Hantura aurkako ez esteroideoak (AINEs) botika multzo bat da eta gaur egungo terapeutikan asko erabiltzen dira. Nafarroako Osasun Zerbitzuan, 1992. urtean emandako kontsumoak laurehun eta berrogeita hamar miloi pezetatik gora egin zuen. Nagusiki giharren eta eskeletoaren asaldurak tratatzeko erabiltzen dira, besteak beste: artritis, osteoartritis, espondilitis ankilosatzailea... Baita erreumatologikoak ez diren gaixotasunetan ere, esaterako: prozesu otorrinolaringologikoak, urdailekoetan eta trauma ondorekoetan. Azken kasu horietan ez daude azterketa eztabaidaezinen arabera babestuta. Nolanahi ere, gogoratu behar da AINEs botikek bakarrik minaren eta hanturaren sintomak lasaitzen dituztela, gaixotasunaren ibilbidea eten egin gabe.