1964an, Estatu Batuetan, Newsweek aldizkariak Robert A. Wilson ginekologoaren “No more menopause” artikulua argitaratzen du; bertan, estrogeno bidezko tratamenduaren bertuteak azpimarratzen dira gaztetasunaren iturritzat. Geroago, “Feminine forever” bere liburuak, bere esperientzian oinarritutakoak, pilula antisorgailua aurkitu zenekoaren antzeko une historikoa markatu zuen. Aurrerapen terapeutikoaz gain, menopausia izenez ezagutzen den emakumeen bizitza-aldia ulertzeko moduaren aldaketa soziologikoa ere ekarri zuen. Bazirudien Ordezko Hormonen Terapiarekin (OHT) ordura arte izan zuen “hondamen”, “zahartze”… konnotazio negatiboetatik aske gera zitekeela; horregatik, OHT ongi hartu zuten osasun-sektoreek, industria farmazeutikoak eta emakumeen taldeak. Estatu Batuetan %40ak erabili zezaten lortu zen; Europan, %30ak eta, Espainian, %15 inguruk. 40 milioi emakumek baino gehiagok erabiltzen dute hormonazko tratamendua menopausian.