Nafarroako Gobernuko Hezkuntza Departamentuak ikastetxe publiko berri bat eraikitzen hasi da Sarrigurenen, eta Haur eta Lehen Hezkuntzako hiru lerro oso hartu ahal izango ditu. 2015-2016 ikasturterako amaituta izango diren obren aurrekontua 2.008.603 euro da, BEZa barne.

Ikastetxe berria DD-3 eta DD-4 udal-partzeletan kokatuko da, eta haiek 15. poligonoko 215. eta 216. katastro-partzelekin nahiz 14. poligonoko 15. eta 559. katastro-partzelekin bat datoz. Partzela horiei hezkuntza-erabilera eman zaie.

Egikaritze-proiektuak hiru jarduera-eremu zehazten ditu: A, administrazioko gunea, haur-hezkuntzako espazioak eta gimnasioa hartzen dituena; B, lehen hezkuntzako espazioak hartzen dituena, eta C, jangelaren instalazioekin.

A jarduera-eremuan, honako hauek daude: Haur Hezkuntzako 9 ikasgela, psikomotrizitateko ikasgela, 5 komun ikasgeletatik zuzenean sartzeko aukerarekin, irakasleentzako komuna eta garbiketa-gela ; horrez gain, Haur eta Lehen Hezkuntzarako gune bateratu bat: gimnasioa, bi aldagela, gimnasioaren biltegia, irakasleen gela, zuzendaritzako bulegoa, idazkaritza, gurasoen elkarterako gela, atezaintza eta biltegia, bai eta logopeda, fisiologo eta orientatzaileentzako bulegoak ere.

B jarduera-eremuan, Lehen Hezkuntzako guneak 18 ikasgela izango ditu, hizkuntza-gela, bikoizketarako sei ikasgela, erabilera balio anitzerako gela, liburutegia, sei komun, irakasleentzako komuna, musika-gela, informatika-gela eta garbiketa-gela.

Azkenik, C jarduera-eremuak jangela, sukaldea, biltegia eta bi aldagela izango ditu. Eraiki nahi den ikastetxeko ikasleak eskolaratzeko esparruari erreparatuz, eta ikastexe publikoetako eskola-jangelak arautzeko araudian finkatutakoa betez, ikastetxe berriko jangelak ohiko jangelaren kalifikazioa izango du, eta haren sorrera nahiz antolaketa ez da Foru Komunitateko Adminsitrazioaren eskumena izango.