Nafarroako Gobernuak Nafarroako Berdintasunerako Institutua erakunde autonomoaren estatutuak onartu ditu gaurko bilkuran. Erakunde horren zereginak honako hauek izango dira: emakume eta gizonen arteko berdintasun-politikak koordinatu eta kudeatzea Nafarroan, bai eta jarduera integraleko neurriak koordinatu eta kudeatzea ere emakumeen kontrako indarkeriaren edo genero-indarkeriaren aurrean.

Erakundeak bi zuzendariordetza eta lau atal izango ditu.

1. Plangintza eta Programen Zuzendariordetza ondorengo ataletan azpibanatzen da, aldi berean:

   1. Generoko Programen eta Zeharkakotasunaren Atala.
   2. Emakumeen Aurkako Indarkeriaren Atala.

2. Sustapen eta Kudeaketa Zuzendariordetzak honako atal hauek izango ditu:

   1. Informazio, Sentsibilizazio eta Partaidetza Sozialaren Atala.
   2. Kudeaketa eta Baliabideen Atala.