Merkataritza-sektorearen lehiakortasuna hobetzea du xede, lankidetza publiko-pribatua areagotzea eta merkataritza, eskulangintza eta turismoaren arteko harremana estutzea Nafarroako hainbat zonaldetan hiru esparru horietan dauden sinergiak baliatze aldera.

2013ko ekitaldirako aurrekontu-esparrua zein izango den jakin bitartean, kalkulatzen da plan horrek gutxienez 3 milioi euroko finantzaketa izan dezakeela.

Nafarroako Gobernuarekin aldetik, Barcina Lehendakariaz gain, honako hauek izan dira: Kulturako, Turismoko eta Erakunde Harremanetako kontseilari Juan Luis Sánchez de Muniáin eta Turismo eta Merkataritzako zuzendari nagusi Carlos Erce

Merkataritzako elkarteen ordezkariak ondorengoak izan dira: NMFko lehendakari eta lehendakariorde Inmaculada Abínzano (Tafallako elkartea) eta Celso Clariana (Iruñeko II. Ensantxeko elkartea), hurrenez hurren, bai eta federazioko gerente Elisabet Azcarate eta bertako zuzendaritza-batzordeko ohorezko kide Miguel Cabodevilla ere. Bertan izan dira, halaber: Lizarrako elkarteko Esther Calatayud eta Juan Andrés Echarri; Iruñeko Alde Zaharreko elkarteko Javier Manero; Mendillorri (Iruñea) elkarteko Óscar Lorente eta Martín Azpilicueta (Iruñea) elkarteko David Basarte.

Merkataritzaren III. Plana sei programa nagusik osatzen dute zenbait jarduera-lerrorekin. Lehen programak `Lehiakortasunaren hobekuntza´ izena du, eta bost jarduera-lerro jasotzen ditu. Lehenengoa IKTekin eta teknologiarekin lotuta dago. Bigarrenak prestakuntza eta enpleguaren sustapena azpimarratu nahi ditu. Hirugarren jarduera-lerroa merkataritza-sektoreko elkarkidetza sustatu eta sendotzea da. Laugarren lerroa merkataritza-establezimenduak modernizatu eta hobetzea da berrikuntzaren bidez eta haien azpiegiturak hobetuz; eta bosgarrena belaunaldi-aldaketari emandako laguntza da eta ixteko arriskuan dauden saltokien enpresa-jarraipenari emandako laguntza, negozioen transferentzia sustatzeaz gain.

Merkataritzari Laguntzeko III. Planaren barnean jasotako bigarren programa "Merkataritzaren tokiko garapena" da eta bi jarduera-ildo nagusi ditu. Lehenengoa merkataritza garatzeko lurralde-plangintza da, eta bigarrena, merkataritzaren hiriko garapena.

Planaren hirugarren programa `Merkataritza berria eta ekintzaileak´ du izena eta bi jarduera-ildo jarraitzen ditu ere: saltokien sorrera sustatzea eta laguntza ematea eta merkataritza-ekimenei laguntza ematea landa-eremuan.

Merkataritzaren III. Planak jasotzen duen laugarren programa `Irudiaren sendotzea´ da eta, aldi berean, bi jarduera-ildo ditu. Lehenengoa merkatariaren eta eskulangilearen irudiaren sustapena da, haien funtzio sozial eta ekonomikoa nabarmenduz enpresario gisa. Bigarren jarduera-ildoaren asmoa marka-irudi bat sortzea da saltoki txikiaren faktore bereizgarrietan oinarrituz eta zenbait jarduera garatzea sustatu ahal izateko.

Merkataritzaren III. Planaren barneko bosgarren programak `Turismo-merkataritzako eskaintzaren garapena´ du izena, eta lau jarduera-ildo jasotzen ditu. Lehenengoa turismoa eta merkataritza elkarrekin sustatzea da. Bigarren jarduera-ildoa espazio eta azpiegiturak sortzea da merkataritzari eta turismoari abantaila komunak sortzeko. Hirugarrenak turismo eta merkataritzako politika publikoak batzea bilatzen du; eta laugarren eta azken neurriak produktu nafarraren irudia eta erakargarritasuna lotu nahi ditu merkataritzaren alde egiteko.

Merkataritzari Laguntzeko III. Planaren barnean jasotako seigarren eta azken programak `Informazioa eta lankidetza publiko-pribatua´ du izena eta hiru jarduera-ildo nagusik osatzen dute. Lehenengoa, sektorearentzat informazio erabilgarria egin eta jarraitzea da III. Planaren helburuak betetzen direla aztertzen uzten duten adierazleak definituz eta sortuz. Programa horretako bigarren jarduera-ildoak lankidetza publiko-pribatua sustatzea bilatzen du, Administrazioaren eta sektorearen artean elkartzeko bideak ezarriz, eta Nafarroako Gobernuak merkataritza-sektorearen ematen dion laguntza agerian uzten saiatuz. Azkenik, hirugarren jarduera-ildoaren xedea merkataritzari eta eskulangintzari lotutako araudia eguneratzea da, bai eta sektorearen eta inplikatutako eragileen esku araudian dauden aldaketei lotutako berrikuntzak jartzea ere.