Antibiotikoak ospitale kanpoko esparruan gehien agintzen diren farmako-taldeenetariko bat dira, eta baita ere ospitale baten farmazian egindako gastuaren ehuneko handi bat. Horiek neurriz gabe edo behar ez bezala erabiltzeak efektu negatiboa dauka, gaixoarentzat ez ezik, baita erkidegoarentzat ere, bakteria-erresistentziak sortzen direlako eta kostu handia eragiten dutelako.
Bestalde, eskura dauden antibiotikoen aukerak nabarmen egin du gora azken urteotan. Bakterien aurkako espektro handiagoa duten, farmakozinetika hobea eta toxikotasun gutxiago duten molekulak agertu dira. Testuinguru honetan, zefalosporinen taldea gehien garatuenetariko bat da, eta horrenbestez, osasun profesionalarentzat bereziki zaila da bere aukera terapeutiko guztiak sakon ezagutzea.