Nafarroako Gobernuak ikusteko desgaitasuna duten pertsonei Justiziako Administraziorako irisgarritasun unibertsala erraztuko die; hala, dokumentu judizialak kolektibo horretarako irisgarriak diren formatuetan emango dizkie.

Nafarroako Lehendakaritzako, Funtzio Publikoko, Barneko eta Justiziako kontseilari Mª Jose Beaumont Aristu kontseilariak eta Foru Komunitateko ONCEko Lurralde Kontseiluko lehendakari Valentín Fortún Arriezu lehendakariak lankidetza-hitzarmena sinatu dute ildo horretan; haren bidez, babes judizial eragingarria eta ikusteko desgaitasunen bat duten pertsonentzako aukera-berdintasunaren printzipioa bermatu nahi dira.

Estatu-mailan ONCEk izenpetzen duen era honetako lehen hitzarmena da.

Dokumentuan finkatzen denaren arabera, Foru Administrazioak euskarri informatiko bat garatzeko konpromisoa hartzen du eta, horri esker, ONCEko kideen esku dokumentazio judiziala (jakinarazpenak, zitazioak...) pertsona horientzako formatu irisgarrietan jarriko ahalko da.

Bestalde, ONCEk bazkideen fitxategiak eta eguneratutako datu-baseak emateko konpromisoa hartzen du, bai eta boluntarioak izateko ere pertsona itsuei laguntzeko eraikin judizialetara joan behar dutenean.

Nafarroan ikusteko desgaitasuna duten 810 pertsona daude gaur egun.