Landa Garapen eta Ingurumen Sailak jarduera-programa bultzatuko du landareen izurrien aurka borrokatzerakoan teknika biologikoak erabiltzea sustatze aldera, era horretan fitosanitario kimikoak gutxiago erabiltzearren, produktu horien erabilera iraunkorrari buruzko 128/2009 europar zuzentarauaren arabera.

Horretarako, Sailari atxikitako Instituto Técnico y de Gestión Agrícola S.A. enpresa publikoak 23 jarduera burutuko ditu labore eta landare ezberdinetan, eta 2010ean 200.000 euroko kostua izango du.

ITGAren programan entsegu- eta kontrol-lanak egingo dira: hala nola, izurrien aurka intsektuak eta fauna laguntzailea errazteko teknikak, landare estaliak eta hesi aproposak erabilita; fitosanitarioen erabilera kontrolatua; plastiko fotoselektiboak erabiltzea berotegietan; eta izurriak sortzearen aurkako jarduerak, parasitoen arrautzetan entseguak eginez eta feromonen bidezko sexu-nahasketekin.

Hauek dira jorratuko diren landare-izurriak eta –afekzioak: tuta absoluta edo tomatearen sitsa, psila edo udareondoaren zorria, repilo (olibondoaren mikosia), cerambícidos (kakalardoak) eta barraskiloak arantzabeltz eta elorri beltzean, verticilium dahliae (onddo-mota) piper eta olibondoan eta brontzeztatzearen birusa tomatean.

Jarduera horiekin batera, hitzaldi espezifikoak eskainiko zaizkie nekazariei. ITGAk Nafarroako nekazaritza-sektorearen eskura jarriko ditu entseguetan lortutako ondorioak.