Nafarroako Osasun Publikoaren eta Lan Osasunaren
Institutua
Castellano | Euskara | Français | English
Ezagutzera eman
9. Alerta: Gurpildun orgak erortzea kargatzeko plataformak dituzten kamioietatik
2020ko abendua
Istripua
Jakinarazpen hau igortzen dugu, azken urteetan era horretako hainbat lan-istripu gertatu direlako. Kasu guztietan, tartean zeuden banaketa-kamioiak, atzeko aldean kargatzeko plataformak zituztenak, bai eta gurpildun orga altuak ere, supermerkatuetarako salgaiz beteak (edo, kasuren batean, ospitaleetarako menuak zituzten erretiluak).
Kamioien kargatzeko plataformek egin zitzaketen jasotzeko, jaisteko eta inklinatzeko mugimenduak, eta gobernatzen ziren aginte finko edo eramangarrien bidez, izan kableatuak edo haririk gabekoak.
Orgak altuak ziren, oinarriari dagokionez, eta bi gurpil finkoren eta beste bi gurpil direkzionalen gainean bermatzen ziren; gurpil horietako batek ere ez zuen balaztarik. Kaiola forma zuten edo, isotermikoek, armairu erabat itxiarena. Pisu desberdina zuten, garraiatutako zamaren arabera; 500 kg-tik gorakoa izan zitekeen.
Ia kasu guztietan, istripuak gertatu ziren banaketa egitean, deskargatzen ari zirela, orgak kontrolik gabe ibili pirritan plataformetan edo kamioia kargatzeko konpartimentuetan barna, eta langileen gainera irauli edo/eta goitik erorita. Kasuren batean, pertsona horiek ikusi zuten orga biraka zebilela, eta geldiarazten saiatu ziren parean jarrita, eta orgak kolpatu edo lurrera bota zituen (zenbait kasutan baita gainera erori ere).
Zergatiak
- Kamioia kargatzeko konpartimentuaren gaina inklinatua zegoen: kamioia aparkatu zuten horizontala ez zen toki batean, izan bide publikoa nahiz establezimenduaren zamalanetarako kaia, eta orgak, edo ez zeudelako kamioiari lotuak, edo mugitu aurretik askatu eta aske utzi zituztelako, kontrolik gabe ibili ziren biraka.
| - Kamioia kargatzeko plataformako platera desnibelatua zegoen: botoiekin gehiegi okertu zuten (edo sakagailu okerra sakatu zuten, eragingailu bakoitzaren funtzioa ez zegoelako behar bezala identifikatua aginte-gailuan). |  |
- Orgen gurpilek ez zuten balaztarik, eta, beraz, libreki ibili ziren.
- Kargatzeko plataformako platerak ez zeukan orgak atxikitzeko/geldiarazteko toperik bazterretan. Ez zuen pertsonak ertzetatik ez erortzeko babes-barandarik ere.
- Interferentziak edo koordinaziorik eza egon ziren deskarga elkarrekin egin zutenen artean (batek orgak mugitzen zituen, eta bestea plataformaren agintearekin ari zen).
Prebentziozko gomendioak
|
- Gurpildun orgak kendu eta hankak edo palet erako euskarriak dituzten edukiontziak jartzea, transpalet bidez mugitzeko. - Lan-prozedurak definitzea, non, beste jarraibide batzuen artean, adieraziko baita produktu astunenak beti orgen/edukiontzien behealdean jarri beharko direla, eta horiek, mugitzen ari ez direnean, bermatuta utzi beharko direla kamioia kargatzeko konpartimentuan, kaian edo plataforma jasotzaileko platerean. Kasu horietan, transpaleta balaztatua utzi beharko da, bestela hori ere mugitu eta erortzeko arriskua baitago. |
 |
- Kargatzeko plataformetan dauden aginte-gailu finko eta eramangarrien eragintza-organo bakoitzaren funtzioa identifikatzea eta seinaleztatzea. Orgak mugitzen dituen langileak kontrolatu beharko ditu deskarga-lanak, eta plataformako aginteak ere berak maneiatu.
|
- Gurpildun orgak pisu gutxiko produktuentzat bakarrik erabili beharko lirateke, betiere gurpilek balaztak badituzte eta plataformako platerak bazterretan topeak baditu. - Plataformen ertzetan barandak jartzea, pertsonak ez erortzeko. |
 |
- Langileei, aldian behin, prestakuntza eta informazioa ematea beren lanpostuaren arriskuei buruz eta aplika daitezkeen prebentzio-neurriei buruz, jarraitu beharreko lan-prozedura seguruak barne.
