak “gorputz eta ariman aritu da zezenketan eta haren jendearen alde lanean". Testuak honako hau dio: “Horregatik, zaldiz txuliatzeko modu bikainagatik eta zezenen munduan daukan ospeagatik, jaioterri duen Nafarroako erkidegoaren irudi ona zabaldu du. Gainera, Nafarroarekiko lotura estuari eutsi egin dio eta eskuzabal jokatu du gure erkidegoarekin”. Gainera, dokumentuaren arabera, nafarrek “harro egon behar dute gizon horrekin, zela gaineko zezenkari handienarekin”.
Ikusten ari den informazioa Nafarroako Gobernuak emandako prentsa-ohar osoaren bertsio bat da, online komunikabiderako egokitua.